მაკიაჟის 5 საიდუმლო მათთვის ვინც სათვალეს ატარებს

იმ ქალებისთვის განკუთვნილ მაკიაჟს, ვინც სათვალეს ატარებს, სპეციფიკური ნიუანსები გააჩნია.

სათვალის ჩარჩო და მინები სახის ნაკვთების პროპორციებს ცვლის და გარეგნობაში კორექციები შეაქვს. გთავაზობთ 5 რჩევას, რომლებიც დაგეხმარებათ ჰარმონიული მაკიაჟის გაკეთებაში, თუ ნომრიან სათვალეს ატარებთ.

1. გაითვალისწინეთ სათვალის კორექცია

გახსოვდეთ, რომ ახლომხედველებისთვის განკუთვნილი სათვალეები თვალებს ვიზუალურად აპატარავებს, შორსმხედველებისა კი პირიქით, ადიდებს. ამიტომ, თუ „+“ გაქვთ (შორსმხედველი), თქვენი მაკიაჟი არ უნდა იყოს ძალიან მყვირალა და გამოკვეთილი. ხოლო, თუ „-“ გაქვთ (ახლომხედველი), მაშინ შედარებით მკვეთრად შეიღებეთ თვალები.

2. გააკეთეთ აქცენტი ტუჩებზე



თვალის ჩრდილები სათვალის

მინიდან ან ძალიან შეუმჩნეველია, ან მისი ტონალობა შეიძლება დამახინჯებულად ჩანდეს, ამიტომ აქცენტი ტუჩებზე გააკეთეთ.

3. გამოიყენეთ კორექტორი და წყალგამძლე ტუში

სათვალეები თვალის გარშემო ჩრდილს ტოვებს, ამიტომ, ვიზაჟისტები რეკომენდაციას უწევენ კორექტორს, რომლის საშუალებით თვალის გარშემო ადგილების გაღიავებას შეძლებთ. ლინზებით დაპატარავებული თვალების გასადიდებლად გამოიყენეთ ტუში წყალგამძლე ფორმულით, რათა წამწამებმა სათვალის მინებთან შეხებისას არ დატოვოს პატარა, შავი ლაქების კვალი.

4. თვალის ლაინერი 

მსოფლიოში ცნობილმა ვიზაჟისტმა - ბობი ბრაუნმა განაცხადა, რომ ლაინერი იდეალურად უხდება სათვალეს. თუმცა, გაითვალისწინეთ შემდეგი წესი: რაც უფრო სქელია სათვალის ჩარჩო, მით უფრო თხელი უნდა იყოს ლაინერით გავლებული ხაზი (და პირიქით).

5. არ დაივიწყოთ წარბები

ბოლო, მაგრამ არანაკლებ მნიშვნელოვანი პუნქტი მაკიაჟში მათთვის, ვინც სათვალეს ატარებს - არის წარბები. წარბების ხაზი უნდა იყოს აკურატული და მოვლილი. ასევე, არ უნდა იფარებოდეს სათვალით. ხაზი გაუსვით წარბებს და თმაზე ერთი ტონით მუქი ფერის ჩრდილებით გამოკვეთეთ.

like
0

კომენტარის დამატება

სახელი*
აღწერა*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.