ცნობილი დედები ქალიშვილებს სილამაზის რჩევებს აძლევენ

როგორც ამბობენ, ვაშლი ვაშლის ხისგან შორს არასდროს ეცემა. სწორედ ამიტომ, გასაკვირი არაფერია იმაში, რომ ცნობილების ეს ქალიშვილები მშობლებს სილამაზით არ ჩამორჩებიან და უკვე იპყრობენ კიდეც სილამაზისა და მოდის ინდუსტრიას.


შესაძლოა

ამაში დამნაშავე გენეტიკაა ან იქნებ მთავარი როლი აქ სილამაზის იმ რჩევებმა და ჩვევებმა ითამაშეს, რასაც გოგონები ჯერ კიდევ ბავშვობაში ეზიარნენ. საბედნიეროდ, ჩვენც გვეძლევა შანსი ვისწავლოთ ვარსკვლავებისგან.

 



სინდი კროუფორდი და კაია გერბერი

სინდი კროუფორდი Beauty-რჩევებს გულუხვად გასცემს - გვიჩვენებს ყოველდღიურ ვარჯიშებსა და გვიზიარებს საყვარელი სმუზების რეცეპტებს. თუმცა კაიას დედისგან ეს სულაც არ უსწავლია. „მისი წყალობით მივხვდი, რომ რაც უფრო ნაკლებია კოსმეტიკა, მით უკეთესია. ვხედავდი, როგორი ლამაზია ის მაკიაჟის გარეშეც და ყოველთვის ვცდილობ მისგან მაგალითი ავიღო“. კაიას თქმით, მაკიაჟის ყიდვის ნაცვლად ურჩევნია მაკიაჟის მოსაშორებელი ახალი საშუალება შეიძინოს და ყოველთვის თან ატარებს გამწმენდ ხელსახოცებს. ღრმა წმენდისთვის კი შავი თიხის შემცველ საშუალებას იყენებს.



ჯეინ ბირკინი და შარლოტა გენსბური


შარლოტა გამოტყდა, რომ ბავშვობიდან იცავდა დევიზს, რომელიც მას დედამ, ჯეინმა ასწავლა: ყოველთვის იყოს ის, ვინც არის და მაკიაჟით ზედმეტად არ გაერთოს. ბუნებრივი სილამაზე ყოველთვის ინდივიდუალურია - 60-იანი წლების it girl -ი ამაში დარწმუნებულია, გენბური კი მას ეთანხმება. ერთ-ერთ ინტერვიუში შარლოტა გამოტყდა, რომ მოდის დიდი მოყვარული არ არის. შარლოტა და ჯეინი ქალურობისა და ბუნებრიობის სიმბოლოებად იქცნენ.

ვანესა პარადი და ლილი-როუზ დეპი

ვანესა და ლილი-როუზი ერთმანეთს საოცრად გვანან და ორივე დელიკატური სილამაზითაა გამორჩეული. კარლ ლაგერფილდს ძალიან გაუმართლა, რომ ერთდროულად ორი მსგავსი მუზა ჰყავს, რომლებიც აღმერთებენ Chanel-ს და მაკიაჟის თამამ ექსპერიმენტებს. ოჯახური წესი - ყოველთვის გამოვკვეთოთ ან თვალები, ან ტუჩები, ნებისმიერ გაურკვეველ სიტუაციაში კი უნდა გაიკეთოთ “Smoky“ ეფექტი.


მელანი გრიფიტი და დაკოტა ჯონსონი

დაკოტა კარიერაში დედის კვალს მიჰყვება, თუმცა, რაც შეეხება გარეგნობას ის ყველაფერში საკუთარ თავს ეკუთვნის. ვიდრე მელანი გრიფიტი სხვადასხვა სილამაზის პროცედურებსა და პლასტიკურ ქირურგიას მიმართავს, ჯონსონი მარტივად დადის სველი თმით, უმაკიაჟოდ და იცვამს თავისუფლად.

 



გოლდი ჰოუნი და ქეით ჰადსონი


ჰოუნმა ქალიშვილს აჩვენა, რომ არ არის საჭირო თავი სხვას მოაწონო, მთავარია თავად მოგწონდეს საკუთარი თავი. ქეითმა დედის რჩევა გაითვალისწინა და თმა ბოლომდე გადაიპარსა. მნიშვნელოვანი ოჯახური გატაცება სპორტია. გოლდი ამბობს, რომ მისი სილამაზისა და ჰარმონიის საიდუმლო იოგაა. ქეითს კი ხშირად ვხედავთ ვარჯიშის პროცესში. მან ჯანსაღი ცხოვრების წესზე წიგნიც კი დაწერა.


ანა ვერძაძე


ასევე დაგაინტერესებთ: 


სინდი კროუფორდი შვილების აღზრდაზე, კარიერასა და იმაზე, თუ რამდენად მნიშვნელოვანია იყო ის, ვინც სინამდვილეში ხარ

like
1

კომენტარის დამატება

სახელი*
აღწერა*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.