5 მნიშვნელოვანი ფაქტი Gucci შემოდგომა-ზამთარი 2020-ის ჩვენებიდან

საუკეთესო კოლაბორაციები, მოსაწვევების მოულოდნელი ფორმატი და სხვა დეტალები გასული შოუდან.



სულ ახლახანს მილანში მოდის სახლ Gucci-ს ჩვენება გაიმართა შემოდგომა-ზამთარი 2020. ბრენდის კრეატიულმა დირექტორმა ალესანდრო მიკელემ როგორც ყოველთვის კვლავაც თავისი გენიალურობა დაანახა მოდის სამყაროს. ის, რომ შოუ განუმეორებელი იქნებოდა მოსაწვევებიდან დაასკვნა ყველამ, რომლის ფორმატიც სტუმრებისთვის სიურპრიზი აღმოჩნდა. მანამ სანამ მსოფლიო განიხილავს პოდიუმის ლუქებს, ხუთ მნიშვნელოვან ფაქტს განვიხილავთ უკვე გასული შოუდან.



მოსაწვევი ხმოვანი შეტყობინების სახით

ამ სეზონზე ტრადიციული ფიზიკური მოსაწვევებისგან განსხვავებით სტუმრებმა ალესანდრო მიკელეს ხმოვანი შეტყობინება მიიღეს. რაც ყველასათვის მოულოდნელი აღმოჩნდა, ვინაიდან

შეტყობინება საკმაოდ საყვარელი და გულისამაჩუყებელი იყო. კრეატიული დირექტორი ხმოვან შეტყობინებაში ინტერესდებოდა მოახერხებდა თუ არა სტუმარი მოსვლას და დიდი სიხარულით ელოდა მის შოუზე დასწრებას, ხოლო ხმოვანი შეტყობინების ბოლოს ჰაეროვან კოცნას აგზავნიდა, ამ უკანასკნელმა კი მოდის ინდუსტრიის ყველაზე გამოცდილი ინსაიდერიც კი არ დატოვა გულგრილი, მიუხედავად იმისა, რომ შესაძლოა ყველაფერი უკვე ნანახი და გაგონილი ჰქონოდა.



Backstage გახდა მთავარი შესასვლელი

ტრადიციული მთავარი შესასვლელის ნაცვლად მოწვეული სტუმრები ყველაზე “წმინდათა წმინდა” ადგილიდან backstage-დან შედიოდნენ, დამერწმუნეთ, რომ კულისებს მიღმა მოხვედრა ძალიან იშვიათობაა დღევანდელ მოდის ინდუსტრიაში ჟურნალისტებისთვისაც კი. რედაქტორები, ბაიერები, ინფლუენსერები, ყველამ მიიღო მონაწილეობა მოდელების მზადების პროცესში დეფილეზე გამოსვლამდე. შოუში ჩართვა მნიშვნელოვანია, ამიტომ მიკელემ საშუალება მისცა სტუმრებს, უშუალოდ გამოსვლამდე არსებული აურზაური კულისებს მიღმა საკუთარი თვალით დაენახათ.



კოლაბორაცია Liberty-სთან

ალესანდრო მიკელემ თანამშრომლობა შესთავაზა ლონდონის უნივერმაღ Liberty-ს. პირველი კოლაბორაციის შედეგი იანვრის მამაკაცის შოუზე ვიხილეთ, რომელიც მილანში გაიმართა. ისტორია გაგრძელდა ქალის შემოდგომა-ზამთრის კოლექციაშიც Liberty-ს მოტივებით.



ინსპირაცია - დეიზი დაკი

კოლექციის დეტალების თვალიერებისას შეუძლებელია ვერ შეამჩნიოთ აქსესუარები საკულტო დისნეის პერსონაჟის დეიზი დაკის გამოსახულებით. იხვმა დიდი ზომის ბაფთით 1940 წლიდან ყველას გული მოიგო და ახლა კი მილანის პოდიუმზეც გადაინაცვლა.


ყველაზე ეკოლოგიური ჩვენება

გუჩიმ ყველაფერი გააკეთა იმისათვის, რომ მათმა შოუმ უარყოფითი გავლენა არ იქონიოს ბუნებაზე. ორგანიზაციული პროცესების ხარჯზე დეფილე სრულად ნეიტრალური აღმოჩნდა. ყველა მონაწილის ჩართულობა - მოდელების, სტუმრების, თანამშრომლებისა და პარტნიორის შემთხვევაში - Gucci-მ მილანის გამწვანებით დააკომპენსირა. თითოეული მონაწილის სანაცვლოდ კი ხე დაირგება. ეს ინიციატივა გასული წლიდან დაიწყო. მხოლოდ გასულ წელს სექტემბერში ბრენდმა 2000 ხე გაიღო გაზაფხული-ზაფხული 2020-ის პრეზენტაციისთვის, ხოლო იანვარში მამაკაცის კოლექციის წარდგენისას - 1800, ამჟამინდელი შოუს ჩატარებისთვის ბრენდი კიდევ 1700 ხეს დარგავს.


ლიდია ამარიანი

like
0

კომენტარები

Tabatha
Some really nice and useful information on this internet site, also I
believe the layout holds great features.

My page; перейти сейчас →: https://3le.ru/ESan
2020-02-27 00:35

კომენტარის დამატება
×
სახელი*
კომენტარი*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.