Beauty-გიდი

ვარცხნილობა - საყვავილე - რატომ ირგებენ ინსტაგრამის ბლოგერები ამ სტილს
ინსტაგრამი ახალმა ტრენდმა მოიცვა - გოგონები საყვავილეს საკუთარი თმით იკეთებენ და მასში ყვავილებს ათავსებენ. ეს ყველაფერი ვრცელდება ჰეშთეგით #FlowerVaseHair. ალბათ გესმით, რომ ამის გამეორება რთულია. მაგრამ ეს ინსტაგრამერებს არ აფერხებთ - მთავარია გამოჩნდეს ისეთი რამ, რითიც გამომწერებს გააოცებენ.

ახალი ტენდენციის ავტორი კანადელი ბლოგერი ტეილორია - @taytay_xx. მისი შთაგონების წყარო ამერიკული Vogue-ის სექტემბრის გარეკანი გახდა, რომელზეც ბიონსეს თავზე ყვავილებისგან დამზადებული ნამდვილი არტ-ობიექტი აქვს გაკეთებული. როგორც ტეილორმა დაწერა: „ ეს მთელი ბაღია, მე რაიმე უფრო მარტივი მსურდა - მაგ: საყვავილე“. როგორც კი ბლოგერმა საკუთარ ინსტაგრამზე ფოტო ჰეშთეგით განათავსა, მალევე მოჰყვა მეგობრებისა და უბრალოდ გამომწერების მიერ გადაღებული მსგავსი ფოტოები. 



ანა ვერძაძე
იდეალური სხეულის საიდუმლო 30 წლის შემდეგ - Victoria's Secret-ის ანგელოზი დოუტცენ კროსი
სკანდინავიელმა ლამაზმანმა Victoria’s Secret-ის ანგელოზის კარიერა არც თუ ისე დიდი ხნის წინ დაასრულა,
მაგრამ instagram-ზე თაყვანისმცემლებს მოტივაციისთვის ფოტოებს კვლავ აქტიურად უზიარებს. ორი შვილის დედას დღესაც ისეთივე მოხდენილი ფორმები აქვს, როგორც კარიერის დასაწყისში ჰქონდა.

სკეპტიკოსებისთვის დოუცენი პლაჟზე გადაღებული სტატიკური ფოტოების გარდა, მოძრაობისას გადაღებულ ფოტოებსაც აქვეყნებს. ისე რომ ყველამ, ვისაც მასში ეჭვი ეპარება გაიგონ, რომ ტელეფონში ფოტოშოფის მსგავსი არავითარი პროგრამა არ აქვს.

წლის ბოლოს ჟურნალის Love მიერ გამოქვეყნებული ვიდეოებიდან, კროსის ვიდეომ პოპულარობით ბელა ჰადიდის, სარა სამპაიოსა და სხვა ახალგაზრდა სუპერმოდელების ვიდეორგოლებს გაუსწრო. აღსანიშნავია, რომ თეძოებსა და დუნდულებზე დოუცენს მცირედი ცხიმიც არ აქვს, მუცელზე კი იდეალური პრესი მოუჩანს.

რაში მდგომარეობს 33 წლის მოდელის ფენომენალური მოხდენილობის საიდუმლო? რა თქმა უნდა, რეგულარულ ფიზიკურ ვარჯიშში. „ანგელოზების“ ხაზის დატოვების შემდეგ დოუცენი სპორტულ ფორმას კვლავ ინარჩუნებს. კვირაში არანაკლებ 4-5 დღისა კროსი ბოქსით, ფუნქციონალური ტრენინგით, გაწევებითა და პილატესითაა დაკავებული. სანაპიროზე ოჯახური დასვენების დროსაც კი ლამაზმანი ერთ ადგილას წამითაც არ ჩერდება: დარბის შვილებთან ერთად, ბევრს ცურავს ან ქმართნ ერთად ბადმინტონს თამაშობს.

Victoria’s Secret-ის ყოფილი „ანგელოზის“ რაციონი ასევე ფიზიკური დატვირთვის მიხედვითაა აწყობილი. მძიმე ფიზიკური დატვირთვის შემთხვევაში დოუცენი თავს უფლებას აძლევს ცოტაოდენი ნახშირწყლები მიიღოს, მაგ: ხორბლის პურისგან დამზადებული ტოსტი ავოკადოთი, შემდეგ აქტიურად იღებს ცილებს. ამასთან, ოჯახური ვახშმობისას შეუძლია თამამად მიირთვას პასტა და დალიოს ჭიქა წითელი ღვინო, სხვა დროს კი მისი მენიუს ძირითადი შემადგენელი პროდუქტია - ბოსტნეული, ქათამი, თევზი, ხილი და პროტეინები. ახლა უპერმოდელს იმაზე სრულყოფილი სხეული აქვს, ვიდრე კარიერის დასაწყისში ჰქონდა.
 მარტივი ინსტრუქცია ყველა ტიპისა და სიგრძის თმისთვის
სამუშაო დღეებში დილით თავისუფალი დრო პრაქტიკულად არ არის. თავის დაბანა, გაშრობა და თერმოხვეულების გაკეთება კი მარტივი სულაც არ არის.
გთავაზობთ ინსტრუქციას, რომელიც დილის საათების დაზოგვასა და შესანიშნავი ვარცხნილობით გაღვიძებაში დაგეხმარებათ.

ტალღოვანი თმა
ჟიზელ ბიუნდჰენის ვარცხნილობით რომ გაიღვიძოთ საღამოს ნაწნავი გაიკეთეთ. თმას რაც უფრო მჭიდროდ დაამაგრებთ, მით უფრო წვრილი ტალღები იქნება. უფრო ბუნებრივი ეფექტისთვის შეგიძლიათ ორი ნაწნავის გაკეთება. დილით კი ბუნებრივ ტალღებს მიიღებთ, რომლებსაც მარტივად დაშლით თითებით და თმის ლაქით დააფიქსირებთ.

მოცულობა
ოცნებობთ, რომ დილით გაღვიძებისთანავე სასურველი მოცულობა იხილოთ? მაშინ უმჯობესია საღამოს მსხვილად შემოიხვიოთ თმა ბიგუდებზე. თმის ძირითად მასას კი შეგიძლიათ არ შეეხოთ, რათა ბიგუდებმა ძილის დროს დისკომფორტი არ შეგიქმნათ. ზედმეტი არ ქინება, თუ თმის ძირებს მუსით ან სპრეის საშუალებით დააფიქსირებთ.

ბუნებრივი ხვეულები
მარტივი და ლამაზი ხვეულების მისაღებად თმა დაგრიხეთ და მაღლა აიტანეთ, მაგრამ არა ძალიან მჭიდროდ, რათა დისკომფორტი არ შეგიქმნათ. ეს ხერხი სხვადასხვა დიამეტრის მსუბუქი და მოცულობითი ხვეულების მიღებაში დაგეხმარებათ.

მოკლე თმისთვის
მათ, ვინც მოკლე თმას ატარებს იციან, თუ რამდენად რთულია ძილის დროს ყველა მხარეს გაფანტული თმის დამორჩილება. დილით ძვირფასი დრო რომ დაზოგოთ აუცილებელია ბამბის ბალიშის გადასაფარებელი, ატლასის ან აბრეშუმის ზეწრით ჩაანაცვლოთ. ასეთი ზედაპირი ბუნებრივ ვარცხნილობას შეგინარჩუნებთ.

წვრილი ხვეულები
ზვრილი ხვეულების გაკეთება ქიმიური საშუალებების გარეშეც შეიძლება. ძილის წინ თმაზე ლოსიონი წაისვით. შემდეგ თმა თხელ ნაწილებად დაყავით და თითოეული ფრთხილად დაახვიეთ, დაამაგრეთ თმის სპეციალური სამაგრებით.

დამყოლი და ბზინვარე თმა
თუ ფუმფულა თმა გაქვთ, მაშინ საღამოს გაიკეთეთ თერმოდახვევა და თმა აბრეშუმის შარფით შემოიხვიეთ. სრიალა ქსოვილი თმის არევას ხელს შეუშლის, დილით კი დამყოლი და ბზინვარე თმით გაიღვიძებთ.
პერანგის ჩაცმის 5 სტილი

კლასიკური პერანგი ყველა ქალის გარდერობში უნდა იყოს. ის საბაზისო გარდერობის ერთ-ერთი შემადგენელი ნაწილია. ერთი შეხედვით, შეიძლება იფიქროთ, რომ ის საკმაოდ მოსაწყენი და ერთფეროვანია, მაგრამ მისი ჩაცმა ბევრნაირად შეიძლება.

წარმოგიდგენთ 5 საინტერესო ვარიანტს!

ქეით მოსის, ვიქტორია ბექჰემის, ქეით მიდლტონის საყვარელი სუნამოები
ყოველთვის, როდესაც ვუყურებთ შთამბეჭდავ ფილმს, ვათვალიერებთ საყვარელი დიზაინერის უახლეს კოლექციას ან ვუსმენთ ცნობილი არტისტის მუსიკას, შეუძლებელია ყურადღება არ მიიქციოს ინსპირაციასთან ერთად გავლენამ, რომელიც ერთგვარ ემოუციურ ფაქტორად გვევლინება.
პარფიუმი - ეს შესაძლებლობაა ხაზი გაუსვა საკუთარ ეგოს, შექმნა ისტორია ინდივიდუალიზმზე. ყველასთვის საინტერესო იქნება, რეკლამის გარეშე, რომელ პარფიუმერული ბრენდის სუნამოს ანიჭებენ ცნობილი ვარსკვლავები უპირატესობას. მათ ხასიათთან და ინსპირაციასთან თანხვედრა, შესაძლებელია თქვენი შთაგონების წყარო გახდეს!

ვიქტორია ბექჰემი

ვიქტორია ბექჰემმა, ინსტაგრამზე რეკლამის გარეშე გამოაქვეყნა სუნამო ””Room Service”-ის ფოტო წარწერით ”Super Chic”. დიზაინერი აღნიშნავს, რომ იგი ნიშ-პარფიუმის მოყვარულია, და - Vilhelm Parfumerie მისი ფავორიტი ბრენდია.

სუნამოს ღირებულება - 155 ფუნტი

ნაომი უოტსი

მსახიობმა Harper’s Bazaar-თან ინტერვიუში განაცხადა, რომ არ უყვარს მძაფრი არომატები. მისი რჩეული Kiehl's Musk Eau de Toilette Spray-ია, რომელიც სულ რაღაც 43 ფუნტი ღირს.

ქეით მიდლტონი

როდესაც ქეით მიდლტონი დაინიშნა პრინც უილიამზე, ის Illuminum - Gardenia Petals-ის არომატს ატარებდა. შესაბამისად ქეითისთვის პატარა ბრენდის ყვავილოვანი პარფიუმი განსაკუთრებულ მოგონებებს აღძრავს.
.
სუნამოს ღირებულება - 125 ფუნტი

ქეით მოსი

ქეით მოსი La Maison Hedonique - Cerf Blanc-ის დიდი ფანია, როგორც სამანტა მორტონი, ნიკ გრიმშოუ და ა.შ

სუნამოს ღირებულება - 125 ფუნტი

ბლეიკ ლაივლი

მსახიობი აღნიშნავს, რომ მისი ფავორიტი არომატები ფარფიუმერიაში, ყვავილოვანი ნოტებისგან შედგება. მისი საყვარელი სუნამო Gucci-ის Premiére-ია.

სუნამოს ღირებულება - 74 ფუნტი
როგორ შევარჩიოთ ქუდი სახის ფორმის მიხედვით!
ბევრი ქუდს სულაც არ ატარებს, რადგან მიიჩნევენ, რომ არ უხდებათ.
ყველაზე ტენდენციური ”ბიუთი” ინგრედიენტის 2 უნიკალური თვისება
ბოლო რამდენიმე წლის მთავარი სუპერ პროდუქტი ყველა ბიუთიჰოლიკის სიაში კვლავ საპატიო ადგილს იკავებს - ქოქოსის ზეთი უნიკალურია!
ის აუმჯობესებს მეტაბოლიზმს, შეიცავს ლაურინის მჟავას, E და K ვიტამინებს.

კანისთვის

ქოქოსის ზეთი არა მხოლოდ ატენიანებს კანს, არამედ 20%-ით ბლოკავს ულტრაიისფერ სხივებს. ამის წყალობით ის ეფექტურად ებრძვის კანის სიმშრალეს წლის ნებისმიერ დროს, ანიჭებს სასიამოვნო ტროპიკულ არომატსა და ბზინვარებას.
ჟიზელ ბუდჰენი გირჩევთ, ქოქოსის ზეთი გამოიყენოთ სკრაბის სახით. სუპერმოდელი ქოქოსის კანს ურევს მის ზეთში და ასე იღებს კანისთვის მაქსიმალურად უსაფრთხო პროდუქტს.

კბილებისთვის

გვინეტ პელტროუს თქმით, მისი თეთრი კბილების საიდუმლო ყოველდღიურად, პირის ღრუში ქოქოსის ზეთის გამოვლებაა. ის პირის ღრუში 2 წუთის მანძილზე უნდა გაიჩეროთ - ეს პირის ღრუს ჰიგიენას უზრუნველყოფს და კბილებს ბუნებრივ სითეთრეს დაუბრუნებს.
TOP 5 ვარსკვლავი, რომელსაც ვარცხნილობა „კარე“ ყველაზე მეტად უხდება
გრძელი თმა ტენდენციურობას არასდროს დაკარგავს, თუმცა 2018/19 წლის ყველაზე ტრენდული ვარცხნილობა არის კარე!
ბობ-კარე ის სტილია, რომელიც მრავალფეროვნების შეგძნებას ყოველთვის მოგანიჭებთ შემდეგი 5 ყველაზე ცნობილი ვარსკვლავი კი შესაძლებელია თქვენი შთაგონების წყარო გახდეს!

TOP 5 - ქენდალ ჯენერი
TOP 4 - კიმ კარდაშიანი
TOP 3 - ბელა ჰადიდი
TOP 2 - რიანა
TOP 1 - ნაომი ქემპბელი
თმის 4 ფერი, რომელიც ყველას უხდება
თუ გეშინია, რომ არასწორად შეარჩევ თმის ფერს და არ მოგიხდება, თამამად აირჩიე ამ 4 ტონიდან ერთ-ერთი. ის აბსოლუტურად ყველას უხდება.

1. მოყავისფრო-შოკოლადისფერი

მუქი თმის ვარიაციებიდან — ყველაზე უნივერსალურია. ის ეფექტურად გამოიყურება ღია და მუქი კანის ფერის მქონე ადამიანებზე. ხაზს უსვამს ყავისფერ, ცისფერ და მწვანე თვალებს. ამას გარდა, ეს ფერი არასოდეს გადადის მოდიდან.

2. მუქი ქერა ოქროსფერი ელფერით

ბევრი ამ ფერს მოსაწყენად მიიჩნევს. მიუხედავად ამისა, ეს ფერი იდეალური საბაზისო ტონია, ნეიტრალური პიგმენტის მიხედვით. უბრალოდ ცოტათი უნდა გაახალისოთ ოქროსფერი ლოკონებით.

3. თაფლისფერი ქერა

ეს ფერი თმის შეღებვაში ისევე აქტუალურია, როგორც ჯინსი - გარდერობში. მას ყველაფერი უხდება! რითი განსხვავდება თაფლისფერი ქერა - ოქროსფრისგან? თაფლისფერი ბევრად ღრმა და თბილია, რაც უნივერსალურია ნებისმიერი ტიპის კანისთვის.

4. ნატურალური ქერა

ახლა, ყველა ბუნებრიობისკენ მიისწრაფვის — ყველაზე "სუფთა" და ნატურალური კი ეს ფერია.
ყველაზე მარტივი დიეტა ნახშირწყლების დაბალი შემცველობით!

დიეტა დაბალი ნახშირწყლებით - კვების სისტემაა, რომელიც დამყარებულია პროდუქტებზე, რომლებიც დიდი რაოდენობით ცილებს შეიცავს. რაციონში მკვეთრად იზღუდება ნახშირწყლების მიწოდება, რის გამოც ორგანიზმი საჭირო ენერგიას საკუთარი ცხიმის რეზერვიდან იღებს. 
ამ დიეტის მთავარი ღირსება ისაა, რომ არ დაიტანჯოთ შიმშილის გრძნობით. დიეტა მინიმუმ ერთი თვე უნდა დაიცვათ.

2018/19 წლის ყველაზე ტენდენციური თმის ფერი
თუ მზად ხარ ცვლილებებისთვის, სწორ ადგილას მოხვდი! ვარსკვლავების სტილისტები და ყველასთვის ცნობილი ინფლუენსერები ყოველთვის მზად არიან შთაგვაგონონ თმის ფერის უახლესი ტენდენციებით.

როგორც მოდის ინდუსტრიაში, სილამაზეშიც ვხვდებით როგორც კლასიკურ მიმართულებას ასევე დროებით ტენდენციებს, თუმცა ფერთა გრადაციებს ნამდვილად  შეუძლია ტენდენცია კლასიკად აქციონ, ან პირიქით. ალუბლისფერი, შავი და ბუნებრივი ქერა - ის ფერებია, რომელიც მოდიდან არასდროს გადავა, მთავარია სწორად შეუსაბამოთ ფერი სამოსა და  სტილს. შედეგით კი მუდამ კმაყოფილი დარჩებით.







შემოდგომის სეზონის მაკიაჟის მთავარი  ტენდენცია!
ჩვენთვის უკვე ცნობილია შემოდგომის მაკიაჟის ტენდენციაბი. რაოდენ გასაკვირიც არ უნდა იყოს, შემოდგომის სეზონის გატარებას ბიუთი კრიტიკოსები ნაკლები და ბუნებრივი მაკიაჟით გვირჩევენ, იმის მიუხედავად თუ სად წასასვლელად ვემზადებით. ჰაეროვანი თვალი, ბუნებრივი, ტუჩისფერი პომადა და არანაირი კონტურების გამოყოფა. მაშ ასე ჯობია დავუჯეროთ კრიტიკოსებს და ბუნებრივი სილამაზითა და ნატურალურობით დავტკბეთ და მოვხიბლოთ ადამიანები, ვიდრე ტონობით "დახატული" სახით. 

აქვე გთავაზობთ ტოპ 5 მაკიაჟის ფორმას შემოდგომისთვის: