როგორ მოვიხდინოთ 90-იანების მაკიაჟი

უკვე შევეგუეთ იმ ფაქტს, რომ თითქმის ყველაფერი, რაც 90-იანი წლების მოდას უკავშირდება, დღეს ტრენდულია.

წინა სტატიებში გასული საუკუნის ბოლო დეკადის სამოსი გავიხსენეთ, დღეს კი დროა მაკიაჟს შევეხოთ.

90-იანების მაკიაჟი საკმაოდ დრამატული სტილისაა, მაგრამ ამავდროულად სახალისო და ფერადი.

არ დაგავიწყდეთ, რომ ამ პერიოდში მყვირალა ფერები დიდი პოპულარობით სარგებლობდა, ამიტომ ამ ფერების სახეზე გადატანის არ შეგეშინდეთ. გასულ თვეებში ლურჯი თვალის ჩრდილების ტენდეცია შეინიშნებოდა, რაც სწორედ 90-იან წლებს უკავშირდება. მსგავსი სტილით შეგიძლიათ ნებისმიერი სხვა ფერიც მოირგოთ.



ნუ მოერიდებით ბრჭყვიალებს. როგორც ვახსენე, ამ დეკადის
სტილი მთლიანად ხალისსა და დრამატულობაზეა დაფუძნებული, ასე რომ თვალის ჩრდილები შეგიძლიათ ბრჭყვიალებით გაიფორმოთ. შეგახსენებთ, რომ ეს ტრენდი დღესაც ძალიან აქტუალურია და ზაფხულის ფერად დღეებს ბევრად გაგიხალისებთ.



რაც შეეხება ტუჩებს, მთავარი დრამატულობა სწორედ ტუჩსაცხებში გამოიკვეთება. ნუდ ფერები ამ შემთხვევაში არ გამოგადგებათ, მაგრამ ფერთა პალიტრიდან ნებისმიერი მუქი ფერი შეგიძლიათ ამოირჩიოთ. 90-იანებში ტრენდული იყო გრანჟი, რაც შავ, მუქ წითელ ტუჩებს მოიცავდა. მსგავი ლუქი შერჩევისას გაითვალისწინეთ, რომ თვალების ჩამუქებით შესაძლოა ზედმეტად დრამატული მაკიაჟი შეიკრას, რაც საკმაოდ რთული მოსარგებია.


ბაკა ალავიძე
like
0

კომენტარის დამატება

სახელი*
აღწერა*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.