2019 წლის ყველაზე ტენდენციური აქსესუარები

იშვიათია ისეთი გოგონას მოძებნა, რომელიც გულგრილია აქსესუარების მიმართ, ეს ხომ ყველაზე აუცილებელი დეტალია, რომელიც ალამაზებს ჩვენს იმიჯს.

მისი შერჩევისას აუცილებლად უნდა დავეყრდნოთ საკუთარ გემოვნებასა და სტილს, თუმცა დიზაინერებიც აქტიურად არიან ჩაბმულები ახალი ტენდენციების კარნახში, რაც მოდის მიმდევართათვის აუცილებლად გასათვალისწინებელი რჩევებია.
„ბომონდი“ გიზიარებთ 2019 წლის ყველაზე მოდურ აქსესუარებს.

საყურეები

მასიური, წვრილი, გეომეტრიული ფიგურები 2019 წლის ახალი ტენდენციაა, რომელიც იდეალურად ერგება ნებისმიერ სეზონს, თუმცა აქვე უნდა აღვნიშნოთ, რომ კლიპსის ტიპის საყურეები ისევ დაგვიბრუნდა განახლებული დიზაინით. რჩევის სახით უმჯობესია თავი შეიკავოთ ორზე მეტი
აქსესუარის ტარებისგან.


ბროში

ამ სეზონზე დიზაინერები გვირჩევენ ზარდახშებში შენახული ბროშების გადმოღებას. შესაძლებელია ცხოველის გამოსახულების ბროშების შეძენაც, ვინაიდან წლევანდელი მოდის ტენდენცია ცხოველურ პრინტებსა და გამოსახულებებზეა ორიენტირებული. ყვავილების მოყვარული გოგონებისთვის ვარდის ბროში ითვლება მოდურად, ხოლო მათ ვისაც დედოფლური შტრიხები იზიდავს, ჰერალდიკულ მოტივებზე შექმნილ ბროშებზე შეუძლია არჩევანის შეჩერება.


მასიური სამაჯურები

წლევანდელი კოლექციების ძირითად ელემენტს სწორედ მასიური სამაჯურები შეადგენდა, რომელიც ბევრმა დიზაინერმა გამოიყენა აქსესუარის სახით საკუთარი კოლექციის ჩვენებისას. ასე რომ თამამად შეგიძლიათ შეიძინოთ მასიური სამაჯური და შეუსაბამოთ საყურეს, რაც განსაკუთრებულ შარმსა და ელეგანტურობას მიანიჭებს თქვენს ჩაცმულობას.


თმის აქსესუარები

სტილისტები თმის ვარცხნილობის დეტალების შესავსებად გვირჩევენ მოდური თმისსამაგრების დამატებას, რაც გასული საუკუნის მოდის ტენდენციას შეადგენდა. სტრაზებით და ფერადი ქვებით გაწყობილი თმის სამაგრები მოდური აქსესუარის აუცილებელი კომპონენტია. მითუმეტეს, თუ დავუჯერებთ დიზაინერებს, რაც უფრო მეტი თმისსამაგრი გექნებათ თავზე, მით უფრო მოდურად მიიჩნევა თქვენი ვარცხნილობა.

ლიდია ამარიანი
like
1

კომენტარის დამატება

სახელი*
აღწერა*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.