დავლიოთ თუ არა ყავა?

თანამედროვე ქალის ცხოვრებაში ყავა მნიშვნელოვანი სასმელია.


დღემდე დაობენ ექსპერტები ყავის სასარგებლო და საზიანო თვისებებზე. მე არ ვარ ექსპერტი სხვას ვურჩიო, თუმცა მინდა გაგიზიაროთ ჩემი გამოცდილება.
დამეთანხმებით, არ არსებობს ქალი, რომელსაც ზედმეტი

წონა არ აწუხებს. თუნდაც ზამთარში მომატებული კილოგრამები, რომელიც უმნიშვნელოა, მაგრამ თავმოყვარე ქალისთვის შემაწუხებელი.



გასულ წელს წავიკითხე სტატია სადაც ეწერა აღნაგობიდან გამომდინარე რა პრობლემური ზონები აქვს ქალს და რომელი საჭმელი ან სასმელი იწვევს სხეულის კორექციის დარღვევას. აღმოვაჩინე, რომ ჩემთვის ეს იყო ყავა. (ალბათ ყველას გაგიგიათ მითი იმის შესახებ რომ ყავის მოყვარულები ბევრად სწრაფად იკლებენ წონაში.) სასაცილოდ არ მეყო, რადგან გემრიელი ყავის გარეშე ცხოვრება ვერ წარმომედგინა. დღეში რამდენჯერმე ვსვამდი და თანაც ერთნაირად მიყვარდა ყავა თურქულად, ესპრესო, კაპუჩინო, ამერიკანო, მაკიატო…. ეს დილემა არცთუ ისე ადვილი გადასაჭრელი იყო ჩემთვის, რადგან მიზეზი სუსტი ნებისყოფა და ყავის უზომო სიყვარული იყო. გადავწყვიტე ექსპერიმენტი ჩამეტარებინა, არანაირი დიეტა, მხოლოდ ყავა ამოვიღე რაციონიდან და 3-4 დღეში შედეგმა გამაოცა.



არანაირი ზედმეტი მუცელი. შედეგი იმდენად გამაოგნებელი იყო, ამის შესახებ ყველას ვუამბე.
ვაფასებ მათ, ვისაც შეუძლიათ გაუძლონ ცდუნებას და უარი თქვან საყვარელ ნუგბარზე ან სასმელზე. რაც შემეხება მე, საბოლოოდ უარი არ მითქვამს ყავაზე, მისი მიღება შევამცირე და განსაკუთრებით იმ დღეებში ვერიდები, როცა სადმე მიწევს წასვლა და მინდა უზადოდ გამოვიყურებოდე. უბრალოდ საკუთარ თავს 3 მარტივი წესი დავუწესე:

1. ყავის ხშირი მომხმარებლიდან იშვიათ მომხმარებლად გადავიქეცი.

2. ყავის მიღების შემდეგ ყოველთვის ვაყოლებ 1 ჭიქა წყალს, რომ თავიდან ავირიდო ორგანიზმის გაუწყლოება.

3. სამოგზაუროდ წასული არასოდეს ვეუბნები უარს საკუთარ თავს ყავაზე.

ნატალია ბერიანიძის ბლოგი

 

like
0

კომენტარის დამატება

სახელი*
აღწერა*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.