როგორ ინარჩუნებს 48 წლის მელანია ტრამპი ფორმას- ყველაფერი აშშ-ს პირველი ლედის რაციონზე, ფიტნესსა და პირად ჰარმონიაზე

აშშ-ს პრეზიდენტის ცოლმა უკვე დიდი ხანია სტილის ხატის წოდება დაიმსახურა და მისი გემოვნებითა და შესანიშნავი სხეულით საზოგადოებისთვის შთაგონების წყარო გახდა.
ახლა 48 წლის მელანია ტრამპი არანაკლებად გამოიყურება, ვიდრე კარიერის დასაწყისში იყო, რაც მას მსოფლიოში ერთ-ერთ ყველაზე განხილვად პირველ ლედად აქცევს.

გაეცანით იმ რაციონსა და ფიზიკური დატვირთვის წესებს, რომლებსაც მელანია ტრამპი დისციპლინურად იცავს.

კვება
ერთ-ერთ ინტერვიუში აშშ-ს პირველი ლედი გამოტყდა, რომ დილას ყოველთვის სასარგებლო საუზმით იწყებს.



„საუზმედ ვირჩევ შვრიის ფანტელს ან ხილისა და კენკრის სმუზს“.



მელანიას პირადი დიეტოლოგი ამხელს, რომ ის
დღეში 7 სახეობა ხილსა და ბოსტნეულს მიირთმევს, რომლებიც გაჯერებულია ანტიოქსიდანტებით, ეს კი ეხმარება კანს დარჩეს ბზინვარე და ელასტიური. პირველი ლედი ასევე დღეში 3 ლ წყალს სვამს.
„თავს შემიძლია შოკოლადის ნატეხისა და დიეტური კოლას უფლება მივცე, მაგრამ ყველაფერი ნორმის ფარგლებში. ვცდილობ შაქრის შემცველი პროდუქტები მინიმალური რაოდენობით მივიღო“.
დღის მეორე ნახევარში მელანია მიირთმევს თევზსა და ზღვის პროდუქტებს ბოსტნეულთან ერთად, საღამოს ტრაპეზის სახით კი ირჩევს დიდი რაოდენობით უჯრედისის შემცველ სალათს.

ფიტნესი
საფრანგეთის პირველი ლედის მსგავსად, მელანია ტრამპი პილატესის დიდი თაყვანისმცემელია, რაც ეხმარება მას ფორმისა და ხერხემლის იდეალური მდგომარეობის შენარჩუნებაში. გარდა ამისა, უქმეებზე პირველი ლედი ცდილობს დიდხანს ითამაშოს ჩოგბურთი, კვირაში რამდენჯერმე კი აუზზე დადის.
„ქალის გარეგნობა მთლიანად დამოკიდებულია მის სულიერ მდგომარეობაზე, მის ემოციებსა და ჯანმრთელობაზე. ჩემი საიდუმლოებები მარტივია: კარგად ვიკვებები, რეგულარულად დაკავებული ვარ სპორტით და ვისვენებ“.



სხვათა შორის, მისის ტრამპი ამტკიცებს, რომ უარყოფითი დამოკიდებულება აქვს ბოტოქსზე და მიიჩნევს, რომ ჯანსაღ კვებასა და სპორტს შეუძლია დიდხანს შეუნარჩუნოს ქალს ახალგაზრდობა.

სილამაზის პროცედურები
ინტერვიუში მელანია ამხელს, რომ სახისთვის ჟანგბადის მიწოდების პროცედურის Oxygen-ის დიდი თაყვანისმცემელია. პირველი ლედის თქმით, ეს მის კანს ტონუსში ამყოფებს და ამცირებს ნაოჭებს. რაც შეეხება თმის მოვლას, მელანია აღმერთებს Yarok-ის ორგანულ საშუალებებს.



„მთავარი რეჟიმია. მე ყოველ დილას და საღამოს ვისუფთავებ და ვიტენიანებ სახის კანს. და, რა თქმა უნდა, ნუ დაგავიწყდებათ ჯანსაღი ძილი - ქალის სილამაზისთვის ის უბრალოდ აუცილებელია“.

ანა ვერძაძე
like
0

კომენტარები

ირინა მაისურაძე 2018-05-14 08:34
სადაა ჯანსაღი ძილი?!

კომენტარის დამატება

სახელი*
აღწერა*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.