საგაზაფხულო მანიკურის 5 ყველაზე მოდური ფერი - რჩევები ესპანელი ოსტატებისგან

მიუხედავად იმისა, რომ გარეთ უკვე საკმაოდ თბილა, მკვეთრი ფერები ჯერ კიდევ გვაკლია.

განწყობის ასამაღლებლად და გაზაფხულის ყვავილობის მოლოდინის გასამართლებლად გირჩევთ, ფრჩხილები მკვეთრ ფერებში შეიღებოთ. მანიკურის ესპანელი ოსტატები გირჩევთ, თუ რა უნდა გამოიყენოთ ამ გაზაფხულზე.

ნეონისფერი

გაზაფხულზე ჩვენი კანი ჯერ კიდევ ძალიან ფერმკრთალია - ნეონისფერები კი ამას ლამაზად უსვამენ ხაზს. ეს ფერები პოდიუმზეც ჭარბობს - მკვეთრ ფერებში შეიღება არა მარტო ფრჩხილები, არამედ მთელი სამოსი. მკვეთრი და ელექტრონული ელფერები, მაგ: ყვითელი ან სტაფილოსფერი ძალიან გაზაფხულურად გამოიყურება. ეს ცოცხალი ფერები დადებით ენერგიას ასხივებენ.


მარჯნისფერი

წითელი ან მარჯნისფერი ორი მომგებიანი ფერი გახლავთ. შესაძლოა, იფიქროთ, რომ ამაში ახალი არაფერია, მაგრამ რამდენიმე ექსპერტი მათ ფავორიტებად ასახელებენ. „ფერები, რომელთა გამოყენება ყველაზე მეტად მიყვარს გაზაფხულზე - ღია მარჯნისფერი, წითელი და ბორდოსფერია“ - ამბობს სპეციალისტი OPI.


ცისფერი

„კიდევ ერთი ტრენდი, რომელიც პოდიუმზე შევნიშნეთ. წლევანდელი სეზონის ჩვენებებზე ხშრად ვხვდებით პასტელის ფერებს. განსაკუთრებით კარგია ცისფერი“ - განმარტავს სპეციალისტი.


ფუქსიისფერი

რაც უფრო მკვეთრია ფერი, მით უკეთესია. „განსაკუთრებული ყურადღება გაამახვილეთ ფუქსიისფერზე“ - გვიმხელს OPI-ს ექსპერტი. რა შეიძლება იყოს უფრო გაზაფხულური, ვიდრე ეს საოცარი ფერია.


სპეცეფექტებით

2019 წლის მანიკურის კიდევ ერთი ტრენდი - ნეილ-არტია. თუ სალონში სიაროლის დრო არ გაქვთ, გირჩევთ საინტერესო ფრჩხილის საფარი სცადოთ, რომელიც თქვენს მანიკურს უფრო მეტყველს გახდის.


like
1