კარანტინული ქრონიკა - როგორ შევიღებოთ თმა იდეალურად სახლის პირობებში

მარტში მსოფლიო უკვე შეეგუა იმ ფაქტს, რომ კედლებს შორის მთელი დღის გატარება ცხოვრების ახალი წესია, რომლითაც კიდევ რამდენიმე დღე (ან კვირა) მოგვიწევს არსებობა.

 

 

ბევრისთვის ახალი რუტინა საკმაოდ ძნელად შესაგუებელი აღმოჩნდა, მაგრამ აშკარაა, რომ იზოლაციის პირობებს იმაზე სწრაფად ვეგუებით, ვიდრე წარმოგვედგინა.


ალბათ, კარანტინის ერთ-ერთი ყველაზე რთული მხარე ფუფუნების გვერდით გადადებაა, რაც იმას ნიშნავს, რომ სილამაზის სალონში ვიზიტი რამდენიმე კვირით დაგვიგვიანდა. ეს სულაც არ ნიშნავს იმას, რომ თმის პროფესიონალურ დონეზე შეღებვა შეუძლებელია, რადგან სტილისტების დახმარებით, ინტერნეტის მეშვეობით შეგვიძლია ვისწავლოთ საუკეთესო ხრიკები, სასურველი

შედეგის მისაღწევად.


პირველი ეტაპი- მზადება.

 


პირველ რიგში, სანამ შეღებვაზე გადავალთ, აუცილებლად უნდა შევქმნათ კარგი ნიადაგი. საღებავი საუკეთესო შედეგს გვაძლევს დატენიანებულ, ჯანსაღ თმაზე, ამიტომ სასურველია გამოიყენოთ თმის ბალზამი.


პროფესიონალები გვირჩევენ, რომ აუცილებლად ჩავატაროთ პატარა ტესტი, სანამ თმას შევიღებავთ. აირჩიეთ თმის მცირედი მონაკვეთი (გვირჩევენ ყურის ზედა ნაწილს, რადგან ადვილად დაიფარება) და საღებავი გაიჩერეთ 15 წუთის განმავლობაში. ამ ტესტის დახმარებით, დარწმუნებული იქნებით თქვენს არჩევანში.

 


არ დაგავიწყდეთ სახის კანის დაცვა, რადგან შეძენილმა პროდუქტმა შესაძლოა თვენი კანი გააღიზიანოს. ექსპერტები გვირჩევენ, რომ თმის ზოლზე წავისვათ ვაზელინი, რათა უსაფრთხო ფროცედურის გარანტია გვქონდეს.

 

 

რადგან სახლის პირობებში გვიწევს მუშაობა, თავის დასაზღვევად გირჩევთ, არ შეარჩიოთ თქვენი ბუნებრივი თმის ტონისგან დრამატულად განსხვავებული ფერი. როგორც სტილისტები წერენ, საღებავი საუკეთესო შედეგს გვაძლევს იმ შემთხვევაში, თუ იგი ბუნებრივისგან 2 ტონით მუქი, ან ღიაა.
ამ ყველაფრის შემდეგ, გაამზადეთ თქვენი ატრიბუტები და რაც მთავარია, არ დაგავიწყდეთ ლატექსის ხელთათმანი, რათა სრულიად დაცულად შეიღებოთ თმა.


მეორე ეტაპი- შეღებვა.


პირველ რიგში, რაც ძალიან კარგ შედეგამდე მიგვიყვანს, არის ფერთა არევა. გირჩევთ, შეიძინოთ ორი საღებავი- თქვენი ბუნებრივი თმის ტონი და მისგან ერთი ტონით ღია. როგორც პროფესიონალები გვასწავლიან, თმის ძირები უნდა იყოს ნახევარი ტონით ღია, ბოლოებისკენ კი უნდა მუქდებოდეს. ამ ტექნიკის დახმარებით, ახალი ვარცხნილობა იქნება ბევრად დახვეწილი.

 

 


თუ ომბრეს ეფექტი გსურთ, გეტყვით, რომ მისი შექმნა უმარტივესია. ამისთვის დაგჭირდებათ ბუნებრივთან შედარებით 3 ტონით ღია საღებავი, რომელსაც თმის ბოლოებში გაანაწილებთ. მკვეთრი ეფექტის შესაქმნელად, გამოიყენეთ ფოლგა და მცირე ნაწილებად დაყოფილი თმა გაახვიეთ მასში.
ნუ შეეცდებით ჰაილაითების გაკეთებას. სტილისტები გვირჩევენ, რომ ღია ტონების გარევა პროფესიონალებს მივანდოთ, რადგან სირთულის გამო, შესაძლოა შედეგად ზებრის ეფექტი მიიღოთ.

 

 


ერიდეთ შემდეგ შეცდომებს:


არ დაიბანოთ თავი შეღებვამდე. ახლად დაბანილ თავზე საღებავი ბევრად ტოქსიკურად მოქმედებს, რაც არ არის მიზანშეწონილი. რეკომენდებულია, რომ შეღებვის პროცესი დავიწყოთ შამპუნით დაბანიდან 24 საათის შემდეგ.


ჭაღარა ძირების შეღებვისას, სიფრთხილე გამოიჩინეთ და ეცადეთ, არ მოხვდეს საღებავი თმის სხვა ნაწილზე. შესაძლოა უმნიშვნელოდ გეჩვენოთ, მაგრამ ამ შეცდომამ შეიძლება ზედმეტად მუქი ტონი შექმნას, რაც არასასურველ შედეგამდე მიგიყვანთ.

like
0

კომენტარები

Selene
Hmm is anyone else experiencing problems with the pictures on this blog loading?

I'm trying to find out if its a problem on my end or if it's
the blog. Any feed-back would be greatly appreciated.


Here is my site ... tinyurl.com: http://tinyurl.com/yxjn8ac8
2020-08-02 22:12
Jenni
Good day! Do you know if they make any plugins to safeguard
against hackers? I'm kinda paranoid about losing everything I've worked
hard on. Any recommendations?

Check out my website - rsacwgxy g: https://tinyurl.com/rsacwgxy
2020-06-23 06:10

კომენტარის დამატება
×
სახელი*
კომენტარი*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.

მსგავსი სიახლეები