რომელი წიგნები დევს ქეით მიდლტონის მაგიდაზე

როგორც აღმოჩნდა კემბრიჯის ჰერცოგინია უპირატესობას ინგლისური ლიტერატურის კლასიკას ანიჭებს.

 


კენსინგტონის სასახლის ოფიციალურ ექაუნთზე გამოჩნდა ფოტო სადაც ჰერცოგინია სამუშაო კაბინეტში ტელეფონზე საუბრობს, ყველაზე დაკვირვებულებმა კი შენიშნეს როგორი მოწესრიგებული სივრცე ჰქონდა ქეითს, თუმცა ამას გარდა ყურადღება მაგიდაზე არსებულმა წიგნებმა მიიქცია. რომელი წიგნები აღმოჩნდა ჰერცოგინიას ფავორიტი სინამდვილეში:

 


„ტესა დერბირვილეიდან“ ტომას ჰარდი


ჰერცოგინიას მსგავსად, მიგვაჩნია რომ ტომას ჰარდის ეს ნაწარმოები ბიბლიომანების სიაში მნიშვნელოვან ადგილს იკავებს, თუმცა მანამ სანამ ჩაუჯდებით წიგნს, მოიმარაგეთ ხელსახოცი, ვინაიდან ამ რომანს ცრემლების გარეშე ვერ წაიკითხავთ.


„შეყვარებულების ჩივილი“ უილიამ შექსპირი


ამბობენ, რომ მსოფლიოს ყველაზე გენიალური პიესები „მეფე ლირით“ დაწყებული შექსპირმა შავი ჭირის ეპიდემიის დროს სახლში ყოფნისას შექმნა, ჰერცოგინიამ რამდენად იცის ეს ინფორმაცია არ ვიცით, თუმცა მის მაგიდაზე ინგლისელი დრამატურგის სონეტების ტომეულები საპატიო ადგილს იკავებს.


„ბასკერვილების ძაღლი“ არტურ კონან დოილი


„მისტერ ჰოლმს, გიგანტური ძაღლის ნაფეხურები ვნახე“ - რეალურ ცხოვრებას, იდუმალებით სავსე დეტექტივი მოგწყვეტთ, ჰერცოგინიას მაგიდაზე შერლოკ ჰოლმსის მესამე ისტორიაც დევს, რომელშიც ვატსონთან ერთად უჩვეულო მკვლელობის ამოხსნას ცდილობს.


„ქარიშხლიანი უღელტეხილი“ ემილი ბრონტე


სიყვარულის დიდი ისტორია, რომელიც გულგრილს არავის დატოვებს, რომანს აღმერთებდა ფაქტობრივად ყველა: ერნესტ ჰემინგუეიდან დაწყებული ჯოან დიდიონით დასრულებული.


„ცივი სახლი“ ჩარლზ დიკენსი


დიკენსის ყველაზე ხანგრძლივი ნამუშევარი, რომლის სიუჟეტი კანცლერის ყველაზე ხანგრძლივი სასამართლო პროცესის განხილვას ეთმობა „ჯარდინსები ჯარდინსების წინააღმდეგ“. სწორედ ამ რომანშია ყველაზე ცნობილი პერსონაჟი: ლედი დედლოქი და შერლოკ ჰოლმსის პროტოტიპი - ინსპექტორი ბაკეტი.


„დორიან გრეის პორტრეტი“ ოსკარ უაილდი


„ერთადერთი მეთოდი ცდუნების თავიდან ასარიდებლად - მიეცე ცდუნებას“ - არავის ამ დრომდე არ შესწევს უნარი გადმოსცეს უაილდზე უკეთ ხელოვნებასა და უშუალოდ ცხოვრებას შორის ურთიერთობა.

ლიდია ამარიანი

like
0

კომენტარის დამატება
×
სახელი*
კომენტარი*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.