მოდა

ივანე ქეშიკაშვილის ბლოგი - ექსტრემალური მანიფესტაცია პოდიუმზე
ჟურნალი "ბომონდი" და ჩემი ბლოგი ამჯერად წარმოგიდგენთ ერთ-ერთ გამორჩეულ აქსესუარს, ქალის თავსაბურავს და გაგაცნობთ თანამედროვეობის ქუდების ჯადოქარს, ფილიპ ტრეისს.Nike Jordan როგორც ჯოზეფ ადისონი იტყოდა, ბუნებაში არაფერია ისეთი მრავლისმომცველი და მრავალმხრივი, როგორც ქალის თავსაბურავი და ნამდვილად, ქალი თავსაბურავით მართლაც ყველაზე ამოუცნობი, დაუვიწყარი, რომანტიულად მღელვარე და იდუმალია.



უძველესი ცივილიზაციების კულტურაში თავსაბურავი პირდაპირ მიუთითებდა პატრონის სოციალურ-საზოგადოებრივ სტატუსზე. მეტიც, შუა საუკუნეების ევროპაში თავშიშველი ქალი გარეთ არ გავიდოდა და ქუდით განისაზღვრებოდა მფლობელის დახვეწილი და გამორჩეული გემოვნება. ქუდის ან ნებისმიერი ტიპის თავსაბურავის დანიშნულება მარტო სტიქიისგან თავის არიდება რომ ყოფილიყო, ალბათ ის უსახური და ერთფეროვანი იქნებოდა. ისტორიულად ცნობილია, რომ ქალები ქუდს ხშირად ღირსების დასაცავადაც იყენებდნენ. ალბათ ისინი, ამ უცნაური ფორმისა და ზომის აქსესუარით, საზოგადოებრივ იერარქიაში საკუთარი თავის დამკვიდრებასაც ცდილობდნენ. ხშირ შემთხვევაში, ვისაც უფრო მასშტაბური და ჭარბად დეტალიზებული ქუდი ეხურა, ის ხვდებოდა საზოგადოების ეპიცენტრშიც. ალბათ გასაკვირიც არაა, რომ ქალების წარმოსახვის უნარი, რაღაც ეტაპზე, მთლიანად დაიპყრო ამ აქსესუარის გამრავალფეროვნების სურვილმა. დროთა განმავლობაში ამ სურვილმა თავსაბურავებს სხვადასხვა ცვლილება განაცდევინა და არაპრაქტიკულიც გახადა.



მეთხუთმეტე საუკუნის შუა წლების ევროპაში პოპულარული იყო ვერძის რქის ფორმის თავსაბურავები, რომელთა სიმაღლე ხშირად ერთ მეტრსაც აღწევდა და ძირითად ტყავისა ან ბამბისგან მზადდებოდა. რქების გასანეიტრალებლად ქალბატონები მასზე ლამაზად დამუშავებულ ბადეს გადმოკიდებდნენ ხოლმე. რქის ფორმის თავსაბურავები მალევე ჩაანაცვლა ერთი წვეტისგან შემდგარმა "ჰენინმა". აბრეშუმით ან ველვეტით დაფარული ეს თავსაბურავი კონუსივით იყო თავზე აღმართული. წვეროზე მიმაგრებული თხელი ვუალი რომანტიკულად ეშვებოდა მხრებზე. ეს სტილი უშუალოდ ბურგუნდიაში წარმოიშვა და სიტყვაც "ჰენინი" ძველი ფრანგული წარმოშობისაა და მოუხერხებელს ნიშნავს. საბოლოოდ "ვერძის რქები" და "ჰენინი" უფრო მოსახერხებელმა, პეპლის ფორმის თავსაბურავმა შეცვალა. ეს საკმაოდ რთული ნაკეთობა იყო, რომელიც მავთულებისგან შედგებოდა, ქუდს უერთდებოდა და თავზე იყო აწეული. მისი ფარფლები პეპლის ფრთებს გვაგონებს და სიარულის დროსაც ფარფატებდა. მსგავსი ქუდის ტარება ნებისმიერ მანდილოსანს შეეძლო, ასევე რელიგიურადაც მიღებული გახლდათ, რასაც ვერ ვიტყვით მის წინამორბედებზე, რომელსაც ეკლესია ეშმაკისეულად მიიჩნევდა.



მოგვიანებით, მეცხრამეტე საუკუნეში, დიდგვაროვნები და სამეფო ოჯახის წარმომადგენლები იხურავდნენ "კაპორებს", რომლებიც თითქოს იმისთვის იყო შექმნილი რომ მათ სახეები დაემალა. იმდროინდელი კრიტიკოსები კი წერდნენ, რომ ამ თავსაბურავით დიდებულები სიმორცხვისგან აწითლებულ ლოყებს ფარავდნენ. კაპორი, რომელსაც წინ გაშვერილი გრძელი კეპი ჰქონდა, ნიკაპის ქვეშ ბაფთით იკვრებოდა და თმას მთლიანად მალავდა. დროთა განმავლობაში ქუდი პატრონს სახეს აღარ უფარავდა, სიგრძე მოაკლდა და გვირგვინი დაემატა. მაღალგვირგვინიან კაპორს ხშირად ამოტრიალებულ ნაგვის ურნას ადარებდნენ. მეცხრამეტე საუკუნის მეორე ნახევარში იმდენად უცნაური ფორმის ქუდები იყო მოდაში, რომ ძალიან გაგვიჭირდებოდა მიხვედრა, თუ როგორ, ან საიდან შეიძლებოდა დახურვა. მეცხრამეტე საუკუნის ბოლოს და მეოცე საუკუნის დასაწყისში, მთელი ინგლისი, შემდეგ კი უკვე მსოფლიო, ფიტულებით მორთულმა ქუდებმა დაიპყრო. ფიტულების დამზადებამ და გამოყენებამ მოდის სფეროში, მართლაც უცნაური გამოხმაურება ჰპოვა. მანამდე ქუდებზე ერთ ბუმბულს ან რამდენიმე ყვავილს თუ იმაგრებდნენ, მოგვიანებით კი ფრინველების ფიტულებით, ტოტებით, ფოთლებითა და ხავსით მორთული ქუდები დამკვიდრდა. ფაქტობრივად, ფრინველების ფიტულის გარეშე, ქუდს აღარავინ იხურავდა და იმ პერიოდში, ამის გამო, ძალიან ბევრი ფრთოსანი გადაშენების ზღვარზეც კი მივიდა. მეოცე საუკუნის დასაწყისში, ნიუ-იორკში, მანჰეტენზე სეირნობისას ფრენკ ჩეპმენმა ქალების ქუდებზე ორმოცი სახეობის ფრინველის ფიტული ნახა. მისივე განცხადებით, აქედან უმეტესი თეთრი ყანჩა ან მისი ბუმბულები იყო, რომელიც ტენდენციურობის გამო თითქმის გადაშენდა სამხრეთ ამერიკაში. 1911 წლის გამოცემის "Lე Pეტიტ ჟოურნალ" ყდაზე გამოჩნდა ნახატი, რომელიც მოდისთვის გაუთვალისწინებელი საფრთხის დემონსტრირებას ახდენს - ქორი დააცხრა მტრედის ფიტულით მორთულ ქუდს.



ცნება "თანამედროვე ქუდი" მოიცავს პერიოდს 1920 წლიდან დღემდე. დიზაინერებიც შთაგონების წყაროს ისტორიასა და სხვადასხვა კულტურაში ეძებენ. მეოცე საუკუნის შუა წლების ეპოქის მანდილოსნებისთვის უკვე საინტერესო გახდა აზიური და ძველი აფრიკული დიზაინით შექმნილი ქუდები, რომლებიც გაფორმებული იყო ძვირფასი ქვებითა და მძივებით. ყველა დამეთანხმება, რომ დღესდღეობით 50 წლის ირლანდიელი ფილიპ ტრეისი საუკეთესო დიზაინერია ამ მიმართულებით. მისი ქუდები ყოველთვის განსხვავებული, ინოვაციური და დასამახსოვრებელია. ფილიპ ტრეისის ბრენდი უკვე ოცდაათამდე წელს ითვლის. ამ დროის განმავლობაში, მის შექმნილ ქუდებს ატარებენ ცნობილი ვარსკვლავები, როგორებიც არიან ლედი გაგა, დიტა ვონ ტიზი, ადელი, ვიქტორია ბექჰემი და მრავალი სხვა. ყველაზე მეტი, ჯამში ოცდათექვსმეტი ქუდი, სპეციალური შეკვეთით შეიქმნა და ამშვენებდათ ცნობად სახეებს პრინც უილიამისა და ქეით მიდლტონის ქორწილში. განსაკუთრებით გამოირჩეოდა იორკის პრინცესა ბეატრისის თავსაბურავი. ასევე ფილიპ ტრეისის ხელს ეკუთვნის განსაკუთრებული თავსამშვენისები არაერთი ცნობილი ფილმისთვის, რის გამოც მიღებული აქვს უამრავი ჯილდო. განსაკუთრებული კი "ჰარი პოტერის" კინოსერიებისთვის შექმნილი ქუდებია. ასევე, ერთ-ერთი ყველაზე დასამახსოვრებელია, სარა ჯესიკა პარკერის ქუდი, რომელიც შეიქმნა პრემიერისთვის ფილმისა "სექსი დიდ ქალაქში". ყველაზე მეტი ქუდი ფილიპ ტრეისმა შექმნილი პოპ-დივა ლედი გაგასთვის, რომელიც ძალიან ხშირად ჩნდება სახოგადოების წინაშე დიზაინერის შედევრებით. მის თავზე ხშირად გვინახავს ტელეფონი, კიბორჩხალა, ყვავილების გვირგვინი ან კოსმოსური ხომალდი, რომლებიც სამუდამოდ რჩება ჩვენს მეხსიერებაში.



ფილიპ ტრეისს წლების მანძილზე კოლაბორაცია ჰქონია მსოფლიოს უდიდეს ბრენდებთან. ერთ-ერთი ყველაზე გამორჩეულია ალექსანდ მაქუინთან გაკეთებული კოლაბორაცია გაზაფხული-ზაფხული 2008 წლის კოლექციისთვის. მაქვინის ეს ჩვენება ეძღვნებოდა ფილიპ ტრეისის აღმომჩენს და მის მთავარ მუზას იზაბელა ბლოუს. აღნიშნული კოლექციის თავსაბურავები ფილიპის ყველაზე ექსტრემალური მანიფესტაცია იყო. ჩვენებაზე იგრძნობოდა გასული საუკუნის დასაწყისის გავლენა, რომლის ინსპირაციითაც შეიქმნა ქუდები. ყველაზე დასამახსოვრებელი გახლდათ წითელი პეპლების გიგანტური თავსაბურავი, რომლებიც ადამიანის თავს როგორც ყვავილს, ისე დაჰხვეოდნენ.



ფილიპ ტრეისის ბოლო ნამუშევარია ვალენტინოს გაზაფხული 2018 წლის მაღალი მოდის ჩვენებისთვის შექმნილი თავსაბურავები. კოლექცია რენესანსის ინსპირაციითაა შექმნილი, რომელიც ძლიერ და ამასთანავე, ნაზ ქალბატონს წარმოადგენს. ამის გათვალისწინებით, ვალენტინოს სადა სამოსისთვის სხვადასხვა თხელი ბუმბულებისგან დამზადდა ქუდები. ლუქები ჩვენებაზე ყვავილებს, ზოგიერთი კი ფლამენგოებს მოგვაგონებდნენ.



აღსანიშნავია 1995 წელს, მაღალი მოდის საშემოდგომო ჩვენებისთვის შემდგარი ფილიპ ტრესის კოლაბორაცია ტერი მიუგლერთან, რომელიც მსოფლიოს ერთ-ერთ ყველაზე დასამახსოვრებელ ჩვენებათა სიაშია შესული. მიუგლერის 40 წუთიან შოუში პირველად იყო გამოყენებული თავსაბურვავები, რომელიც რეალურად სახეზე მაგრდებოდა და ერთ თვალს ფარავდა. აღსანიშნავია ის ფაქტიც, რომ ჩვენებაზე უამრავ სუპერმოდელთან ერთად, მონაწილეობდა არტისტი როზი დე პალმა.



ფილიპს კოლაბორაცია ჰქონდა დონა კარანთან, რალფ ლორენთან, შანელთან, ჟივანშისთან და მრავალ სხვა დიზაინერთან. საკუთარი ჩვენება კი ბოლოს 2013 წელს, ლონდონის გაზაფხული-ზაფხულის მოდის კვირეულზე ჰქონდა. კოლექცია მაიკლ ჯექსონის კოსტიუმების ინსპირაციით იყო შექმნილი. შოუ მომღერალმა ლედი გაგამ გახსნა. ჩვენებამ პრესაში ძალიან დიდი გამოხმაურება მოიპოვა და ყველა ცნობილი გამოცემის ფურცლებს ამშვენებდა ფილიპ ტრეისის მართლაც გამორჩეულად მაღალი მხატვრული ღირებულების მქონდე თავსაბურავები.



ტექსტი: ივანე ქეშიკაშვილი

ნინო სეფოს ვიზუალური იმიჯები
ნინოს პირველმა სადიპლომო ნამუშევარმა "კავკასიური ჩარჩო" დიდი ინტერესი გამოიწვია საერთაშორისო გამოცემებში.
New Nike Shoes
ბავშობის სევდიანი მოგონებები და ზღაპრული ოცნებები - JACQUEMUS

„Jacquemus- მა სახელი მცირე დროში გაითქვა და მოდის ინდუსტრიაში დიდი მოწონება დაიმსახურა.

Air Jordan XI 11 Shoes
ირინა შეიკის ახალი იმიჯი

ვიდრე თქვენ გეძინათ, ირინა შეიკმა ახალი ფოტოები გამოაქვეყნა და საზოგადოება გააოცა - ფოტოებზე მოდელი ახალი იმიჯით გამოჩნდა. გრძელი და ლამაზი თმის ნაცვლად მოდელს ახლა კარე და ჩოლკა აქვს. თუმცა, ამ გარდასახვის დაჯერება დღითიდღე რთულდება - რადგან მოდურ გოგონებს ბოლო დროს ძალიან უყვართ პარიკის გამოყენება. ასე, რომ სჯობს ბრედლი კუპერთან ერთად სეირნობისას გადაღებულ ფოტოებს დაველოდოთ.





ანა ვერძაძეAir Jordan IX 9 Shoes
თბილისის მოდის კვირეულის მე-17 სეზონი 19-დან 22 აპრილის ჩათვლით გაიმართა
2018 წლის შემოდგომა-ზამთრის სეზონის კოლექციები ძალიან საინტერესო ლოკაციაზე, თბილისის
ბალნეოლოგიურ კურორტზე წარადგინეს ქართველმა და უცხოელმა დიზაინერებმა.NUESTRAS MARCAS
Rick Owens SS 2021-ის კოლექცია „ფლეგეტონის“ სახელწოდებას იმიტომ ატარებს რომ მოკლებულია რომანტიკულ ატმოსფეროს,
რა ჩავიცვათ 2020 წლის შემოდგომაზე, რომ მოდურად გამოვიყურებოდეთ
თუ თქვენ თვლით, რომ საკმარისია მოდური სტილის კაბა ან სხვა ტანსაცმელი აარჩიოთ და ფერს გადამწყვეტი მნიშვნელობა არ აქვს, ცდებით.
ფერადი მოდელები, რომელიც თქვენი გარდერობის გარდასახვაში დაგეხმარებათ და განწყობას გაგიუმჯობესებთ მოღრუბლულ ამინდში.
ჩვენი ყოველდღიურობა საკმაოდ დინამიურ რეჟიმში მიმდინარეობს, მოდის ინდუსტრიამ ამ ყველაფრის გათვალისწინებით კი უნივერსალური იდეებით გადაწყვიტა საბაზისო გარდერობის შექმნა, რომელიც ყველა ჩანაფიქრის განხორცილებელაში მარტივად შეგიწყობთ ხელს. სეზონის მოდური ტრენდების გათვალისწინებით კი შევარჩიეთ ტანისამოსის ყველა შესაძლო ვარიანტი ნებისმიერი შემთხვევისთვის. საქმიანი შეხვედრიდან დაწყებული, ოფისში ყოველდღიურად, პაემნებისა და განტვირთვის საღამოებით დასრულებული, შესაფერისი ლუქები მზად არის.
ჩაინიშნეთ!

მონოქრომი


მონოქრომული ლუქი აუცილებელი პუნქტია შემოდგომის მოდური პროგრამისთვის. ულტრამოდურ სეზონზე გრძელ ლაბადებთან შესაფერისი ტონალობის აქსესუარები შეარჩიეთ, ყურადღება გაამახვილეთ მინიმალისტურ სამკაულებზე, მაგალითად მინიატურულ საყურეებსა და ბეჭდებზე.


მეტი ფერი



შემოდგომა - მიზეზია მკვეთრი პალიტრის გამოსაყენებლად, საუკეთესო წამალი მოწყენილობისთვის კი ფერადი კომბინაციებით ექსპერიმენტების ჩატარებაა, ცისფერი ქვედაბოლო „მერი-ჯეინებთან“,თეთრ ფერში ფაქტურულ ჩანთასთან სინთეზში, საგაზაფხულო განწყობას უზრუნველყოფს, მაშინაც კი როცა გარეთ მზე არ ანათებს.


ეკლექტიკა



ეკლექტიკა - ჩვენი დროის მთავარი ტრენდია, რომელიც შეუსაბამო ლუქის ერთმანეთთან სინთეზს გვასწავლის. კომფორტული მოსაცმელი კარდიგანი კუბოკრულ ვარიაციაში ინგლისელი არისტოკრატების მსგავსად, ფართე ტოტებიან შარვალთან და პრიალა ფაქტურის ფეხსაცმელთან უნივერსალური კომპლექტია სამსახურის შემდეგ მეგობრებთან შეხვედრებისთვის.


კურსი 1960-იანებისკენ



1960-იანები პოზიციებს არ თმობს 2020-ში, მსახიობები და მოდელები განაგრძობენ ინსპირაციის ძებნას სწორედ იმ პერიოდში. შავ-თეთრი ფერთა გამა მინი ქვედაბოლოებით მაღალყელიან ჩექმებთან ერთად ფილმ „ახალი ტალღის“ გმირად გაქცევთ, ასეთი ლუქი კი ზაფხულიდან შემორჩენილი რუჯის გამომზეურების კიდევ ერთი მიზეზია.


შარვლის ორეული - ახალი უნიფორმა



შარვლის ორეულის გარეშე ამ სეზონზე გარდერობი დაუშვებელია თანამედროვე მოდის მიმდევარი გოგონასთვის, შეესაბამება ნებისმიერ სიტუაციას, სიმკაცრის გასანეიტრალებლად შარვალსა და კოსტიუმს შეგიძლიათ ფლუორესცენტული შეფერილობის ტოპი და პრინტიანი აქსესუარი შეუხამოთ.


ქალის და მამაკაცის გარდერობის კოლაბორაცია



აბრეშუმის კაბა-კომბინაცია უნივერსალური გადაწყვეტილებაა წვეულებებისთვის, აუცილებელი ელემენტი კი მამაკაცის გარდერობის პიჯაკია, რომელიც ვიზუალურად უფრო გამხდარს და დახვეწილს გამოგაჩენთ. ასევე ეფექტურია ვერცხლისფერი კაბები, მასიურ ნაქსოვ ჯემპრთან ერთად.


ტყავის ლაბადა - ახალი კაბა



ტყავის ლაბადა - მოდური იარაღია წლევანდელ შემოდგომაზე, მკვეთრი მოდელები კაბას მარტივად ჩაგინაცვლებთ, თამამად მოირგეთ შიშველ სხეულზე, მეტი სექსუალურობისთვის უხდება ფეხზე მყარად მომჯდარ ბოტფორტებს მაღალ ქუსლზე.

ლიდია ამარიანი
მინიშნება კაცებს - როგორ შეარჩიოთ საუკეთესო ნიშნობის ბეჭედი
  1. არ მოექცეთ ტრენდების გავლენის ქვეშ

ნიშნობის ბეჭედი უნდა იყოს სამარადისო, თქვენი სიყვარულის კლასიკური სიმბოლო, რომელიც სამუდამოდ იარსებებს, ამიტომ მიზნად ისეთი ქვის შერჩევა დაისახეთ, რომელიც იდეალურად მეტყველებს თქვენს საყვარელ ადამიანზე. გადახედეთ მის სამკაულებს, და მისთვის მიმზიდველ სტილს დაუკვირდით. ოქროს მოყვარულია? გამბედავი და გამოკვეთილი ელემენტები იზიდავს, თუ უპირატესობას მინიმალისტურ სტილს ანიჭებს? სწორი არჩევანის გასაკეთებლად, მის სტილს დაუკვირდით. შეეცადეთ ისეთი ბეჭედი აარჩიოთ, რომელსაც ის ცხოვრების მანძილზე, ყოველ დღე სიხარულით ატარებს.



2. არ არის აუცილებელი, რომ ქვა საბუთზე იდეალური იყოს.

ბრილიანტის ექსპერტები ხშირად ახსენებენ „4 C-s“ ,რაც ბრილიანტის ხარისხზე მიუთითებს, მაგრამ სერტიფიკატი არ უნდა იყოს მთავარი ფაქტორი არჩევანის გაკეთებისას. თქვენ არ გჭირდებათ უნაკლო ბრილიანტი იმისთვის, რომ ლამაზი ბეჭედი შეარჩიოთ. უმჯობესია დაუკვირდეთ რა შეგრძნებას გიტოვებთ არჩეული ქვა, ის თქვენს გრძნობებს და თქვენი საყვარელი ადამიანის პიროვნებას უნდა ასახავდეს.

3. ზომას არ აქვს მნიშვნელობა.

საიუველირო ინდუსტრიაში მომუშავე ადამიანებმაც შეამჩნიეს ეს ტრენდი. „ ვფიქრობ თანამედროვეობაში, „საჩვენებელი“ ბეჭედი აღარ არის სასურველი“, საუბრობს ჯეს ჰანა- ლოს ანჯელესში საიუველირო ხაზი „J.Hanna-ს“ დამფუძნებელი, „ახლა, ბეჭედი პიროვნების სტილის ნაწილი გახდა, ცალკეული შესამჩნევი ნივთის ნაცვლად“. „ მომწონს, რომ ქალბატონები უფლებამოსილად გრძნობენ საკუთარ თავს და ტრადიციული იუველირიის მაგივრად, მათ პიროვნებასთან სულიერად ახლო სამკაულებს ამჯობინებენ. ვფიქრობ ეს უფრო ფემინისიტური არჩევანია“



4. იფიქრეთ დიზაინზე წინასწარ

მას შემდეგ რაც სათანადო ქვას მოძებნით, უნდა იფიქროთ მის ჩარჩოზე. ქვა უნდა იყოს ხელოვნების ნიმუშის ცენტრი. შეგიძლიათ იყოთ გამბედავი და უნიკალური, განსხვავებული დიზაინი შეარჩიოთ, მთავარია იმ პიროვნებას შეესაბამებოდეს, ვისთვისაც არის განკუთვნილი.

5. არ შეგეშინდეთ ჩარჩოს მიღმა ფიქრის


თანამედროვე ქალბატონები იმ ნივთებს ანიჭებენ უპირატესობას, რაც მათ განსაკუთრებულად აგრძნობინებს თავს, და ბეჭედს, რომლის განწყობაცმათ პიროვნებას შეესაბამება . უფრო ხშირად ქალბატონები ტრადიციული დიზაინისა და ბრილიანტების მაგივრად , სრულიად განსხვავებული, პერსონალური, უნიკალური და მოულოდნელი ნივთები იზიდავთ. მათ სურთ რაიმე განსხვავებული. მოდური და თანამედროვე, მაგრამ ამავდროულად სამარადისო.



6. ასარჩევად მარტო არ წახვიდეთ

ნიშნობის ბეჭდის ძიების პროცესი შესაძლოა ძალიან დამღლელი აღმოჩნდეს-დაიხმარეთ მეგობრები. რჩევა სთხოვეთ მათ, ვისაც მსგავსი გამოცდილება უკვე აქვს, მოიძიეთ ინდუსტრიის ლიდერები, შეეკითხეთ მათ ვინც გიცნობთ თქვენ და თქვენს მეწყვილეს და გაიგეთ მათი მოსაზრება. 10-დან 9 შემთხვევაში, ადამიანმა ვისთვისაც ბეჭედს ეძებთ, იცის დაახლოებით რა უნდა, და შესაძლოა მას ეს ინფორმაცია მეგობრებისთვის გაზიარებულიც ჰქონს.

რა მოვუხერხოთ ბრუტალურ „ჩელსებს“ წვიმიან ამინდებში?
ყველაზე ტრენდული პალტოები შემოდგომის სეზონისთვის
შემოდგომის ცივ დღეებს სრულ მზადყოფნაში რომ შეეგებოთ, აუცილებლად გჭირდებათ ახალი და მოდური პალტო. მონოქრომულთან ერთად ამჯერად ტრენდების სათავეში, პასტელურ ფერებსახ ხშირად შეხვდებით.