ინსტაგრამერი გოგონები, რომელთა მაკიაჟიც გაგაოცებთ

დღეს ჩვენ ვცხოვრობთ ერაში, სადაც სოციალურ ქსელში დაგროვილ "მოწონებებსა" და "გაზიარებებს" ძალიან დიდი დატვირთვა აქვთ.

სოციალური მედია ჩვენი ცხოვრების განუყოფელი ნაწილი გახდა და თუ რამდენიმე წლის წინ კითხვაზე- "რის გარეშე ვერ იცხოვრებდი" პასუხი "წიგნი", ან "ყავა" იყო, დღეს ისინი ერთმა სიტყვამ, "სმარტფონმა შეცვალა.

Instagram-ი უდიდესი პლათფორმაა, რომელიც 2010 წელს შეიქმნა და დღეს ერთ მილიარდზე მეტი მომხმარებელი ჰყავს. დღევანდელი მაჩვენებლით ამ აპლიკაციას მსოფლიოს მასშტაბით ყოველდღიურად 500 მილიონი ადამიანი იყენებს და ერთმანეთს თავიანთ ფოტოებს უზიარებენ.

მიუხედავად იმისა, რომ "ინსტაგრამი" ბევრისთვის მხოლოდ გასართობი,
დროის გასაყვანი საშუალებაა, არიან ადამიანები, რომელთათვისაც ფოტოების გაზიარება შემოსავლის წყაროც კი გახდა. საზოგადოების ამ ნაწილთა უმეტესობა ხელოვანია, კონკრეტულად კი ვიზაჟისტი. უნდა ვაღიაროთ, ძალიან ძნელია საკუთარი ნიჭით დააინტერესო ხალხი იმ სივრცეში, რომელშიც მილიარდი ადამიანი ცდილობს თავი მოგაწონოთ.

დღევანდელ სტატიაში გაგაცნობთ ჩემს ფავორიტ ხუთ ვიზაჟისტ გოგონას, რომლებმაც ეს სირთულე გადალახეს და "ინსტაგრამზე" გამოქვეყნებული მაკიაჟის ფოტოებით პოპულარობა მოიპოვეს.

1. @Beautyspock


ამ სიის სათავეში ძალიან ნიჭიერი და საინტერესო გოგონა, სახელად ფრანცის ო'სალივანი უნდა მოვაქციო. მის ფოტოს რამდენიმე თვის წინ ძალიან შემთხვევით წავაწყდი ინსტაგრამის "სქროლვისას", შემდეგ მისი ნამუშევრები გადავათვალიერე და ეგრეთწოდებული "ფანი" გავხდი. მაკიაჟი, თმა, ტანსაცმელი-ანუ ყველაფერი ის, რაც მოდის მოყვარულს უყვარს, ფრანცისი იდეალურად აერთიანებს მის გვერდზე. უყვარს ვინტაჟი, ინსპირაციას ცნობილი ძველი ფოტოსესიებიდან და ფილმებიდან იღებს და თავის ვერსიად აქცევს. დღეს 349 ათასი მიმდევარი ჰყავს, მაგრამ მათი რაოდენობა ძალიან სწრაფად იზრდება, რადგან ო'სალივანზე სტატიებს ისეთი ჟურნალები წერენ, როგორიცაა ამერიკული VOGUE და სხვა მრავალი.
  • წინა
like
0

კომენტარის დამატება

სახელი*
აღწერა*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.