თამუნა წიკლაურის ლამაზი თმის 5 საიდუმლო

ჭკვიანი, ლამაზი, დედა, ბრენდის Simplify დიზაინერი და ინსტაგრამის ვარსკვლავი, თამუნა წიკლაური Vogue-თან ჰყვება, თუ რატომ გამოიყურება მისი თმა უფილტროდაც იდეალურად.


1 . არ დააზიანოთ


თმის მოვლის ჩემი მთავარი წესია - არ დააზიანო! როცა სარისკო ექსპერიმენტებს არ მიმართავთ და თმას სიყვარულით ეპყრობით, ის ასევე გპასუხობთ - იზრდება ჯანსაღი, მტკიცე და ლამაზი.


2. რეგულარულად გამოიყენეთ ნიღბები

იმისთვის, რომ თმა იყოს ბზინვარე და დამყოლი, მე ყოველ მეორე დღეს ვიყენებ ზეთებზე დამზადებულ ნიღბებს. მაქვს რამდენიმე ბრენდის. არჩევისას მეგობრების რჩევებსა და საკუთარ დამოკიდებულებას ვითვალისწინებ, ხშირად
პირველ რიგში არომატზე ვარ ორიენტირებული - განსაკუთრებით ტკბილი სურნელი მიყვარს.

3. უფრთხილდით საღებავს

ახლა მე ნატურალურ ფერს ვატარებ და თმას საერთოდ არ ვიღებავ. თუმცა, ყოველთვის ასე არ ყოფილა. 15 წლის ასაკში ძალიან შევეჩვიე შავ ფერს და ამ მავნე ჩვევას თავს ვერაფრით ვანებებდი. ახლა კი, როცა ბუნებრივი ფერი დავიბრუნე, ამ ხერხს საერთოდ აღარ მივმართავ.


4. გამოიყენეთ ხარისხიანი გაჯეტები

მე გრძელი და სქელი თმა მაქვს, ამიტომ დაბანის შემდეგ მისი გაშრობა უსასრულობად იქცევა - ამ დროს საშრობი - მთავარი დამხმარეა. დღესდღეობით არჩევანსDyson Supersonic-ზე ვაკეთებ - ის ტემპერატურას დამოუკიდებლად არეგულირებს, თმას გადახურებისგან იცავს და ამასთან, რამდენიმე წუთში აშრობს. და მიუხედავად იმისა, რომ მას თითქმის ყოველდღიურად ვიყენებ, თმა ჯანსაღი, ბზინვარე და ფაფუკი რჩება.


5. აირჩიეთ მარტივი ვარცხნილობა

ყველაფერში მინიმალიზმსა და თავშეკავებას ვირჩევ, ამიტომ ჩემთან ახლოსაა კლასიკური ვარცნილობები, რომლის გაკეთებასაც ძალიან ცოტა დრო სჭირდება.ჩემი ერთ-ერთი საყვარელი ვარცხნილობაა მსუბუქად დატალღული თმა, რომელიც ისე გამოიყურება, თითქოს ბუნებრივად გაშრა და ლამაზი „პოზა“ მიიღო.

ანა ვერძაძე
like
1

კომენტარები

მარი 2017-12-08 20:52
ქართველს საერთოდ არა გავს!!!უბრალოდ ფული აქვს და იმიტომ წერთ მასზე არა?ისე მე პირველად ვხედავ....
nino 2017-12-07 09:45
sasiamovno gogoa, Tavidan iindusi megona.
ქეთი 2017-11-25 06:59
რა ლამაზია

კომენტარის დამატება

სახელი*
აღწერა*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.