ჯანმრთელი და ლამაზი თმა გაზაფხულის თბილ სეზონზე

ჯანმრთელი, ლამაზი და მბზინვარე თმა - სწორი მოვლის შედეგია. თმა განსაკუთრებით ზამთარსა და ზაფხულში ზიანდება. თავსაბურავების ხშირი ტარება და ტემპერატურის მკვეთრი ცვლილება, თმას ჯანსაღ იერს უკარგავს. გაზაფხულისთვის თმა წახალისებას საჭიროებს.

რა სიხშირით დავიბანოთ თავი?

თავის დაბანვის სიხშირის განსაზღვრა ინდივიდუალურია. ჯანმრთელი და ნორმალური თმა, რომელიც არ არის მიდრეკილი ცხიმიანობისკენ, კვირაში ერთხელ ან ორჯერ უნდა დაიბანოთ. თუ ცხიმიანი თმა გაქვთ, ან თმის მუსს, ლაქს, ჟელეს და ვარცხნილობის დასაყენებელ სხვა საშუალებებს იყენებთ, თავი ყოველდღე, ან მინიმუმ სამ დღეში ერთხელ უნდა დაიბანოთ. რაც შეეხება
წყლის ტემპერატურას, რეკომენდებულია თბილი ან ოდნავ გრილი წყლით დაბანა. ზედმეტად ცხელ წყალში დაბანილი თმა მალე ცხიმიანდება და ბზინვარებას კარგავს. წყლის ოპტიმალური ტემპერატურა 35-40 გრადუსია.

დაზიანებული ბოლოები

ძალიან მნიშვნელოვანია, გამოიყენოთ თქვენი თმის ტიპის შესაფერისი შამპუნი. თმის ღერის ბოლოების გაყოფას ხშირ შემთხვევაში იწვევს თმის საშრობისა და თმის უთოს ხშირი გამოყენება, თერმო დამცავი საშუალებების გარეშე. გაყოფილი ბოლოები აღდგენას არ ექვემდებარება და მისი შეჭრა აუცილებელია. თმის გასწორებისა და დახვევის დროს, აუცილებლად გამოიყენეთ თერმო დამცავი საშუალებები.

თმის გაღიავება

ღია ფერის თმა განსაკუთრებულ მოვლას საჭიროებს. შეღებილი და მელირებული თმა მალე ზიანდება, ამიტომ აუცილებელია პერიოდულად თმის ნიღბების, ბალზამის - A, C და B1 ვიტამინების შემცველი შამპუნის გამოყენება. არ არის რეკომენდებული შამპუნის პირდაპირ თავზე დასხმა. აჯობებს თუ შამპუნს ჯერ ხელის გულზე დაისხამთ, ცოტა წყალში გახსნით და ისე შეიზელთ თმაში. იმისთვის, რომ შამპუნი თმის ძირებსაც მოხვდეს, თითებით თავზე მსუბუქი მასაჟი გაიკეთეთ.

ნიღაბი მშრალი თმისთვის

საჭირო ინგრედიენტები:
2ც კვერცხი,
2ს.კ. ზეითუნის ზეთი,
1 ს.კ. ძმარი
შეურიეთ ერთმანეთში, შეიზილეთ თმაში და სავარცხლით მთელს სიგრძეზე გაანაწილეთ. 15 წუთის შემდეგ ჩამოიბანეთ.

ნიღაბი ცხიმიანი თმისთვის

საჭირო ინგრედიენტები:
2ც კვერცხი,
2 ს.კ. ნატურალური იოგურტი,
შეურიეთ ერთმანეთს და წაისვით თმაზე. ჩამოიბანეთ 5 წუთის შემდეგ.

თმის ცვენის საწინააღმდეგო ნიღაბი

საჭირო ინგრედიენტები:
კარტოფილი გახეხეთ და შემდეგ გაწურეთ. წვენს შეურიეთ 2 ს.კ. ალოეს წვენი და 1 ს.კ. თაფლი. შეიზილეთ თმის ძირებზე და 5 წუთის განმავლობაში თითებით მასაჟი გაიკეთეთ. თავზე ერთჯერადი ცელოფნის ქუდი დაიხურეთ, ზემოდან პირსახოცი შემოიხვიეთ და 2 საათის შემდეგ ჩამოიბანეთ.
like
0

კომენტარის დამატება

სახელი*
აღწერა*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.