რომელი პროდუქტების წყალობით ბრწყინავს დილით თვალები და რომლები იწვევენ შეშუპებას

ხვალ მნიშვნელოვანი დღე გელით. ადრე დაძინება და კარგად გამოძინება გადაწყვიტეთ. თუმცა უკვე დილის 9 საათია, თქვენ ღამის 3 საათამდე ვერაფრით დაიძინეთ და კვლავ გამოუძინებელმა გაიღვიძეთ.

ამას კი თვალების ირგვლის სიშავე და შეშუპებაც დაემატა. გიჩნდებათ კითხვა - რა გავაკეთე არასწორად? იქნებ საქმე არა დროში, არამედ პროდუქტებშია, რომლებსაც ვახშმად მივირთმევთ?

დავიწყოთ მარილით და ალკოჰოლით. თუ მათ საღამოს მიიღებთ, თვალის ქუთუთოების შეშუპება გარანტირებული გაქვთ. ჭიქა ღვინოზე მეგობარს ან საყვარელ ადამიანს უარს ვერ ეუბნებით? მაშინ აუცილებლად დააბალანსეთ წყლით. დამწნილებული პროდუქტისა და ჩიფსების გარდა, ღამის
საათებში შეზღუდეთ პური და კარტოფილი. კერძის მომზადებისას კი გამოიყენეთ როზმარინი, კურკუმა, კოჭა, ნიორი, ილი. ეს პროდუქტები შეამცირებენ თვალების შეშუპებასა და მის გარშემო სიწითლის გაჩენის რისკს.



ასევე მოერიდეთ პომიდორსა და ბადრიჯანს. მეცნიერულად ეს ფაქტი დამტკიცებული არ არის, მაგრამ ამაზე მუდმივად საუბრობენ სუპერმოდელები, რომლებიც დიდი ყურადღებით ეკიდებიან საკუთარ სხეულსა და კანს. ეცადეთ 3 კვირა რაციონიდან გამორიცხოთ ეს ინგრედიენტები, მაშინ თქვენი კანისა და ძილის ხარისხის რადიკალურ ცვლილებებს შენიშნავთ.

ნიუ-იორკელი კვების გავლენიანი ექსპერტი, ბრიჯიტ ზეიტლინი რეკომენდაციას გვაძლევს ვახშმის დროს ეს დასახელებული პროდუქტები მოსანელებლად მსუბუქი ბოსტნეულით - არტიშოკით, ისპანახით, რუკოლათი, კიტრით, სატაცურით, ავოკადოთი და ბატატით ჩავანაცვლოთ.


ღამით ჭიქა თბილი რძე, შესაძლოა, მართლად ამშვიდებს ნერვულ სისტემას და უდარდელი ბავშვობის ასოციაციას იწვევს, მაგრამ თვალებს ეს ნამდვილად ვერ ამშვიდებს. რძე, ყველი, იოგურტი და კეფირიც კი, შესაძლოა, თვალის ზედა ქუთუთოს შეშუპების მიზეზი გახდეს.


სწორი კვების ოქროს წესია - რაციონში დაიტოვოთ 5-10 % აკრძალული სიამოვნება: ნაყინი, მიწისთხილის კარაქი, შოკოლადიანი ორცხობილა ან ფუნთუშა. წინააღმდეგ შემთხვევაში ზედმეტად რთული და მოსაწყენი იქნება. მთავარია ზომიერების დაცვა: დესერტი არაუმეტეს 200 გრ-სა და არაუგვიანეს 16:00 სთ-სა.

ნებისმიერი მსგავსი, ცხიმებითა და შაქრით გაჯერებული პროდუქტი ხელს გიშლით დაძინებაში და აისახება გარეგნობაზეც. გავრცელებული აზრია, რომ შოკოლადი განწყობას ამაღლებს, თუმცა ღამის საათებში პირიქით - იწვევს სტრესის ჰორმონის, კორტიზოლის გამოყოფას, რომელიც ხელს უშლის დაბერების საწინააღმდეგო კოლაგენის წარმოებას.

ალტერნატივა - ნახევარი ბანანი ან 1/2 ჭიქა ალუბლის ჩირი, რაც მელატონინის დონეს ზრდის.

გისურვებთ ტკბილ ძილსა და ლამაზ სიზმრებს!

ანა ვერძაძე
like
0

კომენტარის დამატება

სახელი*
აღწერა*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.