სუფთა თმა რამდენიმე წამში - რა არის მშრალი შამპუნი და როგორ უნდა გამოვიყენოთ?

წარმოიდგინეთ, რომ ძალიან ადრე ხართ ასადგომი, მაგრამ მაღვიძარას ბევრად უფრო ადრე აყენებთ, რადგან თქვენი თმა დაბანას საჭიროებს.

ან წარმოიდგინეთ, რომ სამსახურში წასვლისას ქარბუქში მოყევით, სამსახურის შემდეგ კი პირდაპირ წვეულებაზე მიდიხართ, თქვენი თმა კი საკმაოდ ცუდი შესახედავია.


ამ პრობლემების თავიდან ასაცილებლად მე-20 საუკუნეში მშრალი შამპუნი გამოიგონეს. ის წყლის გარეშე გამოიყენება.

საკმარისია თმაზე შეიზილოთ და რამდენიმე წამში ის მას ცხიმიანობას მოაშორებს, სუფთა და მბზინვარე შესახედაობას მიანიჭებს. ამ ტიპის შამპუნი ძალიან კომფორტული და პრაქტიკულია რთული გრაფიკის მქონე ადამიანებისთვის, რომლებსაც უამრავი საქმე აქვთ და

ამავდროულად სურთ, რომ ლამაზად გამოიყურებოდნენ.

დღესდღეობით, სამწუხაროდ, მშრალი შამპუნი საქართველოში პოპულარული არაა, თუმცა მას ამერიკის მოსახლეობის 80% იყენებს. მშრალ შამპუნს ასევე აქტიურად იყენებენ ცნობადი სახეები, ვინაიდან მათ ძალიან რთული ცხოვრების წესი აქვთ და სჭირდებათ, რომ მუდამ მოვლილი და ლამაზები ჩანდნენ ეკრანზე, ამისათვის მშრალი შამპუნი მათთვის ძალიან მოსახერხებელია.


ნათან როუზენკრანსი ერთერთი ყველაზე ცნობილი, სელებრითების რჩეული სტილისტია. ის აქტიურად იყენებს მსრალ შამპუნს და ყველას ურჩევს მის გამოყენებას, რადგან გარდა მოხერხებულობისა, ის თმებისთვისაც მეტად სასარგებლოა.

 

ცნობილი სტილისტი გვაძლევს 5 რჩევას, რომლებიც უნდა გავითვალისწინოთ მშრალი შამპუნის გამოყენებამდე:


1. იყავით მომთმენნი


შამპუნმა რომ იმოქმედოს, ამისათვის დრო სჭირდება. როუზენკრანცი გირჩევთ, რომ მშრალი შამპუნის თმაზე შეზელვის შემდეგ შემდეგ, უბრალოდ დაელოდოთ 30 წამიდან 1 წუთამდე და მხოლოდ ამის შემდეგ ჩამოივარცხნოთ თმა.


2. იცოდეთ, სად უნდა გამოიყენოთ


თუ თქვენ იყენებთ ამ შამპუნს ტექსტურისა და მოცულობისთვის შეიზილეთ ის მხოლოდ თმის ძირებზე, ხოლო თუ თქვენ გსურთ თქვენი თმიდან ცხიმიანობის მოშორება და თმის დატენიანება, მაშინ შეიზილეთ ის მთელ თმაზე.


3. გამოყენების ფორმა


ძალიან ხშირად ხალხი წუწუნებს, რომ მშრალი შამპუნი ტოვებს თმაზე თეთრ ნაწილაკებს, რაც მეტად არასასიამოვნო სანახავია. ამის მიზეზი კი ისაა, რომ მათ არ იციან მისი სწორი გამოყენება. მშრალი შამპუნის სპრეი უნდა შეისხათ 20 სანტიმეტრის დისტანციიდან, რათა თეთრი წერტილები არ დაგრჩეთ თმაზე.


4. გამოიყენეთ იმდენი,რამდენიც საჭიროა


ზედმეტი სპრეის წასმას შესაძლოა უარესი შედეგი მოყვეს, რადგან ის აქაფებადია და თუ ზედმეტი მოგივიდათ თმიდან მისი მოშორება წყლის გარეშე შეუძლებელია, ეს კი იმას ნიშნავს, რომ თქვენ მაინც გიწევთ თავის დაბანა და მშრალი შამპუნი თავის ძირითად ფუნქციას კარგავს.

 

ნინია მედულაშვილი

like
0

კომენტარის დამატება

სახელი*
აღწერა*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.