სელენა გომესის მარტივი Beauty-ხრიკები, რომელთა გამეორება მარტივია

ლოყები სელენას საფირმო ნაკვთია. მას არ ანაღვლებს, რომ ახლა მოდაში გამოკვეთილი ყვრიმალებია - საკუთარ განსაკუთრებულობას, სავსე ლოყებს ის ყოველთვის გამოკვეთს.
ვარსკვლავისთვის ნებისმიერი რესურსია ხელმისაწვდომი, მაგ: შეუძლია პლასტიკურ ოპერაციას მიმართოს, თუმცა
სელენა ლოყებს არ ნიღბავს. პირიქით, აქცენტს სწორედ მასზე აკეთებს - დატენიანებისა და ჰაილაიტერის საშუალებით ბზინვარებას ჰმატებს. ნაზი ვარდისფერი რუმიანა აძლიერებს ეფექტს და მას კიდევ უფრო მიმზიდველს ხდის.



ისრებსა და წამწამებს შორის არჩევანის გაკეთებისას, ორივეს ირჩევს. ვარდისფერი ლოყების ფონზე ისრები განსაკუთრებით ეფექტურია, ხშირი წამწამები კი გამოხედვას მეტ დრამატულობას ჰმატებს.



თმა მომღერლის სავიზიტო ბარათია. სქელი, ძლიერი, ჯანსაღი, ბზინვარე - მომღერალი არც კი ცდილობს მოდური ტენდენციების გამეორებას და ინდივიდუალობას ინარჩუნებს.



რაც შეეხება ვარცხნილობას, ვარსკვლავი აქაც უბრალოებასა და ელეგანტურობას ირჩევს - გრძელი ან კარე, ტალღოვანი ან სწორი, მხოლოდ სრული ქალურობა.
რაც შეეხება ფრჩხილის ლაქს, გოგონა აქაც ქალურ ფორმატს ირჩევს. არავითარი მოკლე წითელი ან შავი ფრჩხილები - ლამაზი, წაგრძელებული, ნუშის ფორმის ფრჩხილები და მშვიდი ფერები.



სელენას სხეული ძალიან მიმზიდველი, ჰარმონიულია, ამიტომ სილუეტის უტრირებას ფუშ-აპებით არასდროს ცდილობს. აქცენტები, რომელსაც მომღერალი აკეთებს ყოველთვის ძალიან მომგებიანია - იქნება ეს მოშიშვლებული მხრები, ლამაზად წარმოჩენილი ლავიწის ძვლები თუ ერთ ღილზე შეხსნილი პერანგი.



სელენა გომესის მომხიბვლელობა ბუნებრიობის შენახვაშია, გამონათქვამი „ყველაფერი გენიალური მარტივია“ - სწორედ მასზეა.

ანა ვერძაძე

ასევე დაგაინტერესებთ:

სელენა გომესის 16 იდეალური ლუქი, რომლებსაც მილიონობით გოგონა გაიმეორებდა

ჭამე და გახდი: სელენა გომესის იდეალური სხეულის საიდუმლო
like
1

კომენტარის დამატება

სახელი*
აღწერა*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.