როგორ დაიცვათ კანი ცუდი ჰაერის გავლენისგან - ცუდი ეკოლოგია კანის ნაადრევად დაბერების ძირითადი ფაქტორია

ცუდი ეკოლოგია კანის ნაადრევად დაბერების ძირითადი ფაქტორია. ცხოვრების გიჟური რიტმის გამო აღარც კი გვრჩება დრო იმის გასაანალიზებლად, თუ რა ზიანს გვაყენებს ბინძური ჰაერი, ცუდი პროდუქტი და წყალი, მზის გადამეტებული დასხივება.


რამდენად საშიში შეიძლება იყოს ბინძური ჰაერი?
ქალაქში ჰაერის ძირითადი დამაბინძურებელია - ულტრაიისფერი გამოსხივება, რთული ქიმიური გაერთიანებები, მძიმე მეტალები, აზოტის ოქსიდი, თხევადი და მყარი მინარევები, ოზონი და სიგარეტის კვამლი. ეს ყველაფერი არღვევს კანის დამცავ ფუნქციებს.

რა მოსდის სახეს?

„მღელვარების მთავარი მიზეზი - კანის ჰიპერპიგმენტაციაა“ - მიიჩნევს დერმატოლოგი სემ ბანტინგი. სხვა უარყოფითი
შედეგები: ფორების გაზრდა, აკნე, სხვადასხვა ანთება, კანის რეგენერაციის შეფერხება და ნაადრევად დაბერება.

როგორ დაიცვათ კანი?
პირველ რიგში - რეგულარული წმენდა, განსაკუთრებით ცხელ ამინდში. ძილის წინ აუცილებლად მოიშორეთ სახიდან მაკიაჟი, რათა დღის განმავლობაში კანის ზედაპირზე დაგროვილი მტვერი და ჭუჭყი ფორებში ღრმად არ ჩაჯდეს. ასევე მნიშვნელოვანია სწორად შეარჩიოთ კანის მოვლის დღის საშუალებები.

რაც შეეხება ჰაერს შენობაში
მნიშვნელობა არ აქვს რამდენად ხშირად ანიავებთ სახლში ოთახს ან ოფისში კაბინეტს, ჰაერი, რომლითაც დახურულ შენობაში ვსუნთქავთ ასევე დამღუპველია კანის მდგომარეობისთვის. განსაკუთრებით მაშინ, თუ ოთახში დამონტაჟებულია კონდინციონერი - მას ასევე დიდი ზიანი მოაქვს კანისთვის, აშრობს და იწვევს ნაადრევ დანაოჭებას. უარყოფითი გავლენა მინიმუმამდე რომ დაიყვანოთ, მოიმარაგეთ დამატენიანებელი და ჰაერის გამწმენდი საშუალებები. „უმრავლესობა ჩვენგანი ყოველდღიურად დროის 90%-ს დახურულ შენობაში ატარებს, ამიტომ მნიშვნელოვანია სახლსა და სამსახურში ჰაერის გაწმენდა“ - ამბობს პოლ დოუსონი, კლიმატური ტექნიკის Dyson კატეგორიის დირექტორი.

ანა ვერძაძე
like
0

კომენტარის დამატება

სახელი*
აღწერა*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.