შემოდგომის მთავარი ტანდემი პარფიუმერებისგან: სუნამოები მხოლოდ წყვილებისთვის

კომპოზიციები შეყვარებული წყვილებისთვის - წლევანდელი შემოდგომის მთავარი ტანდემია, მიუხედავად ცვალებადი და ქარიანი ამინდებისა შემოდგომა მაინც ყველაზე რომანტიკულ პერიოდად ითვლება.

ასე მიიჩნევენ პარფიუმერული ბრენდების დამფუძნებლები და პრაქტიკულად ერთდროულად ყველამ თავის კოლექციაში განსაკუთრებული ყურადღება წყვილებისთვის განკუთვნილ სუნამოებს დაუთმო.

„ბომონდი“ გიკარნახებთ, რომელი სუნამო მოიძიოთ თქვენს საყვარელ ადამიანთან ერთად. თუმცა აქვე გავამხნევებთ მარტოხელებს, თუ კი ძალიან მოგწონთ რომელიმე მათგანი, შეგიძლიათ ორი კომპოზიციის ერთმანეთში შერევა და ერთდროულად მიპკურება.

Maison Francis Kurkdjian

Amyris-მა წყვილების არომატი გამოუშვა, რომელიც რომანტიკულ პარიზს ეძღვნება და პირველად 2012 წელს წარადგინა, წლევანდელი
შემოდგომისთვის კი უფრო მდგრადი და ძლიერი არომატი დაუმატა - ეს ყოველივე კი ახალი ფორმატის მეშვეობით განახორციელა, რომელსაც პარფიუმერული ექსტრაქტი უწოდა. ქალის ვარიანტში ეგვიპტური ჟასმინია, ხოლო მამაკაცისაში - დაფქული ვანილის კრემისებრი აკორდი.


Boss

The Scent-იც არ ჩამორჩა წლევანდელ პარფიუმერების გადაწყვეტილებას და The Scent Absolute - მამაკაცისა და ქალის ვერსიით გამოუშვა, კონცენტრაცია საკმაოდ მსუბუქია და პირვანდელ ვარიანტს ნამდვილად არ ჰგავს. მამაკაცის პარფიუმში - აფროდიზიაკის ნამდვილი ბომბია მონდიის ფესვისა და მანინკას ნაყოფის მეშვეობით, რომელსაც ვეტივერისა და კოჭას ფესვები დაუმატეს, ხოლო ქალისაში - ატმის მსუბუქი კომბინაცია, ყავის მარცვლები, ვანილი და კვლავ ვეტივერაა წარმოდგენილი.


Lacoste

განსხვავებით წინამორბედი სუნამოებისგან - ეს აბსოლუტურად სიახლეს წარმოადგენს. ორივე კომპოზიცია გაჯერებულია უსასრულობით, პარფიუმერებმა უშუალოდ კომპოზიციები ძალიან მოკლე დროში დაამზადეს, მამაკაცის ფლაკონში მიშელ ჟირარმა ხილის ნოტები გარია, შიგთავსი ბერგამოტით, კოჭით, შავი წიწაკით, ჟასმინით, ნუშით, ვანილით, მუსკუსით შეავსო, ქალის ვერსიაზე კი ოლივიე კრესპმა იმუშავა. ქალის კოქტეილში მან ვარდი, მანდარინი, ფორთოხლის ყვავილი, ჟასმინი, სანდალი, ლადანი და პაჩული დაამატა. შედეგად კი სახეზე საკმაოდ დატვირთული კომპოზიციები მივიღეთ - მკვეთრი და დამამახსოვრებელი არომატების სახით.


Bottega Veneta

Illusione-ის სახელწოდებით არსებული დუეტის ინსპირაცია იტალია აღმოჩნდა, ჩვენ კი დარწმუნებულები ვართ, რომ მამაკაცის ხაზი ბევრი გოგონას გულს მოიგებს. საკმაოდ მსუბუქი ციტრუსის არომატი ერთი შეხედვით არ შეესაბამება ბიჭებს - თუკი არ წაიკითხავთ შემცველობას, შესაძლოა აგერიოთ თქვენს სუნამოშიც კი. შიგთავსი - ლიმონით და მჟავე ფორთოხლით არის გაჯერებული, ვეტივერი და თეთრი ჭადარიც არ დაავიწყდათ პარფიუმერებს. ქალის კომპოზიცია უფრო მკვეთრია, მის შემცველობაში - ბერგამოტის ნოტებია, შავი მოცხარი, ლეღვი, ზეთისხილის ხე, ტონკას მარცვლები და ფორთოხლის ყვავილი.


ლიდია ამარიანი

like
0

კომენტარის დამატება

სახელი*
აღწერა*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.