როგორ გაიკეთოთ ტალღოვანი ვარცხნილობა - პროფესიონალის რჩევები

მსუბუქი, ტალღოვანი ვარცხნილობა აქტუალობას კვლავ არ კარგავს და მისი უნიკალურობა იმაში მდგომარეობს, რომ ნებისმიერი სიგრძნის თმას უხდება.


Wella Professionals-ის სტილი, ევა კოვალსი გვიზიარებს ხრიკებს, თუ როგორ უნდა გაიკეთოთ ტალღოვანი ვარცხნილობა.



ჰოლივუდური ტალღა კარეზე


ვარსკვლავები გასულ სეზონზე წითელი ხალიჩისთვის ყველაზე ხშირად სწორედ ამ ვარცხნილობას ირჩევდნენ. თუ კრისი ტეიგანის მსგავსად, საშუალო სიგრძის თმაზე გსურთ ტალღების გაკეთება შემდეგ ხრიკს მიმართეთ - თავი დაბლა დახარეთ, გაიშრეთ თმის ძირები, შემდეგ ხვეულები სავარცხლის დახმარებით ამოიყვანეთ. გამოიყენეთ თერმული დაცვა, გაიშრეთ მსხვილი ლოკონები , შემდეგ ხელით დაშალეთ, მოცულობის

შესამატებლად თმის ძირებში მშრალი შამპუნი შეიზილეთ და ვარცხნილობა ლაქით დააფიქსირეთ.



უსწორმასწორო ტალღები კარეზე


ჯენიფერ ლოურენსის მსგავსი ვარცხნილობის გასაკეთებლად, პირველ რიგში შეჰმატეთ თმის ძირებს მოცულობა, შემდეგ „ბრაშინგის“ საშუალებით დაჭიმეთ, დაახვიეთ თხელ კულულებად, ხელით დაშალეთ, მეტი უსწორმასწორობისთვის კი მთელ სიგრძეზე მსხვილი სავარცხლით ჩამოივარცხნეთ.



ტეხილი ტექსტურა დაგრძელებულ კარეზე


მსუბუქი ტექსტურის შესაქმნელად, სველ თმაზე წაისვით მოცულობის სპრეი და დაიწყეთ თმის გაშრობა აკურატულად. მიღებული ხვეულები დამჭერებით დააფიქსირეთ. როცა თმა გაგრილდება, თამამად დაშალეთ ხელით და ლაქით შეისხით.



სანაპიროს ტალღები გრძელ თმაზე


თმის გაშრობისას გამოიყენეთ კონუსისებური სავარცხელი, ისე, რომ თმის ბოლოებს არ შეეხოთ. თმის პასტის საშუალებით დააფიქსირეთ ტალღები, ბზინვარებისთვის კი დაიმატეთ თმის მსუბუქი სპრეი, რომელიც თმას არ გადატვირთავს.



მსუბუქი ტალღები გრძელ თმაზე


ამ შემთხვევაში მშრალ თმაზე უნდა წაისვათ შაქრის სპრეიმოცულობისთვის, დაიხვიეთ თმა და დაელოდეთ ლოსიონის გაშრობას, რის შემდეგაც თმა ხელებით დაშალეთ. ტალღების შესანარჩუნებლად, ვარცხნილობა ლაქით დააფიქსირეთ.

like
10

კომენტარის დამატება
×
სახელი*
კომენტარი*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.