7 მთავარი შეცდომა, რომელსაც ვარცხნილობის არჩევისას ვუშვებთ

არ აძლევთ საჭირო ინფორმაციას თქვენს თმაზე სტილისტს
სტილისტმა ყველა მოქმედება უნდა იცოდეს, რომელიც თმაზე განგიხორციელებიათ. აუცილებლად უთხარით, თუ ოდესმე თმა სახლში, იაფი საღებავით შეიღებეთ, ან ტონი გაიღიავეთ. მიუხედავად იმისა, რომ ფერი შეიძლება დიდი ხნის გადასული იყოს, არ დაუმალოთ, თუ ოდესმე თმა შეღებილი გქონდათ, ან ერთხელ მაინც თუ გაგიკეთებიათ კერატინი. ეს ინფორმაცია მას დაეხმარება, რომ მაქსიმალურად დაიცვას თქვენი თმა დაზიანებისგან და სპეციალური ნიღაბი შეარჩიოს.

არ აჩვენებთ სასურველი ვარცხნილობის ფოტოს წინასწარ
როგორ კარგადაც არ უნდა აუხსნათ სასურველი ვარცხნილობა, სტილისტისთვის უფრო ადვილი იქნება,
თუ ფოტოზე ნახავს მას. გარდა ამისა, ვარცხნილობის ნახვისას, ის გირჩევთ, მოგიხდებათ თუ არა საერთოდ.

არარეალური სურვილი
გინდათ ისეთივე ვარცხნილობა, როგორიც ჯიჯი ჰადიდს აქვს? მიუხედავად იმისა, რომ თქვენ შესანიშნავი, სწორი „კარე“ გაქვთ. „ხშირად გოგონებს , ვარსკვლავების ფოტოები მიაქვთ სალონში და სთხოვენ სტილისტს, რომ ზუსტად ასე გაუკეთონ თმა, თუმცა, ხშირად ეს შეუძლებელია. არ არის შესაფერისი სიგრძე ან სტრუქტურა“- ამბობს სტილისტი, შაი ემიელი ლოს-ანჯელესიდან. – „ამ შემთხვევაში ვხუმრობ ხოლმე და ვამბობ, რომ მე მხოლოდ და მხოლოდ პარიკმახერი ვარ და არა ჯადოქარი“.

ისეთი ვარცხნილობის არჩევა, რომელიც ყოველდღიურ დავარცხნას მოითხოვს
გაითვალისწინეთ, რომ ცნობილ ვარსკვლავებს მთელი ჯგუფი ჰყავთ პროფესიონალების, რომლებიც მათ ვარცხნილობაზე ზრუნავენ. „თუ თქვენ არ შეგიძლიათ ერთი საათით ადრე გაღვიძება, არ შეარჩიოთ რთული ვარცხნილობა“-გირჩევთ სტილისტი მარკ ტაუნსენდი. არ დაგავიწყდეთ, გააფრთხილეთ სტილისტი, რომ არ იცით თმის უთოს კარგად გამოყენება. ის შეარჩევს ვარცხნილობას, რომელიც ლამაზი იქნება უბრალოდ ფენით გაშრობის შემდეგაც.

თმის შეჭრა შეღებვის შემდეგ
იმ შემთხვევაში, თუ ერთ დღეს გინდათ თმა გაიღიავოთ და თან შეიჭრათ, უმჯობესია ჯერ შეიჭრათ და შემდეგ შეიღებოთ.

თმის ხშირად შეჭრა
„მიაკითხეთ სტილისტს 6-8 კვირაში ერთხელ და ეს გაგათავისუფლებთ თმის გაყოფილი ბოლოებისგან. თმა კი უფრო ჯანმრთელი და ლამაზი იქნება“- ამბობს სტილისტი, მარი რობინსონი.

გადაჭარბებული მოლოდინი
არ იფიქროთ, რომ ყავისფერი თმით შესული სალონში, რამდენიმე საათის შემდეგ გვენ სტეფანის მსგავსი ქერა თმით გამოხვალთ. ერთ პროცედურაში ამ ეფექტის მიღწევა შესაძლებელია, მაგრამ არის რისკი იმისა, რომ უთმოდ დარჩეთ. ამიტომ, უმჯობესია სტილისტთან რამდენჯერმე მიხვიდეთ.
like
0

კომენტარის დამატება

სახელი*
აღწერა*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.