მონიკა ბელუჩი სილამაზეზე, ასაკსა და ჰორმონებზე

53 წლის ასაკში მონიკა ბელუჩი კვლავ შეუდარებლად გამოიყურება და ძველებურად მამაკაცების ყურადღების ცენტრშია.


თუ როგორ ახერხებს ამას და, როგორ შეიცვალა მისი ცხოვრება 50 წლის შემდეგ ის იტალირ Vogue-თან ინტერვიუში ჰყვება.

სილამაზეზე

„შესაძლოა ბანალურია, მაგრამ ლამაზი რომ იყო, მნიშვნელოვანია კარგი ძილი, უნდა სვამდე ბევრ წყალს და დაკავდე თვითგანათლებით, სილამაზე ხომ მნიშვნელოვანია არა მხოლოდ გარეგნული, არამედ შინაგანიც. მიყვარს ყველაფერზე კითხვა. ერთ-ერთი უკანასკნელი წიგნი დიეტას ეხებოდა, რომელიც სისხლის ჯგუფის მიხედვით ირჩევა - სწორედ ამ დიეტის მიხედვით ვიკვებები ახლა. მე სისხლის პირველი ჯგუფი მაქვს, ამიტომ ჩემთვის სასარგებლოა ცილები და ბოსტნეული, ნახშირწყლებს კი ვცდილობ მოვერიდო.
ვფიქრობ, სილამაზე საჩუქარია. მისი შენარჩუნება კი დიდი შრომაა. ხანდახან ამან შესაძლოა ხელიც შეგიშალოს - განსაკუთრებით კინოში. ის ნიღაბივითაა, რომლისგანაც განთავისუფლება რთულია, რათა საკუთარი ემოციების დემონსტრირება მოახდინო“.


ასაკსა და ჰორმონებზე


„50 წლის ასაკში შეგიძლია გაიცინო იმაზე, რაზეც 20 წლის ასაკში ტიროდი. ამ ასაკს ახლავს გარკვეული სიმსუბუქე. ყველა ქალი ასაკში იმ აზრით შედის, რომ რეპროდუქციული ასაკის დასრულების შემდეგ, სრულდება ცხოვრებაც. მაგრამ ასე სულაც არ არის. მე მჯერა, რომ მენოპაუზა აბსოლუტური თავისუფლებაა. ამ მომენტის შემდეგ ქალი ჰორმონების მონა აღარ არის - ახლა ის მართავს მათ და არა პირიქით.
მე დღემდე მაქვს ახლის შესწავლის სურვილი, ახალი პროექტების წამოწყება მინდა. 20 წლის ასაკში ვერასდროს ვიფიქრებდი, რომ 50 წლის ასაკში ყველაფერი ასე იქნებოდა - აქტიური მუშაობა, წინადადებები და იმაზე საინტერესო როლებიც კი, ვიდრე ახალგაზრდობაში მქონდა“.

 


დედობაზე


„ჩემი ვნება - ჩემი გოგონებია, შემდეგ ჩემი სამსახური, ჩემი გატაცება. მაგრამ ამასთან არ შემიძლია ვიცხოვრო მომენტის გარეშე, როცა შეგიძლია სიჩუმეში მარტო იჯდე. მსგავსი ინტიმური წუთები დღეს თითქმის მიუღწეველი სიმდიდრეა. ჩვენ ფიზიკურად დაღლილები ვართ. ქალები, რომლებიც უარს ამბობენ სამსახურზე, სხედან სახლში და ზრდიან შვილებს, ამისათვის უნდა იღებდნენ ფულს, რადგან მათი შრომა საზოგადოებისთვის მნიშვნელოვანია.
ქალიშვილების გაჩენის შემდეგ გამხდარი აღარ ვყოფილვარ, რადგან ძალიან დიდხანს ვაჭმევდი ძუძუს. მე ვიცნობ გოგონებს, რომლებიც უკვე 3 თვეში ისე გამოიყურებიან, როგორც ფეხმძიმობამდე გამოიყურებოდნენ - მე ასე ვყოფილვარ და ამისთვის ბედნიერი ვარ“.


ანა ვერძაძე

ასევე დაგაინტერესებთ: 


მონიკა ბელუჩის სილამაზის ფორმულა, რომელიც შთაგაგონებთ!

like
0

კომენტარები

Jana 2018-05-17 07:04
Vgijdebi am qalbatonze umshvenieresia.da dzalıan mocesrigebuli.

კომენტარის დამატება

სახელი*
აღწერა*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.