რატომ არ უნდა გამოიყენონ უფროსებმა ბავშვის კოსმეტიკა

ფრაზა „ყველაფერი საუკეთესო - ბავშვებს“ ჩვენს გონებაში ჯერ კიდევ ბავშვობაში ჩაილექა და ახლა ჩვენს არჩევანზე ახდენს გავლენას. ყოველთვის გეჩვენებათ, რომ ბავშვის დამატენიანებელი კრემი უკეთ მოქმედებს, ბავშვის მზისგან დამცავი საშუალება კი უფრო ეფექტურია, მაგრამ ასე სულაც არ არის. და თუ დღემდე ბავშვების საშუალებებს იყენებთ, დროა შეწყვიტოთ.


განსხვავებული კანი

საბავშვო საშუალებები ცალკე კატეგორია იმისთვის არ არის, რომ უკეთესი შემადგენლობა აქვს ან ძლიერად ატენიანებს - ისინი უბრალოდ სხვისთვისაა განკუთვნილი. თქვენ ხომ სიმშრალის საწინააღმდეგო საშუალებას ცხიმიან კანზე არ წაისვამთ? ასევეა ამ შემთხვევაშიც. ბავშვის კანი
ძალიან თხელია, ცხიმოვანი ჯირკვლები ფაქტობრივად არ ფუნქციონირებს და მასში ბუნებრივი ცხიმის ფენა არ არის. მას უჯრედების სწრაფი რეგენერაცია ახასიათებს და პრაქტიკულად არ გააჩნია გარემოსდაცვითი ბარიერები. ამიტომ საბავშვო საშუალებები, სწორედ ამ ბარიერებს ქმნიან. შემადგენლობაში ხშირად შედის ვაზელინი, რაც ქმნის საფარს. ბავშვის შემთხვევაში ამაში ცუდი არაფერია, მოზრდილი ადამიანისთვის კი, რომელსაც ცხიმი უფრო აქტიურად გამოეყოფა, მხოლოდ ზიანის მომტანია.

შეხებისას მოგეჩვენებათ, რომ კანი ძალიან ნაზი და ხავერდოვანია, მაგრამ სინამდვილეში მსგავსი „საფარის“ ქვეშ კანი კიდევ უფრო მეტად გამოშრება - ყველაფერი კი სათბურის ეფექტის წყალობით, გროვდება ბაქტერიები და იწვევს გამონაყარს. მოზარდის კანს აუცილებლად ჭირდება ანტიოქსიდანტები - კომპონენტები, რომლებიც სიბერის პროცესს აფერხებენ. როგორც ხვდებით, საბავშვო კრემებში მათ ვერ იპოვით. საბავშვო კრემი შესაძლოა ერთჯერადად დაგეხმაროთ, მაგრამ ყოველდღე მისი გამოყენება არ ღირს.


საბავშვო შამპუნები

თავის დაბანის დროს მთავარი მიზანი თავის კანის გასუფთავებაა. აქ კი იმავე პრობლემას ვაწყდებით, რასაც კრემებში. ბავშვებისთვის შექმნილი საშუალება არ არის გათვლილი მოზრდილი ადამიანის თავის კანზე დაგროვილი ცხიმის მოშორებისთვის. შესაბამისად, საბავშვო შამპუნის გამოყენებისას თქვენ თმის ძირებს სრულფასოვნად ვერ ასუფთავებთ - ამიტომ თმა ზედმეტად ცხიმიანდება.


ანა ვერძაძე
like
0

კომენტარის დამატება
×
სახელი*
კომენტარი*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.