მსუბუქი მაკიაჟი ცხელი ამინდებისთვის: რჩევები ბიონსეს ვიზაჟისტისგან

დეკორატიული კოსმეტიკის მინიმუმი - ცხელი ამინდის გადაწყვეტილებაა, მაგრამ შუა ზაფხულშიც ხომ ხვდებით წვეულებებზე, ქორწილებზე, ღონისძიებებსა და შეხვედრებზე, სადაც მაკიაჟის გარეშე ვერ გამოჩნდებით.




თუ როგორ შეინარჩუნოთ მაკიაჟი ამ მომენტებში, ამერიკულ Vogue-თან ბიონსეს ვიზაჟისტი, სერ ჯონი ჰყვება. სწორედ ის არის პასუხისმგებელი იმ ეფექტურ მაკიაჟზე, რაც ბიონსეს სახეზე ყველაზე ცხელი კონცერტის შემდეგაც რჩება.



დამატენიანებელი კრემის გარეშე

მაკიაჟისთვის მოსამზადებელ ეტაპზე სერ ჯონი გირჩევთ უარი თქვათ დამატენიანებელ კრემზე, რადგან ამის გამო მზეზე ტონალურმა კრემმა შესაძლოა დნობა დაიწყოს. თუმცა დატენიანება არ უნდა დაგავიწყდეთ - აქ დაგეხმარებათ

მსუბუქი შრატი ან პრაიმერი.




კრემი თვალებქვეშ - ტუჩებზე

რაც შეეხება ტუჩებს, ჯონი ირწმუნება, რომ ჩვეულებრივი ტუჩის ბალზამი თვალებქვეშ წასასმელი კრემით შეცვალოთ - სიცხის ზემოქმედების შემთხვევაშიც კი პომადის ტექსტურას არ იცვლის.




პრაიმერი წარბებზე

წარბები რომ ლამაზად გამოჩნდეს, სერ ჯონს რჩევა აქვს - წაისვათ პრაიმერი თმის ზრდის ხაზზე და მხოლოდ შემდეგ შეიღებეთ და გელით დააფიქსირეთ. თუ გაოფლიანდებით, პრაიმერი ოფლს საშუალებას არ მისცემს მაკიაჟი აირიოს.



არავითარი პუდრი

გამოიყენეთ პუდრი სწორად: შეგიძლიათ დაიმაგროთ გამჭვირვალე კონსილერი, მაგრამ მთელს სახეზე მისი წასმა არ ღირს. ჯონი გაფრთხილებთ: პუდრის საშუალებით ფორებში ცხიმი მხოლოდ კიდევ უფრო მეტად გაჯერდება. ყველაზე ხელსაყრელი ვარიანტი ბზინვარების სველი ხელსახოცით მოშორებაა. ის შეიწოვს ზედმეტ ცხიმს, აშორებს სახიდან და ყველაზე პატარა ჩანთაშიც კი თავსდება. ფინალური შტრიხი - მცირე კრემ-რუმიანაა, სპრეი დასაფიქსირებლა და თქვენ მზად ხართ ზაფხულის ყველაზე ცხელი დღისთვისაც კი.

ანა ვერძაძე

like
0

კომენტარის დამატება

სახელი*
აღწერა*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.