Beauty-გიდი

დიეტოლოგის რჩევები - როგორ ვისაუზმოთ ჯანსაღად?

კარგად გამოძინება, ერთი ჭიქა ყავა... და აი ამ მომენტიდან მოდით, უფრო დაწვრილებით ვისაუბროთ ყავაზე. ის შეიძლება გემრიელი საუზმის მისაყოლებლად გამოგადგეთ, მაგრამ არავთარ შემთხვევაში არ უნდა გახდეს თავად საუზმე. აუცილებელია დილით სწორად კვება იცოდეთ!

როგორ უნდა ვირბინოთ სწორად?

რა არის სირბილი? სირბილი არის კონტროლირებული ვარდნა, ამიტომ, უმჯობესი იქნება, თუ სარბენად გრუნტიან საფარს, ბალახს ან სხვა რბილ ზედაპირს შეარჩევთ, რადგან სახსრები და მალათაშუა დისკები განიცდიან დარტყმას (სარბენი ბილიკს აქვს ამორტიზაცია, რაც არეგულირებს ვარდნას).

ნოტებად გაჟღერებული ბარსელონის კულტურა
პარფიუმი - ეს შესაძლებლობაა, ხაზი გაუსვა საკუთარ ეგოს, შექმნა ისტორია ინდივიდუალიზმზე. სუნამო დ ხელოვნება ერთგვარი ”შლეიფია”, რომელიც წარუშლელია მეხსიერებიდან. როდესაც ყველაზე მაღალხარისხიან სუნამოებზე გვიწევს საუბარი, შეუძლებელია, კრეატივზე ორიენტირებული ნიშპარფიუმი არ გაგვახსენდეს. მას აქვს ის თვისებები, რომელიც არ აქვს სელექციურ სუნამოს.

”ნიში” აერთიანებს უძვირფასესი ინგრედიენტებისგან შექმნილ არომატებს, რომელიც სრულიად ახალ კონცეფციას ქმნის. პარფიუმი, როგორც ლაქშერული აქსესუარი - სწორედ ეს არის ნიშპარფიუმერიის სამყაროში მოგზაურობის პირველი შთაბეჭდილება.

დამეთანხმებით, ესპანელებს სილამაზის განსაკუთრებული აღქმა და სტანდარტები აქვთ. ჩემი დღევანდელი ბლოგის საპატიო სტუმარი თანამედროვე ნიშბრენდის CARNER BARCELONA-ს წარმომადგენელი, ჟოაკიმ კარნერია, რომელიც პარფიუმერიულ ნოტებად გაჟღერებულ ესპანურ კულტურაზე გვესაუბრება. ბრენდის სუნამოები ექსკლუზიურად ” L'AROMA BOUTIQUE-შია წარმოდგენილი.

- პარფიუმის ბრენდი, რომელსაც მოაქვს ბარსელონის თანამედროვე სული თქვენამდე... ეს ბრენდის დევიზია... რით არის უნიკალური CARNER BARCELONA?

-CARNER BARCELONA უამრავი ადამიანისთვის ცხოვრების სტილია და ამით ძალიან ამაყი და ბედნიერი ვარ. პირველ რიგში, გეტყვით, რომ 2010 წლიდან ვარსებობთ და ჩვენი პარფიუმის სურნელს ხალხი იცნობს. ვფიქრობ, დღეს ძალიან რთულია, იყო მარტივად იდენტიფიცირებადი, როდესაც დიდი კონკურენციაა პარფიუმერიულ ბაზარზე. რაც შეეხება ჩვენს ბრენდს, CARNER BARCELONA არის ბრენდი, რომელსაც ნამდვილად მოაქვს ბარსელონის თანამედროვე სული თქვენამდე. ექსტრაქტებში გადმოცემული ხმელთაშუა ზღვის ისტორია და კულტურა ჩვენი უნიკალური "ნიშაა". ფლაკონით დაწყებული და ექსტრაქტებით დამთავრებული, ყველაფერი ბარსელონაშია დამზადებული. ჩვენთვის ძალიან მნიშვნელოვანია ურთიერთობა მიმწოდებლებთან. საკუთარი ხელწერაც გამოგვარჩევს, როგორც ხასიათით, ასევე არომატებითაც.
მხოლოდ საუკეთესოს შექმნაზე ვართ ორიენტირებული, პრიორიტეტია, გადმოვცეთ მაქსიმალურად მეტი ემოცია, რომლის დავიწყებაც შეუძლებელი იქნება.

- როგორია სუნამო, რომელსაც სასიამოვნო სურნელთან ერთად აქვს იმის შესაძლებლობა, რომ გააღვიძოს მოგონებები და გადმოსცეს ემოცია?

- თავისუფლად შემიძლია დაგისახელოთ ჩვენივე ბრენდის სუნამო EL BORN. მოგეხსენებათ, EL BORN ბარსელონასთან ახლოს მდებარეობს. პირველივე ვიზიტის დროს ზღაპარში აღმოჩნდებით: ბოჰემურობისა და თანამედროვეობის შერწყმა, ირგვლივ შუასაუკუნოვანი ქვები, ძველი ბარები, მოსაუბრე ახალგაზრდები შადრევანთან, ლამაზად მორთული აივნები... ეს ყველაფერი კონცეპტუალურად ძალიან სწორად და ფაქიზად დავუკავშირეთ სურნელს, რომელიც EL BORN-ის ჯადოსნურ შეგრძნებებზე მოგვითხრობს.

- რთულია პოზიციონირებდე ნიშპარფიუმერიის ბიზნესში, გვიამბეთ თქვენი საოჯახო ბიზნესის შესახებ...

- მამა და პაპა დიდხანს მუშაობდნენ ტყავის ინდუსტრიაში. მე და ჩემს დას კი ყოველთვის გვაინტერესებდა არომატები, თუმცა პარფიუმერი არც ერთი არ ვართ. ჩვენ ვმუშაობთ პარფიუმერებთან და სწორედ ეს გვანიჭებს სიამოვნებას. ბიზნესი 2010 წელს დავიწყეთ, თავიდან 2 სუნამო გვქონდა, ახლა კი 4 კოლექციის 17 პარფიუმს წარმოადგენს ჩვენი ბრენდი. მახარებს პროგრესი, თუ როგორ გავიზარდეთ ეტაპობრივად, განვვითარდით და ჩამოვყალიბდით. უმაღლესი ხარისხით გვსურს გადმოვცეთ ბარსელონის სული თითოეული სურნელით, ეს კი აუცილებლად ნიშური უნდა ყოფილიყო.

- რა კრიტერიუმებს უნდა აკმაყოფილებდეს სრულყოფილად შექმნილი სუნამო?

- ჩემთვის ყველაზე მნიშვნელოვანი კრიტერიუმი პარფიუმის პროფესიონალური შეფასებისთვის მისი მდგრადობის საკითხია. თუ სუნამო არ არის მდგრადი კანზე და სწრაფად ორთქლდება, ეს მის დაბალ ხარისხზე მეტყველებს. მქონია შემთხვევა, მომწონებია სელექციური წარმოების პარფიუმის არომატი, თუმცა ამ კრიტერიუმის უქონლობის გამო არ შემიფასებია დადებითად. არომატის შემდეგ ნიშპარფიუმის უნიკალურობის განმსაზღვრელი მისი მდგრადობაა. მომხმარებელს აუცილებლად უნდა ჰქონეს საშუალება, რომ დააფიქსიროს სურნელის ჟღერადობის თითოეული ეტაპი, ზედა, საშუალო და საბაზისო ნოტების მეშვეობით. მაღალი ხარისხის სუნამოს საინტერესო წიგნს შევადარებდი, რომელიც სასიამოვნოდ იკითხება.

- თქვენივე ბრენდის საყვარელი სუნამო...

- თითოეული სუნამო უძვირფასესია ჩემთვის. მიჭირს დასახელება. ალბათ ერთადერთი და განუმეორებელი ჩემთვის CARNER BARCELONA-ს ჩუირს-ია. ჩუირს ესპანურად ტყავს ნიშნავს. ამ სუნამოში დამოუკიდებელი, ძლიერი და დომინანტური ხასიათი მომწონს. მშრალი ქარვის კომბინაცია, ტყავისა და ხისებრი ნოტები მას განსაკუთრებულს ხდის, ასევე თამბაქოს ექსტრაქტი, რომელიც ძალიან მიყვარს პარფიუმერიაში. ეს სუნამო 2011 წელს გამოვიდა და იუნისექსია.

- თქვენი საყვარელი ინგრედიენტები ნიშპარფიუმერიაში.

- ბოლო დროს ტენდენციური გახდა ძლიერი ნოტები. ვფიქრობ, მერქნოვანი ნოტები ყველაზე ახლოსაა ჩემს ხასიათთან, თუ ერთ ინგრედიენტზე შევთანხმდებით, ალბათ ეს ხის ნოტია. თუმცა მიყვარს ყველაფრის მიქსი, ეს პიკანტურობას აძლევს სურნელს, ძალიან მომწონს ფაჩულიც.

- რომელია ყველაზე მიმზიდველი ინგრედიენტი, რომელიც პარფიუმს ტენდენციურთან ერთად მარადიულად აქცევს?
- მიჭირს ერთადერთის დასახელება, ალბათ სანდალოზის ხე. უპირატესობას იუნისექს ნოტებს ვანიჭებ.


- არსებობს რაიმე საიდუმლო განუმეორებელი პარფიუმის შესაქმნელად?
-  კონკრეტულად არ ვიცი, რა საიდუმლო შეიძლება იყოს ეს, მაგრამ იმას დანამდვილებით გეტყვით, რომ როდესაც მომხმარებელი სუნამოს ყიდულობს, ყიდულობს ისტორიასაც. ძალიან მნიშვნელოვანია, ატარებდე სასურველ სურნელს, რომელიც ისტორიას ჰყვება. შინაარსი დამახასიათებელი სპეციფიკაა, აზრობრივად დატვირთული პარფიუმი კი განუყრელი აქსესუარია. ამაზე დაყრდნობით გეტყვით, მაღალხარისხიანი ინგრედიენტების, დიზაინისა და არომატის შემდეგ უმნიშვნელოვანესია შინაარსი, რამაც დიდი გავლენა შეიძლება მოახდინოს მომხმარებელზე.

- პირველად სტუმრობთ საქართველოს, მოგვიყევით შთაბეჭდილებებზე...
- არ დაგიმალავთ და გაოცებული ვარ ქართული კულტურით. თბილისი სასიამოვნო ადამიანებით სავსე ულამაზესი ქალაქია. თქვენ ქმნით რიტმს. არ შემიძლია არ აღვნიშნო ქართული სამზარეულო, რომელმაც აღტაცებული დამტოვა. ეს არ იქნება ჩემი უკანასკნელი ვიზიტი, მომავალშიც აუცილებლად გეწვევით.


დათა ალექსეევი
3 მარტივი და საუკეთესო ვარჯიში ცელულიტის მოსაშორებლად

იმისათვის, რომ იდეალური თეძოები და ლამაზი ბარძაყები დაიყენოთ, თქვენ "ფოამ როლერი" და დღეში 10 წთ დაგჭირდებათ. 

5 ვარცხნილობა, რომელიც ასაკს მატებს

ეს ეხება მაკიაჟს, ჩაცმის სტილსა და ვარცხნილობას:

არასწორად შერჩეულმა სტილმა შესაძლოა, დაგაბეროთ. გთავაზობთ ვარცხნილობებს, რომელთაც უნდა მოერიდოთ, თუ არ გსურთ, რომ მათ ასაკი საგრძნობლად შეგმატონ.


როდესაც თმა შეკრულია, მკვეთრად ჩანს ნაოჭები, რაც, რა თქმა უნდა, ასაკს გმატებთ. ჩამოიყარეთ სახეზე თმის რამდენიმე ღერი.



თუკი ოქროს შუალედს არ დავიცავთ, სკოლის მოსწავლეს დავემსგავსებით. ნუ გაიკეთებთ კუდს ძალიან მაღლა, ან პირიქით - ძალიან დაბლა.


დიდი მოცულობის თმა ძველმოდურად გამოიყურება. მოცულობა კარგია, მაგრამ ასეთიც არა. თმის ასაწევად გამოიყენეთ მსხვილი სავარცხელი და ფენი.


ეს ვარცხნილობა სახეს აფართოებს და ასაკს მატებს. უმჯობესია, მოცულობა თავის ზედა ნაწილში, თხემთან შემატოთ თმას. გაიშრეთ თმა დიდი სავარცხლით, ასწიეთ ძირიდან, მაგრამ ნუ შეეხებით თმის ბოლოებს, რათა შიგნით არ ჩაიხვიოს.

როგორ მოვუაროთ სახის კანს, როდესაც დრო ცოტა გვაქვს

იდეალურ სამყაროში ჩვენ ყველას გვაქვს თავისუფალი დრო, რომელსაც საკუთარ თავს ვუთმობთ. რეალურ ცხოვრებაში კი ისიც მიღწევაა, მაკიაჟის მოცილება თუ მოვასწარით, სანამ ბალიშზე „დავეცემით“ სახით. მაშინ, როდესაც ჩვენ კარიერულ კიბეზე სულ ზევით და ზევით ავდივართ, კანის მოვლისთვის ნაკლები დრო გვრჩება. ამიტომ, გადავწყვიტეთ შემოგთავაზოთ რამდენიმე ვარიანტი, რომლებიც ძალიან გამოგადგებათ დროის უქონლობისას. 
ფორების გაწმენდა

14 ფაქტი, რომელიც არ იცით ნიშ სუნამოს შესახებ
გინდა უბრალოდ კარგ სურნელს აფრქვევდე? თუ გინდა რომ ატარებდე არაჩვეულებრივ სურნელს და დაამახსოვრო თავი ყველას შენი უნიკალური არომატით? ბრენდ სუნამოს ფართო არჩევანი აქვს, ერთადერთი პრობლემა მისი არაექსკლუზიურობაა. თუ გინდა რამე პერსონალური და უნიკალური, მაშინ ნიშ სუნამო შესაფერისი არჩევანია.

1. ნიშ სუნამოები ოდითგანვე იყო ცნობილი. მას იყენებდნენ სამეფო ოჯახის წევრები და არისტოკრატები. მისი ერთგული მომხმარებლები იყვნენ დედოფალი ვიქტორია და დედოფალი ელიზაბეტ I.

2. ნიშ პარფიუმერიის ხაზები ძალიან განსხვავდება ერთმანეთისგან იმდენად, რომ მათი განსაზღვრა კატეგორიებად ან ჯგუფებად ყნოსვადობის მიხედვით რთულია.

3. ნიშ სახლი იცავს რამდენიმე პრინციპს თავისი იმიჯის დასაცავად, რაც მას მასიური წარმოების პარფიუმერიისგან გამოარჩევს.

4. უპირველესი პრინციპი არის პერსონალური პარფიუმერის ყოლა.

5. მეორე პრინციპი არის მათი პროდუქტის დისტრიბუციის არჩევითი მიდგომა.

6. მესამე და ბოლო პრინციპი არის, რომ ნიშ სახლები არ სცნობენ რეკლამას, როგორც მთავარ მამოძრავებელ ძალას ბაზარზე დასამკვიდრებლად. მათთვის კარგი რეპუტაცია ბევრად მნიშვნელოვანია.

7. ზოგიერთი ნიშ სუნამო ერთ ნოტზეა დაფუძნებული, ყველაზე ხშირად ვარდის ან ვანილის სურნელებზე.

8. ნიშ სახლების სუნამოები იშვიათად შეგხვდებათ მაღაზიებსა და ქსელურ სავაჭრო ცენტრებში დიზაინერების პარფიუმერიის გვერდით. თუმცა, ნიშ პარფიუმერიას დიდი ადგილი უჭირავს ისეთ უნივერმაღებში როგორიცაა: Bergdorf Goodman New York-ში, Printemps Paris-ში and Harrods London-ში

9. არის რამდენიმე ფაქტორი, რაც სუნამოს ნიშად გადააქცევს და არომატს განსხვავებულად უცხოს და ჰარმონიულს წარმოაჩენს, ეს სიტყვებია იშვიათი, არასაყოველთაო და სპეციალიზებული.

10. გსმენიათ რამე Secretion Magnifiques-ზე? 2006 წელს გამოშვებულ ნიშ სუნამოს ჰქონდა სისხლის, ოფლის, სპერმისა და ნერწყვის არომატები, ეს უნიკალური ფორმულები ემოციური შეგრძნებების გამოსაწვევად შექმნეს.

11. აგარი(agarwood) ყველაზე ძველი და უძვირესი ინგრედიენტია, რომელსაც ფართოდ იყენებენ ნიშ პარფიუმში.

12. Boudoir by Vivienne Westwood ყველაზე საკამათო და პროვოკაციული ნიშ სუნამოა, რადგან მასში შემავალი ინგრედინეტები ჰგავს ქალის ინტიმური ნაწილების სურნელს.

13. პრინცესა დაიანას რჩეული სუნამო ქორწილის დღეს იყო Quelques Fleurs, არაჩვეულებრივი კომპოზიცია ტუბეროზას, ვარდისა და ჟასმინის.

14. The Royal Arms Diamond Edition-ის არომატი გამდიდრებულია ვარდის, ჟასმინისა და ტკბილი იების ნოტებით, რომელიც შეიქმნა დედოფალ ელიზაბეტ II-ის იუბილესთვის. ეს არის განახლებული ვერსია სუნამოსი, რომელიც შეიქმნა 1926 წელს მისი დაბადების აღსანიშნავად. ამ ნიშ პარფიუმისთვის შეიქმნა 6 ვინტაჟური კრისტალის და ბრილიანტის ფლაკონი და წარმოუდგენელ სამეფო ფასად, 15,000 ფუნტად იქნა შეთავაზებული.

ატალია ბერიანიძის ბლოგი

ასევე დაგაინტერესებთ:

სურნელოვანი სნობიზმი
საუკეთესო საქორწინო კაბები ზოდიაქოს ნიშნის მიხედვით

ვარსკვლავები გიკარნახებენ, თუ როგორ აარჩიოთ ცხოვრების ყველაზე მნიშვნელოვანი სამოსი.

სურნელოვანი სნობიზმი
“Niche” იშვიათი ტიპის სუნამოს ნიშნავს. ნიშ პარფიუმერიისთვის დამახასიათებელია საინტერესო და სპეციალური სურნელი, რომლის ანალოგის მოძებნა რთულია: ტექსტილით შთაგონებული არომატები, წიგნისა და ბიბლიოთეკის სურნელის მატარებელი არომატები, ბუნებრივი ქვების ენერგიის მატარებელი არომატები, საყვარელი ალკოჰოლიური სასმლის არომატი და სხვა იშვიათი ფორმულები, რომლებიც განსაკუთრებულად გაგრძნობინებენ თავს. სწორედ ამიტომ სიძვირის მიუხედავად, სუნამოს მოყვარულებისთვის თითოეული წვეთი ღირებულია. ნიშ სუნამოები საინტერესო ისტორიებითაა ინსპირირებული და აღვიძებს მოგონებებსა და გრძნობებს და გვაზიარებს პარფიუმერების ჯადოქრობას.

ნიშ სუნამოს მოკლე მიმოხილვა

ნიშ სუნამო ლიმიტირებული გამოშვებაა, დიზაინერის სუნამო კი მასობრივი. ეს ნიშნავს, რომ ნიშ სუნამოს მფლობელი უფლებამოსილია ატაროს ექსკლუზიური და ორიგინალური სურნელი, რომელიც მთლიანად უნიკალურია, იმისგან განსხვავებით, რაც მასობრივად ხელმისაწვდომია.
ნიშ პარფიუმერები მკაცრად იცავენ წესს, რომ მხოლოდ მაღალი ხარისხის ექსტრაქტები გამოიყენონ რათა შექმნან იშვიათი სენსაცია, რომელიც ყოველ ჯერზე ფლაკონის გახსნისას განსხვავებულ გამოცდილებას მოუტანს მის მფლობელს.

დიზაინერის სუნამოს მოკლე მიმოხილვა


ეს სუნამოები მასობრივი წარმოებისაა და ძირითადად ცნობილი დიზაინერის სახლები წარმოადგენენ. მისი შეძენა შესაძლებელია ონლაინ, დიზაინერების ბუტიკებში, სავაჭრო ცენტრებსა და პარფიუმერულ მაღაზიათა ქსელებში. თუმცა ეს სუნამოები ნაკლებად ექსკლუზიურია, მისი მთავარი დადებითი მხარე მისი ხელმისაწვდომობა და ფართო არჩევანია.

ჩავანაცვლოთ დიზაინერის სუნამო ნიშით თუ არა ? რა უნდა გავითვალისწინოთ?

პასუხი თქვენს პერსონალურ არჩევანსა და სტანდარტზეა დამოკიდებული. ეს არის კონფლიქტი და არჩევანი ჩვეულებრივსა და არაჩვეულებრივს შორის. შენი არჩევანი შენს ისტორიას ჰყვება, აქედან გამომდინარე, შენ უკეთ იცი რა შეგეფერება.
სანამ კითხვას უპასუხებთ, გაითვალისწინეთ რამდენიმე გარემოება.

ხელმისაწვდომობა

ბრენდ სუნამოს ნებისმიერ სავაჭრო ცენტრსა თუ ქსელურ პარფიუმერულ მაღაზიაში შეიძენ, ნიშ სუნამოს კი მხოლოდ სპეციალურ ბუტიკსა და ონლაინ საიტზე.

ღირებულება

ბრენდ სუნამო ნიშთან შედარებით ბევრად იაფია, მაგრამ ნიში არც ისე ძვირი გამოდის თუ გავითვალისწინებთ მის ხარისხსა და გამყოლ სურნელს.

სუნი

არჩევანის გაკეთებამდე უნდა დაფიქრდე რისთვის ყიდულობ სუნამოს. გინდა უბრალოდ კარგ სურნელს აფრქვევდე? თუ გინდა რომ ატარებდე არაჩვეულებრივ სურნელს და დაამახსოვრო თავი ყველას შენი უნიკალური არომატით? ბრენდ სუნამოს ფართო არჩევანი აქვს, ერთადერთი პრობლემა მისი არაექსკლუზიურობაა. 

იმედი მაქვს ეს სტატია გაგიადვილებთ გადაწყვეტილების მიღებას. არაფერია ცუდი დიზაინერებისა და სელებრითების სუნამოებში, მაგრამ უფრო ამაღელვებელია, გქონდეს უნიკალური, მდიდრული და პერსონალური სურნელი, რომელიც თავის სათქმელს ამბობს შენი ცხოვრების სტილსა და გემოვნებაზე.

ატალია ბერიანიძის ბლოგი

ასევე დაგაინტერესებთ:

PANTHEON ROMA - სურნელოვანი ისტორია


7 შეცდომა, რომლებსაც ქალები კანის მოვლის დროს უშვებენ
კანის ახალგაზრდობის შესანარჩუნებლად ქალები ბევრი რამისთვის არიან მზად. ამისათვის იყენებენ უამრავ საშუალებას - კრემები, ნიღბები, გელი, სკრაბები და ა.შ. მაგრამ ქალები ხშირად უშვებენ შეცდომებს, რასაც მთელი მათი მცდელობა უარყოფით შედეგამდე მიჰყავს.
ძალიან მნიშვნელოვანია დროულად შეცვალოთ სახის საბანი ღრუბელი. მათზე სწრაფად გროვდება მტვერი, ბაქტერიები და სოკო, რაც ყველაზე სუფთა კანზეც კი გამონაყარს იწვევს.

ქალების მიერ დაშვებული კიდევ ერთი შეცდომა - ვარჯიშის დროს შხაპის არ მიღებაა. ინტენსიური ვარჯიშის შემდეგ ოფლის ჩამობანა აუცილებელია. წინააღმდეგ შემთხვევაში კანზე მიმდინარეობს ანთებითი პროცესები.

ძალიან გავრცელებული მითი, რომ ცხიმიანი კანი დატენიანებას არ საჭიროებს. ეს შეცდომაა! პირიქით, ცხიმიანი კანი ხშირად გამოშრება სხვადასხვა სპირტის შემცველი საშუალებების გამოყენების შედეგად. ამიტომ ამ ტიპის კანისთვის რეკომენდებულია დამატენიანებები გელი.
კიდევ ერთი შემთხვევა შხაპზე მათთვის, ვინც დილაობით ბანაობს, საღამოს კი ამაზე უარს ამბობს. სამუშაო დღის განმავლობაში, კანზე გროვდება დიდი რაოდენობით მკვდარი უჯრედები, მტვერი და ბაქტერიები, ასევე ოფლი. ამიტომ დერმატოლოგების რეკომენდაციით შხაპი აუცილებელია ძილის წინ.

დამუშავება სჭირდება მაკიაჟის ფუნჯსაც, რადგან ბაქტერიები მათზეც გროვდება. მათთვის არსებობს სპეციალური ანტიბაქტერიული საშუალებები ან შამპუნები.
კიდევ ორი ასპექტი, რაც ქალებს ხშირად ავიწყდებათ - მზე კანს ზიანს აყენებს, ულტრაიისფერი სხივები მას აბერებს. ასევე არ დაგავიწყდეთ ძილის წინ მაკიაჟის მოშორება. მაკიაჟი კანს სუნთქვის საშუალებას არ აძლევს, ამიტომ დილით არ გექნებათ დასვენებული სახე, გაგიჩნდებათ ნაადრევი ნაოჭები და ტომრები თვალებქვეშ.

ანა ვერძაძე
იტალიელი ქალების 6 კანონი იდეალური ფიგურის შესანარჩუნებლად

სტატისტიკის მიხედვით, იტალიელი მოსახლეობის მხოლოდ 9%-ს აწუხებს წონის პრობლემა. ალბათ გიჩნდებათ შეკითხვა: რაშია მათი საიდუმლო, იტალიური სამზარეულო ხომ ძალიან კალორიულია?! გთავაზობთ .

PANTHEON ROMA - სურნელოვანი ისტორია
PANTHEON ROMA- იტალიური რენესანსით შთაგონებული რომში დაფუძნებული ბრენდია.

პარფიუმი როგორც ისტორია - ბრენდის თითოეული სუნამო ნოსტალგიურ შეგრძნებებს აღძრავს, გვიყვება რაფაელ სანციოს ისტორიას, რომელმაც რომლის პაპის დავალებით ვატიკანის სასახლის მოხატვა დაიწყო. ამ პერიოდში იგი დანიშნული იყო დედოფალ მედიჩის დისშვილ მარიაზე, თუმცა უზომოდ შეუყვარდა უბრალო მცხობელი ქალიშვილი, აკრძალული სიყვარული სხვადასხვა ფენის წარმომადგენელს შორის ტრაგიკულად დასრულდა.


საუკუნოვანი სასიყვარულო ისტორიით დამზადებული პარფიუმი რენესანსის პერიოდის მისტიციზმსა და თავისუფლებას გამოხატავს.

სუნამოს პრეზენტაცია ნიშურ პარფიუმერიის ბუტიკების ქსელ L’AROMA BOUTIQUE-ში შედგა. ბრენდის წარმომადგენელმა დეტალურად უამბო დამსწრე საზოგადოებას Phanteon Roma-ს დაუვიწყარი არომატების შესახებ.

PANTHEON ROMA ქალისა და მამაკაცის 7 განსხვავებულ სურნელს აერთიანებს, რომელიც ზღაპრული პარფიუმერული საიდუმლოებით მდიდარი რომანტიკოსის დღიურს გავს. პარფიუმის მომაჯადოვებელი ეფექტი კარს უღებს ათასწლიანი ტრადიციებითა და ძვირფასი ინგრედიენტებით აღსავსე სამყაროს.

სუნამო ისეთი ქალბატონებისა და მამაკაცებისთვის არის შექმნილი, ვისთვისაც სიყვარული პრიორიტეტია, შარმი კი ცხოვრების სტილი.

PANTHEON ROMA - ეს არის პარფიუმი, რომელსაც შეუძლია გააღვიძოს მოგონებები, გრძნობები და უკვდავ სიყვარულს გვაზიაროს.