რა არის საჭირო იმისათვის, რომ ქალმა კანს საფუძვლიანად მოუაროს?

ალბათ მეტყვით, რომ ძვირადღირებული კრემები, რომლის შეძენის საშუალება ყოველ მეორე ქალს არ აქვს, რაშიც ნამდვილად ვერ დაგეთანხმებით.Sneaker
აფთიაქებში კარგი ხარისხის ბრენდების ფართო არჩევანია ხელმისაწვდომ ფასად. პრობლემა სხვა რამეშია, ბევრმა ქალმა არ იცის გამწმენდი რძე იყიდოს თუ ლოსიონი მაკიაჟის მოსაშორებლად, ან რა განსხვავებაა მკვებავ კრემსა და დამატენიანებელს შორის და ზოგადად რა საშუალებებია საჭირო კანის მოსავლელად.
დავიწყოთ იქიდან , რომ კანი ხშირად უნდა დავასვენოთ. ეს განსაკუთრებით იმ ქალბატონებს ეხებათ, ვისაც ყოველდღიურად უწევს მაკიაჟის
გამოყენება. სცადეთ ყველანაირი კრემებისა და გამწმენდების გარეშე გაატაროთ რამდენიმე დღე და კანს მისცეთ სუნთქვისა და დამცავი შრის ბალანსის აღდგენის საშუალება.
გახსოვდეთ, რომ მაკიაჟის დადებამდეც და მაკიაჟის მოშორების შემდეგაც სჭირდება კანს მოვლა. განვიხილოთ ის 9 აუცილებელი კანის მოვლის საშუალება, რაც ჩვენს კანს უნაკლო იერს მიანიჭებს.

1. გელი და ქაფი

ორივე არაჩვეულებრივი საშუალებაა ჭუჭყისა და მაკიაჟის კვალის გასაქრობად. გამოყენების შემდეგ კანი პრიალა და რბილია. რეკომენდირებულია გამოიყენოთ ღამით, დილით სახე მხოლოდ სუფთა წყლით დაიბანეთ და პირსახოცით დაიმასაჟეთ.

2. პილინგი

პილინგის ნიღაბი შეიცავს მიკრონაწილაკებს, რომლებიც ნაზად ასუფთავებს კანს მკვდარი უჯრედებისგან და აუმჯობესებს მის ტექსტურას. შედეგად კანი უფრო რბილი და მბზინავი ხდება. პილინგის გაკეთება კვირაში ერთხელაა რეკომენდირებული.

3. პირსახოცი

ბუნებრივი პილინგის საშუალებას მიეკუთვნება პირსახოცით მასაჟი სახეზე პატარა წრიული მოძრაობებით. ის ხელს უწყობს სისხლის მიმოქცევას.

4. სახის ნიღაბი

კარგად გასუფთავებული კანი ადვილად შეიწოვს ბევრ მკვებავ საშუალებას. ნიღაბი კანის ტიპის მიხედვით უნდა შეირჩეს. თიხის ნიღაბი უხდება ცხიმიან კანს. ის ასუფთავებს ფორებსაც. თუთიის ნიღაბი ამშვიდებს გაღიზიანებულ კანს. თუ მშრალი კანი გაქვთ , ნიღაბი კვირაში ორჯერ დაიდეთ. სხვა ტიპის კანისთვის კი საკმარისია ნიღბის კვირაში ერთხელ გამოყენება.

5. ბამბის ტამპონი და სველი ხელსახოცი

კოსმეტიკური ბამბის ტამპონები გამოიყენება ლოსიონისა და სახის გამწნედი საშუალებებისთვის. სველი კოსმეტიკური ხელსახოცები იდეალურია სამგზავროდ მაკიაჟის მოსაშორებლად.

6. ლოსიონი

არ უნდა შეიცავდეს ალკოჰოლს. საუცხოო დანამატია დასაბანი გელის ან ქაფის გამოყენების შემდეგ. ის ასტიმულირებს, აცოცხლებს, ნაზად ასუფთავებს სახის კანს და ბზინვარებას ანიჭებს მას მთელი დღის განმავლობაში.

7. სახის რძე

ძილის წინ მაკიაჟის მოშორება სავალდებულოა სახისთვის. თვალებისთვის უმჯობესია გამოიყენოთ ნაზი, უცხიმო საშუალება. გამწმენდი რძე ნაზად აშორებს მაკიაჟს და ჭუჭყს და თან ატენიანებს კანს.

8. დამატენიანებელი კრემი

აუცილებელია ყველამ გამოიყენოს. როგორც მწყურვალ ადამიანს წყალი, ისე სჭირდება კანს დამატენიანებელი კრემი, ის ყოველ დილით მაკიაჟის დადებამდე უნდა წაისვათ და დააცადოთ, რომ კანმა შეიწოვოს. აჯობებს , თუ შეარჩევთ კრემს მზისგან დამცავი მოქმედებით. კრემის გამოყენების მერე კანი უნდა იყოს რბილი და გლუვი.

9. თვალის კრემი

ბევრი ქალი არ ანიჭებს მის გამოყენებას დიდ მნიშვნელობას, არადა აუცილებელია, განსაკუთრებით 30 წელს გადაცილებული ქალბატონებისთვის. არ აქვს მნიშვნელობა, კრემი იქნება თუ ბურთულიანი გელი, თვალების გარშემო კანი ყველაზე ნაზია და ადრე ბერდება და საჭიროებს დილა-საღამოს მოვლას. გაითვალისწინეთ, ბურთულიანი გელი კარგია ახალგაზრდა კანის დასატენიანებლად. კრემები კი , ხშირ შემთხვევაში უფრო მდიდარია კანის საფუძვლიანი მოვლის ინგრედიეტებით და წარმატებით ებრძვის ნაადრევად გაჩენილ ნაოჭებს.

ატალია ბერიანიძის ბლოგი

like
1

კომენტარები

nato
mshrali saxis kani maqvs da rogor moviqce
2018-07-01 01:12

კომენტარის დამატება
×
სახელი*
კომენტარი*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.