ყველაფერი სუნამოს შესახებ - იპოვე შენი არომატი!

ქალს არაერთი იდუმალი ცდუნების იარაღი აქვს რომლითაც სასურველ ადამიანს მასზე დამოკიდებულს ხდის.


- მბზინავი თვალები, ხასხასა ტუჩსაცხი, კარგი განწყობა, სუნამოს ნატიფი არომატი… თუმცა მგონია, რომ მთავარი აქსესუარი მიოსი სურნელია. ქალი,

რომელიც საოცარ არომატს აფრქვევს, შეუძლებელია შეუმჩნეველი დაგრჩეთ. დარწმუნებული ვარ ყველა ქალს აქვს თავისი საყვარელი ან ოცნების სუნამო: მძაფრი, ტკბილი, ციტრუსოვანი, ყვავილოვანი, გრილი, ყოველდღიური და “გამოსასვლელიც” კი. ამ სურნელოვანი პოსტით გიამბობთ ყველაფერს სუნამოს შესახებ, რაც სასურველია ვიცოდეთ შეძენამდე და იმედი მაქვს ეს პოსტი დაეხმარება თითოეულ ქალბატონს სწორად შეარჩიოს “მისი” სუნამო.


რა განსხვავებაა სელექციურ და ნიშ პარფიუმს შორის?


ნიშ სუნამოს ჩვეულებისამებრ აქვს შედარებით პატარა სადისტრიბუციო სკალა და უფრო მეტად ორიენტირებულია კრეატივზე, ორიგინალ და იშვიათ ნედლ მასალაზე. ეს არ ნიშნავს, რომ სელექციურ სუნამოს არ აქვს ხარისხის იგივე სტანდარტი ან ნაკლებად ძვირია. უბრალოდ თითოეულს მათგანს სხვადასხვა კომერციული პრეროგატივა გააჩნია.


ზედა, საშუალო და მთავარი/საბაზისო ნოტები

არომატი შედგება სხვადასხვა სურნელებით, რომლებსაც „ნოტები“ ეწოდება. ესენი იყოფა 3 კატეგორიად მათი აქროლადობის მიხედვით: ზედა, საშუალო და საბაზისო ნოტა. ზედა ნოტები ყველაზე აქროლადია, ისინი კანზე მხოლოდ რამდენიმე წუთი რჩება. ესენია ძირითადად ციტრუსები, სანელებლები და არომატული ნოტები. ამის შემდეგ ჩნდება საშუალო ნოტები და ეს არის ყვავილოვანი ნოტები. საბაზისო ნოტები ყველაზე ნაკლებად აქროლებადია და ყველაზე ბოლოს დასარეგისტრირებელია. ისინი რჩება კანზე რამდენიმე საათით და ხანდახან რამდენიმე დღით ტანსაცმელზე. სხვა რაღაცეებთან ერთად შეიცავს ხის ძლიერ ნოტებს და ფხვიერ ტონებს. გაითვალისწინეთ, არ აქვს მნიშვნელობა როგორ ფლაკონშია სუნამო, თუმცა პულვერიზატორით სამივე ნოტს იგრძნობთ მძაფრად.

 


არომატის სასაზღვრო აღქმა… ოჯახის ისტორია

არომატი კლასიფიცირდება 7 სასაზღვრო აღქმაზე იმ ნოტებზე დაყრდნობით რომლებითაც იქმნება.


ყვავილოვანი: მათ აქვთ დიდი რაოდენობის ყვავილოვანი ნოტები, როგორც ზედა ასევე საშუალო ნოტებში. ხანდახან ხდება ხილის ნოტებთან შერწყმა. არომატი, რომელიც ეყრდნობა მხოლოდ ერთ ყვავილს ეწოდება სოლიფლორი/soliflores.

ციტრუსოვანი: უმაღლესი ციტრუსის კონცენტრაცია კომბინირდება ყვავილოვან ან ცხარე ნოტებთან . ეს არის მთავარი ფუძე უმეტესი ოდეკოლონებისა.

აღმოსავლური-ორიენტალი: აღმოსავლური არომატი შეიცავს უფრო თბილ ნოტებს როგორებიცაა: ფაჩული, ვანილი, ქარვა, მუშკი და ხის ნოტები. ეს ნოტები ხშირად შერწყმულია ყვავილოვან საშუალო ტონალობასთან.

ფლორიენტალი: ეს არის შერწყმა ყვავილოვანი და აღმოსავლური ნოტებისა. ზედა ნოტები ერწყმის ვანილს, ტონკა ბინს, სანდალს და/ან მუშკს. განსხვავებით ორიეტალისგან არ შეიცავს ფაჩულს.

შიპრე: სანდალიოზის ხისგან დამზადებული სუნამო, რომლის ძირითადი შემადგენლობაა: ფაჩული, ბერგამოტი, მუხის ხავსი და ხანდახან ცხარე ნოტები, ორიენტალისგან განსხვავებით არ შეიცავს ვანილის არომატებს.

ფუჟერი/გვიმრა: ამ კატეგორიის არომატები უფრო ხშირად მამაკაცურია. შეიცავს ლავანდას, მუხის ხავსს ან ტონკას მარცვლებს. შესაძლებელია შეიცავდეს სხვა არომატულ ნოტებს (პიტნა, ქონდარა, როზმარინი და ა.შ)

მერქნისებრი/ხე: ამ კატეგორიის შემადგენლობაა დიდი რაოდენობით კედარი, სანდალი, ვეტივერის აცეტატი(ინდური ბალახი) და არანაირი ფაჩული.



არის თუ არა ალკოჰოლი ყველა სუნამოში?

არა ყოველთვის. სურნელები შერეულია სპეციფიურ ბაზაში, რომელიც შესაძლებელია დამზადებული იყოს წყლით, სპირტით, ცვილით, ლოსიონით და ა.შ. სპირტი ჩვეულებრივი ფუძეა თავისი ნეიტრალურობის გამო, ის საშუალებას აძლევს სუნამოს სწრაფად გავრცელდეს სანამ აორთქლდება.

ოდეკოლონი, ტუალეტის წყალი, პარფუმი, ექსტრაქტი…რა განსხვავებაა?

განსხვავება არის სუნამოს ექსტრაქტის კონცენტრაცია: რაც უფრო მაღალია კონცენტრაცია, მით უფრო ძვირია და ნაკლები სუნამოს დასხმა გჭირდება. კონცენტრაცია პარფუმში ასე ნაწილდება: სუნამოში ან ექსტრაქტში არის 20% ზე მეტი კონცენტრაცია აუცილებელ ზეთებში, პარფიუმერულ წყალში მისი შემცვლელობა არის 10-20%, ტუალეტის წყალში 8-10 % და ოდეკოლონში 8%-ზე ნაკლები .ზოგიერთი ბრენდი ტერმინ “ოდეკოლონს“ კომერციული მიზნით იყენებს და სინამდვილეში ეს პროდუქტი შეიძლება იყოს ტუალეტის წყალი.


სად დავისხათ სუნამო?

პარფიუმერები გვირჩევენ, რომ სუნამო ვიპკუროთ სხეულის თბილ ნაწილებზე და სადაც კანი ყველაზე თხელია: მაჯები (ეცადეთ არ გაუსვათ მაჯები ერთმანეთს სუნამოს დასხმის შემდეგ), ყურებს უკან, კისერზე… შეგიძლიათ ასევე დაისხათ თმასა და ტანსაცმელზეც, მხოლოდ შორი მანძილიდან.

რაც მეტი უკეთესია?

გინდათ რომ თქვენი სუნამოს კვალი დატოვოთ, როდესაც ქუჩაში ჩაივლით? თუ გინდათ სურნელი დიდხანს შეინარჩუნოთ, წაისვით მცირე რაოდენობის ლოსიონი ან იმავე სუნამოს ლოსიონი სუნამოს პკურებამდე. დატენიანებული კანი პარფუმის მოლეკულებს დიდხანს ინარჩუნებს. თუ შენ არ გრძნობ საკუთარ სუნამოს დღის განმავლობაში, არ ნიშნავს, რომ სხვებიც ვერ გრძნობენ, უბრალოდ შენი ცხვირი შეეჩვია.

სად და როგორ შევინახოთ?

ამბობენ, გაუხსნელი სუნამოს შენახვა წლობით არის შესაძლებელი. სინამდვილეში კი, რაც უფრო დიდი ხნისაა სუნამო, მით უფრო ნაკლებად შესამჩნევია ზედა ტონები. თუ გახსნილია ბოთლი, უმჯობესია 1 წლის განმავლობაში დახარჯოთ. ნებისმიერ შემთხვევაში, თუ გსურთ რომ დიდხანს შეინახოთ, მოარიდეთ სინათლეს, სითბოსა და ტენიანობას.


დაუმუშავებელი მასალები: ნატურალური VS სინთეტიკა

განსაზღვრებით ნატურალური მოლეკულები არის ქიმიური ბუნების. სინთეტიკური დაუმუშავებელი მასალების გამოყენებას ხშირად ნეგატიური მნიშვნელობა აქვს. მითი იმის შესახებ, რომ სუნამო რომელიც შეიცავს სინთეტიკურ დაუმუშავებელ მასალებს დაბალი ხარისხისაა, არ არის მართალი. პირიქით, თითქმის ყველა სუნამო შეიცავს მათ. ზოგიერთი ნატურალური მასალა აკრძალულია ევროპისა და მსოფლიო რეგულაციების მიერ. სინთეტიკა საუკეთესო გამოსავალია, რომ შეიქმნას ნატურალურთან მიახლოებული სურნელი. მაგალითისთვის ავიღოთ მაისის შროშანა, ეს ნოტი ტექნიკურად ყვავილისგან არ წარმოიქმნება. ასევე სხვა მასალები, როგორიცაა მუშკი, ამბრი ან ცივეტინი აკრძალულია მათი ცხოველური წარმოშობის გამო.

ანეიტრალებს თუ არა ყავის მარცვლები სუნს?

როდესაც ყნოსავ სხვადასხვა სუნამოს, ვეღარ ანსხვავებ სხვადასხვა ნოტებს: ცხვირი გაჟღენთილია. თუ სუნამოებს შორის დაყნოსავ ყავის მარცვლებს სუნი განეიტრალდება.


ნატალია ბერიანიძის ბლოგი

ასევე დაგაინტერესებთ: 
like
1

კომენტარის დამატება

სახელი*
აღწერა*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.