დიეტა: ადრიანა ლიმას ფიგურის საიდუმლო!

"ანგელოზის" მსგავს გოგონებს საკუთარ თავზე უწევთ მუშაობა. არ არის ადვილი, ცნობილი ბრენდის Victoria's Secret - სახე იყო. ადრიანა ლიმა მუდამ ფორმაში ყოფნისთვის კრივითა და კაპოეიროთი არის დაკავებული და დიდ ყურადღებას აქცევს კვების რაციონს.

 

დაიბადა: 1981 წლის 12 ივნისს სან სალვადორში (ბრაზილია)

სიმაღლე: 177 სმ

წონა: 51 კგ


ლამაზი სხეულის საიდუმლო #1: "მივირთმევ ყველაფერს, რაც მსურს, მაშინ როდესაც შიმშილს ვგრძნობ. რაც უფრო ახლოვდება საღამო, მით უფრო იკლებს ულუფა. არ მიყვარს დაძინება სავსე კუჭით".



მუდმივი ახალგაზრდობის ელექსირი: ვარჯიში. "ჩემი ცხოვრების ამ ეტაპზე მომწონს საკუთარი სხეული. თავს იდეალურად არ ვთვლი, მაგრამ სამარცხვინოც

არაფერი მაქვს. ვაცნობიერებ იმას, რომ დროთა განმავლობაში დაბერებას დავიწყებ, ამიტომაც დროს არ ვიშურებ ფიტნესისთვის. არ დავუშვებ, რომ ნაადრევი ნაოჭები და მოშვებული მუცელი გამიჩნდეს".



რას ანიჭებს უპირატესობას: შოპინგი (სხვათა შორის, სწორედ შოპინგის დროს შენიშნეს სამოდელო სააგენტოს წარმომადგენლებმა 13 წლის ადრიანა), შეხვედრები მეგობრებთან, კინოში სიარული და გაბრიელ გარსია მარკესის წიგნები. 

რას მიირთმევს: ბოსტნეულის ან ხილის სალათი, პიურე, სმუზი, კრემ-სუპები, იოგურტი, კვერცხი, უცხიმო ყველი, ხორცი და თევზი, ახლადგაწურული წვენები, რძე, თაფლი, დროდადრო - დესერტები. 

ბრაზილიურ სამზარეულოზე: "ჩემი აზრით, ჩვენი ეროვნული კერძები მსოფლიოში უგემრიელესია". ადრიანას მენიუ ხშირად შედგება ბრაზილიური რეცეპტებით მომზადებული კერძებისგან (რაგუ ხორცით და ლობიოთი), შურასკოს მწვადი, კიბორჩხალას პუდინგი, ზღვის პროდუქტების ბულიონი, შემწვარი ბანანები დარიჩინით, შოკოლადისა და ქოქოსის მუსი. მოდელის აზრით, მთავარია, ქონიან სოუსებს ვერიდოთ.

როდის და რამდენს მიირთმევს: 4-5-ჯერ დღეში პატარა ულუფებით. ცდილობს სეზონური, ეკოლოგიურად სუფთა პროდუქტებით იკვებოს. 

საყვარელი საჭმელი: ხორცი, შოკოლადი, ნამცხვრები, თაფლი. "ყოველდღიურად თითო კოვს თაფლს მივირთმევ, იგი ძალზედ სასარგებლოა იმუნური სისტემისთვის". 

რა ამოიღო რაციონიდან: პური, მაკარონი, ფასთფუდი, ცხიმიანი სოუსები, ნახევარფაბრიკატები. 

რა დაეხმარა უარი ეთქვა შოკოლადზე: ფეხმძიმობა. "არ ვიცი რატომ, მაგრამ საერთოდ გამიქრა შოკოლადის სურვილი, არადა ადრე მის გარეშე ვერ ვძლებდი. თუმცა ახლა სიგიჟემდე მინდება ფასთფუდი - ცომეული, მარილიანი და ხორციანი". 

მოძრაობის შესახებ: " უამრავი რამ მოვსინჯე, სარბენი ბილიკი, დავდიოდი სპინინგ-კლასში, იოგა, მაგრამ მე მჭირდება სპორტი, რომელიც გიწვევს და საშუალებას გაძლევს პიროვნულად გაიზარდო".

ფიტნესის საყვარელი სახეობები: ბრაზილიური კაპოეირა და კრივი. "კრივი ყველაზე მეტად მომწონს - არასოდეს მოიწყენ ვარჯიშზე. კარდიო და ამავდროულად ფიზიკური დატვირთვის საუკეთესო საშუალებაა: კუნთები ზომიერად გიმაგრდება".

როგორ პოულობს სავარჯიშოდ დროს: "თუ ცეიტნოტი მაქვს, უბრალოდ დილაობით დავრბივარ, თჲნდაც ნახევარი საათით. ან სახტუნაოთი ვვარჯიშობ - 10 წუთი ვარჯიშის შემდეგ თავს ისე გრძნობ, თითქოს ნახევარი საათი ირბინე".

  • წინა
like
0

კომენტარები

Milo
You made some clear points there. I looked on the internet for the subject and
found most individuals will consent with your website.


Also visit my web site - things remembered: http://www.lj3i7303fz5jb4ya.com
2018-09-27 16:48

კომენტარის დამატება
×
სახელი*
კომენტარი*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.