თმის შეღებვის პოპულარული მეთოდები - სეზონის ყველაზე აქტუალური ტექნიკა და ფერები

გაზაფხული ახლოვდება, რაც იმას ნიშნავს, რომ დროა იმიჯის რადიკალურ ცვლილებაზე იფიქროთ.

გთავაზობთ პოპულარობის პიკზე მყოფ თმის შეღებვის მეთოდებსა და ფერებს.
წელს თმის შეღებვის ყველაზე პოპულარული მეთოდები პრაქტიკულად უცვლელი რჩება. ლიდერების სამეულს კვლავ შატუში, ბალაიაჟი და ომბრე იკავებს. რაც შეეხება ფერებს, აქ ცვლილებები გველის.


მოახლოებული სეზონისთვის, სტილისტები შავგვრემნებს ურჩევენ, ჩვეულ ფერებზე უარი თქვან და შოკოლადისა და კარამელის ფერები სცადონ. ქერათმიანებისთვის ასევე პრიორიტეტული რჩება თბილი ფერები: თაფლი, კარამელი, მწიფე ჭვავის ფერი.


შეღებვისას განსაკუთრებული მნიშვნელობა მიენიჭება მრავალფენიანობას, რაც მოცულობის ილუზიას შექმნის (ეს მეთოდი

ძირითადად ომბრეს შემთხვევაში გამოიყენება).


ომბრეს ბალაიაჟის ტექნიკისგან ძირითადი განსხვავება იქნება კონტრასტული გადასვლა მუქიდან შედარებით ნათელ ფერებზე. მაგ: შავიდან თეთრზე ან ყავისფერიდან ოქროსფერზე. ბალაიაჟი კი პირიქით, მკვეთრი ცვლილება არ იქნება და მხოლოდ ბუნებრივ, მზეზე გახუნებულ ეფექტს მოგვცემს.


ახალ სეზონზე თმის შეღებვის უკვე დადგენილი მეთოდების ტექნიკა შეიცვლება. მაგ: ყველასთვის საყვარელი ომბრე აბსოლუტურად სხვაგვარად წარმოგვიდგება და მანამდე ფერების ნათელი კონტრასტი, არსებული ფერიდან ყველაზე მსუბუქ ფერებში ტალღოვანი გადასვლით ჩანაცვლდება.


თავის მხრივ, ბალაიაჟს უფრო თამამი ხასიათი მიეცემა. წელს ფერების მოყვარულები თმაზე არა მარტო მზის სხივებს დაიხატავენ, არამედ თაფლისფერის, ოქროსფერისა და კარამელის ფერების მთელ ილუზიას შექმნიან.


აქტუალობას ძველებურად შეინარჩუნებს შატუში, იცვლება მხოლოდ მისი შესრულება. ოსტატს შეუძლია მხატვარივით დახატოს თმაზე ნებისმიერი ფერი.
თმის შეღებვის ახალ ტექნოლოგიებს შორისაა „Tiger eye“ ანუ „ვეფხვის თვალი“.

ვარსკვლავებს შორის ცნობილმა ტექნიკამ ეს სახელწოდება ამავე სახელის მქონე ნახევრად ძვირფასი ქვისგან მიიღო - ბუნებრივი ფერი, რომელსაც ლამაზი თაფლისფერი, ოქროსა და ყავისფერი ელფერები დაჰკრავს. მისი მოყვარულები ამ ფერს შოკოლადის ან კარამელის ფერებს უმატებენ. ამასთან, მისი შეღებვა, ყველასთვის ცნობილი, ბალაიაჟის მეთოდით ხდება.


ერთი შეღებვისას რამდენიმე ტექნიკის გამოყენება, თანამედროვე სილამაზის ინდუსტრიაში გავრცელებული პრაქტიკაა. ალბათ, წლევანდელი წლის ტენდენციას ყველაზე კარგად სწორედ ეს მიმართულება ახასიათებს - სწრაფვა ბუნებრიობისა და ექსკლუზიურობისკენ, როცა თქვენი ფერი მოდური, აქტუალური და ორიგინალურია.


ანა ვერძაძე

like
2

კომენტარის დამატება

სახელი*
აღწერა*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.