4 საიდუმლო მაკიაჟში, რომელიც გაგაახალგაზრდავებთ

ყველა ქალს აქვს საკუთარი მეთოდი მოკლე დროში საკუთარი თავის მოსაწესრიგებლად საღამოს შეხვედრისთვის.

„ბომონდმა“ ზუსტად ასეთი უნიკალური საიდუმლოებების გაზიარება გადაწყვიტა თქვენთვის.

წესი #1. დამატენიანებელი თვალის წვეთები ან ლურჯი ტუში



მზერაზე მეტად ჩვენს დაღლილობას სხვა არაფერი გასცემს. დღის განმავლობაში თვალის უპეები გვიშავდება, რაც გამოკვეთს თვალებს და იქცევს მეტ ყურადღებას. იმისათვის, რომ გამოაცოცხლოთ მზერა, შეგიძლიათ გამოიყენოთ თვალის ცისფერი წვეთები. მათ ჩვეულებრივი წვეთებისგან განსხვავებით ის უპირატესობა აქვთ, რომ თვალის გუგას ათეთრებენ, მეორე ვარიანტი ფერადი ტუშია, შავი ტუში ამძიმებს გამოხედვას, ხოლო ფერადი პირიქით ლამაზად წარმოაჩენს
თვალს, მითუმეტეს ლურჯი ტუში წლევანდელი ტრენდია.


წესი #2. მოვლილი წარბები



ვიზაჟისტები ამტკიცებენ: სწორი წარბის ფორმა 10 წელს აკლებს ადამიანს, სთხოვეთ სპეციალისტს თქვენი სახის შესაბამისი წარბის ფორმის კორექცია, შემდეგ კი თვითონ შეინარჩუნეთ. თვალის ჩრდილები კი უდაოდ დაგეხმარებათ, მათი გამოყენებაც სირთულესთან არ არის დაკავშირებული, ასე რომ ნუ შეუშინდებით „გადაჭარბებას“, მზერის გამოკვეთას ლამაზად მოახერხებს ნათელი კონსილიერიც, რომელიც უნდა დაიტანოთ წარბების ქვეშ თვალის შიდა კუთხეებზე. უბრალოდ შეეცადეთ, რომ ბევრი არ წაისვათ და არ ამოვარდეს სახის მაკიაჟის კონტექსტიდან.


წესი #3. არ დაივიწყოთ მაკიაჟის ქვედა ფუძე



ტონალური საცხის გამოყენებამდე და მის გარეშეც აუცილებლად გამოიყენეთ ფუძე-პრაიმერი, რაც კანს გაათანაბრებს. ის არამარტო ფოტოშოპის ეფექტს ფლობს, არამეტ ასაკსაც მოგაკლებთ თავისი პიგმენტაციით.


წესი #4.მეტი „სინათლე“



ქალაქის ყოველდღიურ ხმაურსა და დროის მუდმივად უქონლობაში კანი კარგავს ტენიანობასა და სიბრწყინვალეს. ილუზიის შესაქმნელად კი რუჟი და ჰაილაითერი დაგეხმარებათ, დაიტანეთ ყვრიმალებზე და გამოკვეთეთ სახე. იმისათვის, რომ ტონალური საცხი არ ჩამოიღვენთოს სიცხეში განსაკუთრებით, შეურიეთ დამატენიანებელ საცხს, ასე თავიდან აიცილებთ ნიღბის ეფექტს და შედეგად უფრო ბუნებრივად გამოიყურებით.

ლიდია ამარიანი
like
0

კომენტარის დამატება

სახელი*
აღწერა*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.