კვირის ველნეს-რჩევა: მიიღეთ მარილიანი აბაზანა - სულისთვის და არა სხეულისთვის

ყოველდღიური დატვირთული ცხოვრების რეჟიმში ცოტა ვინმე თუ მისცემს თავს უფლებას 5 წუთიანი შხაპის ნაცვლად მშვიდად მიიღოს აბაზანა. აბაზანაში გატარებული 20 წუთი კი შესანიშნავი რიტუალია, რომელიც რეალურად გეხმარებათ მოდუნებასა და ძალების აღდგენაში. არომატული აბაზანა გიშველით უძილობისა და სტრესის დროს.

მიუხედავად პოპულარული მოსაზრებისა, მარილიანი ცხელი აბაზანა არ კურნავს გადატვირთულ ან სპაზმატიურ კუნთებს. მარილი არ აღწევს ჩვენს ორგანიზმში გარედან და კუნთებს „შიგნიდან“ არ კურნავს.

„თუ ძლიერ დეჰიდრირებული ხართ, მაშინ წყალში ხელების ჩაშვებით დაკარგულ სითხეს ვერ შეივსებთ. ზუსტად ასევე ვერ დათვრებით, თუ ხელს ღვინის
ქვევრში ჩაყოფთ“ - ირონიულად განმარტავს ექიმი მეთიუ ჰადსონი, ტემპლის უნივერსიტეტში კუნთების ფიზიოლოგიის ფაკულტეტის დირექტორი.

აბაზანის თერაპევტული ეფექტი იმით აიხსნება, რომ ბევრი ადამიანი წყალში თავს კომფორტულად და მშვიდად გრძნობს, დაახლოებით ისეთ გარემოში, როგორშიც დაბადებამდე ვიმყოფებოდით. აბაზანა გვეხმარება ბუნებრივი ბალანსის დაბრუნებაში, უარყოფითი ენერგიის „ჩამორეცხვასა“ და სიმშვიდის მოპოვებაში.
შინაურული ატმოსფერო ხშირად უფრო მეტად გვეხმარება მოდუნებაში, ასეთი აბაზანის მიღებისთანავე კი უმჯობესია მაშინვე საწოლში მოთავსდეთ და დაიძინოთ.

ანა ვერძაძე
like
0