კანაფის რძე: მცენარეული სასმელი, რომელიც უნდა გასინჯოთ

მცენარეული რძე 2019 წელს ახალი არავისთვისაა - ძროხის რძის ალტერნატივით, ნუშის, ქოქოსის, შვრიისა და ბრინჯის რძით ვეღარავის გავაკვირვებთ.

თუმცა დასკვნის გამოტანას ნუ იჩქარებთ, რადგან ამ სფეროში კიდევ დარჩა საინტერესო რამ. ჩამონათვალს კანაფის რძე ემატება. ჩვენ მოგიყვებით ყველაფერს, რაც მასზე უნდა იცოდეთ, თუ რისგან მზადდება ასეთი რძე და რით გამოირჩევა სხვებისგან.

რით გამოირჩევა კანაფის რძე

ასეთი რძე კანაფის თესლისგან მზადდება. ის გავრცელებულია ჯანსაღი კვების სამყაროში - მას ხშირად გამოიყენებენ სალათებსა და იოგურტებში. ყველაფერი კი იმიტომ, რომ მასში ბევრი მინერალია - ფოსფორი,
მაგნიუმი, კალცი, რკინა, თუთია. ამას გარდა, ნუშისა და ქოქოსის რძეებისგან განსხვავებით, შეიცავს დიდი რაოდენობით ცილას. კიდევ ერთი რამ, რაც მნიშვნელოვანია - თესლი ბევრ ლინოლეუმის მჟავასაც შეიცავს. რაზე მეტყველებს ეს? ცოტა ხნის წინ ჩატარებულმა კვლევამ აჩვენა, რომ ქალებს, რომელთა რაციონი მდიდარია ლინოლეუმის მჟავით, იშვიათად თუ აწუხებთ მშრალი და გამოფიტული კანი.



როგორ მზადდება ეს სასმელი

კანაფის რძის დამზადებას დამოუკიდებლადაც შეძლებთ. ამისათვის დაგჭირდებათ კანაფის თესლი, რასაც მარტივად იპოვოთ ვეგეტარიანულ ან ჯანსაღი კვებისთვის განკუთვნილ სპეციალურ მაღაზიებში. აიღეთ 3 / 4 ჭიქა კანაფის თესლი, დაასხით 2 ჭიქა წყალი და დაუმატეთ ცოტაოდენი მარილი. ეს ყველაფერი დააბლენდერეთ. ნარევი გაფილტრეთ - ამგვარად მიიღებთ 2 ჭიქა სასმელს.

„კანაფის პროტეინი - ღირებული პროდუქტია ვეგეტარიანელთა და მათთვის, ვინც აქტიურადაა დაკავებული სპორტით. ის ორგანიზმს სასარგებლო მინერალებითა და ამინომჟავებით ავსებს. ვარჯიშის შემდეგ სწრაფად აღდგენაში ეხმარება, აძლიერებს სახსრებსა და ძვლებს. ასევე, აუმჯობესებს მომნელები სისტემის მოქმედებას. ბევრი სპეციალისტის აზრით, ასეთი პროტეინი ბევრად სჯობს სოიოსა და ხორბლის პროტეინებს. თანაც, ის ძალიან გემრიელია ნუშის რძესთან, ბანანთან და კენკრასთან ერთად. ერთი-ორი სუფრის კოვზი კანაფის პროტეიმი შეგიძლიათ დაუმატოთ საყვარელს სმუზებს, ფაფებსა თუ პუდინგებს“ - განმარტავს სწორი კვების ექსპერტი, ოლია მალიშევა.



ანა ვერძაძე
like
0

კომენტარის დამატება
×
სახელი*
კომენტარი*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.