ჟაკლინ კენედის სილამაზის 9 გაკვეთილი

ჟაკლინის ცნობილი ხელწერა: ტვიდის კოსტიუმი, შეუცვლელი ვარცხნილობა და მსუბუქი მაკიაჟი. ის იკეთებდა ხელთათმანებს, იხურავდა ქუდებს, არ აშინებდა მიდის სიგრძე და წითელი პომადა, მაგრამ ამასთან ელეგანტურად და თავშეკავებულად გამოიყურებოდა, როგორც პირველ
ლედის შეეფერება. მას სილამაზის რთული საიდუმლოებები არ ჰქონდა და მათი გაზიარებისთვის ყოველთვის მზად იყო.

1. პომადა - თქვენი მთავარი აქსესუარი
რთული წარმოსადგენია პირველი ლედი მკვეთრი მაკიაჟით - ჟაკლინი მას, არც არასდროს იკეთებდა. თუმცა უყვარდა მკვეთრი ფერის პომადები, რომელსაც მის კაბებსა და კოსტიუმებს უხამებდა. მისი საყვარელი ფერები - წითელი და ვარდისფერი გახლდათ.

2. იძინეთ აბრეშუმის ბალიშზე
სტილისტი, პიტერ ლამასი, რომელმაც ჟაკლინთან არაერთი წელი იმუშავა, ჰყვება: ჟაკლინს ყოველთვის აბრეშუმის ბალიშზე ეძინა ან თავზე აბრეშუმის შარფს იკეთებდა. ბამბის საწოლის თეთრეული ნამდვილად ახდენს თმის ხარისხზე გავლენას.

3. კარგად გაიწმინდეთ კანი
ჟაკლინი მუდმივად მოგზაურობდა მსოფლიოს გარშემო და რა თქმა უნდა, სხვადასხვა საშუალებებს ცდიდა. ყველაზე მეტად კი უყვარდა საპონი Dead Sea Mud Soap - Erno Lazlo-გან, რომლითაც ის იბანდა. მის შემადგენლობაშია მკვდარი ზღვის მტვერი, განსაკუთრებით მდიდარია მინერალებით, შეიცავს კანის გამწმენდ მარილის გრანულებს და ნატურალურ ზეთს. ბრენდის შემქმნელი დერმატოლოგი ერნო ლასლოა. ჟაკლინი მისი ერთგული კლიენტი იყო.

4. იპოვეთ „თქვენი“ არომატი
ჟაკლინს უყვარდა არომატები, მაგრამ ერთ-ერთი საყვრელი იყო Lovely Patchouli 55 -ი House of Krigler-გან. გარდა ამისა იყენებდა სუნამოს Jоу-ი Jean Patou-გან.

5. მოუარეთ წარბებს
ჟაკლინი პერფექციონისტი იყო - და ეს ნამდვილად ეხებოდა თავის მოვლასა და მაკიაჟს. ის განსაკუთრებით ყურადღებით ეკიდებოდა წარბებს - კვეთდა მათ ფანქრით, ივარცხნიდა და შესაფერის ფორმას იღებდა.

6. ატარეთ შარფი და მუქი სათვალეები
იდეალურ პირველ ლედისაც აქვს დასვენების დღეები, როცა ყოველდღიური ვარცხნილობის ნაცვლად შეიძლება თავზე აბრეშუმის შარფით გამოჩნდე და თავს უმაკიაჟოდ გასვლის უფლება მისცე - ამ დროს დიდი მუქი სათვალეები დაგეხმარებათ.

7. სახის კრემის ეკონომოიას ნუ მიმართავთ
კანის გამოშრობისა და ცუდი ფერისგან თავის ასარიდებლად ჟაკლინს სახის კანის დამატენიანებელი და მკვებავი კრემი ეხმარებოდა. მისთვის ერთ-ერთი ფავორიტი იყო ასევე Erno Lazlo-ს ბრენდის კრემი.

8. მოუარეთ თმის ძირებს
ჟაკლინის თმა რეგულარული ზემოქმედების შედეგად ზიანდებოდა. სტილისტი პიტერ ლამასი მას ურჩევდა თმის ძირებზე ყოველდღიურად წაესვა ზეთი და დამატენიანებელი საშუალება. ჟაკლინის საყვარელი ზეთი - ლავანდის ზეთი გახლდათ.

9. მსუბუქი მაკიაჟი
ასაკთან ერთად ჟაკლინის კანი პიგმენტური გახდა - ეს საფრანგეთსა და საბერძნეთში ხშირი დასვენებების შედეგი იყო. არათანაბარი ფერის დასაფარად ჟაკლინი ძალიან მსუბუქ ტონალურ სითხეებს იყენებდა: ისინი კანს ტექსტურას უნარჩუნებდნენ და მცირე ნაკლს მსუბუქად ფარავდნენ.

ანა ვერძაძე
like
0

კომენტარები

მამუკა 2018-08-19 07:14
დიდი არაფერი განსაკუთრებული სილამაზისა იყო ეს ჟაკლინი... მითუმეტეს კენედებისთვის კარგათ ,,ნაცნობ" მართლაც მზეთუნახავ მერლინ მონროს ფონზე, რომელიც დიდი ალბათობიტ კენედების ამბიციებს შეეწირა... http://www.imageup.ru/img185/3150925/snimok.jpg

კომენტარის დამატება

სახელი*
აღწერა*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.