Beauty-გიდი

2016 წლის ტოპ 10 ვარცხნილობა

თუკი ვარცხნილობის შეცვლა გსურთ და ჯერ ვერ ჩამოყალიბებულხართ საბოლოო ვარიანტზე, მიაქციეთ ყურადღება ამ წლის ყველაზე მოდურ ათეულს.

”ნახევრადკოსა”- როგორ გავიმეოროთ 2015/2016 შემოდგომა-ზამთრის სეზონის ყველაზე მოდური ვარცხნილობა

კენდალ ჯენერი, კიარა ფერანი, დიანა კრიუგერი, პოპი დელევინი, ეშლი ოლსენი - ყველაზე ცნობილი "ტრენდსეტერები" ნიუ -იორკიდან მილანამდე, ერთხმად ირჩევენ "ნახევრადკოსას".

ტოპ 7 მარტივი ვარცხნილობა. დაიბანე, გაიშრე და წადი!

თუ ვერ იტან, ერთი საათი სარკის წინ თმის დაყენებას, იცოდე, რომ არსებობს ვარცხნილობები, რომლებსაც არ სჭირდება სტილისტი და ბევრი წვალება.

"სილამაზის" მოკლე ისტორია
სილამაზის ძიება ყოველთვის დიდ რისკს უკავშირდებოდა. მაკიაჟის ტრადიცია უძველესი დროიდან არსებობდა. ძველი ეგვიპტელები მიხვდნენ, რომ თავის მოვლა და მაკიაჟი აუცილებელი იყო. ისინი სახის მოვლის საშუალებად, არც მეტი, არც ნაკლები, სირაქლემის კვერცხის, ნიანგის ექსკრემენტებისა და ღვიის ფოთლების ნიღაბს იკეთებდნენ. ბოლო 4000 წლის განმავლობაში დიდად არ შეცვლილა ჩინელი ქალების მაკიაჟიც. ისინი დაფქული ბრინჯისა და მარგალიტის ფერ-უმარილით უხვად იფარავდნენ სახეს და მცენარეების ექსტრაქტისგან დამზადებულ ტუჩსაცხს ისვამდნენ.



სხვადასხვა სტილური მიმდინარეობა მაკიაჟმა უკვე გასული საუკუნის დასაწყისში შეიძინა. 1930 წელს „ლაშ რულმა“ მომწამვლელი ნივთიერებები წამწამების საღებავში გამოიყენა, რომელიც დიდხანს ძლებდა და ფერს ინარჩუნებდა. იმდროინდელი ქალები აქტიურად იყენებდნენ ამ კოსმეტიკას, რის შედეგადაც სიბრმავის 16 და სიკვდილის რამდენიმე შემთხვევაც დაფიქსირდა. მხოლოდ ამის შემდეგ აკრძალეს ამ ნაწარმის გაყიდვა. ალბათ, ყველასთვის არ არის ცნობილი, რომ პირველი დეპილატორი კრემი „კარემლუ“ ვირთხების საწამლავის გარკვეულ რაოდენობას შეიცავდა. ეს ფაქტები უფრო ამყარებს ყველასთვის ცნობილ მოსაზრებას, რომ „სილამაზე მსხვერპლს მოითხოვს!“ 1760 წელს ირლანდიელი დიდგვაროვანი მარია განინგი ბევრი პუდრის წასმის გამო სისხლის მოწამვლით გარდაიცვალა. პრესამ მას „კოსმეტიკის მსხვერპლი“ უწოდა.



თანამედროვე ადამიანი ხშირად იცვლის ვარცხნილობას, დღეს ეს უფრო მარტივი და ხელმისაწვდომია. ხანგრძლივი და ეფექტიანი სტილის შექმნა დიდ ძალისხმევას მოითხოვს. სტილსა და თავის მოვლაზე საუბრისას, პირველ რიგში, ალბათ გასული საუკუნის ვარსკვლავები, ერთი ეპოქის სრულიად განსხვავებული ქალები გაგვახსენდება – მერილინ მონრო, გრეის კელი, ოდრი ჰეპბერნი, რომლებმაც თავის მოვლისა და სტილის საკუთარი ნიშა შექმნეს.



როდესაც სრულყოფილ პროპორციებზე ვლაპარაკობთ, ყველას უჩნდება დიეტის, პლასტიკური ქირურგიის ან სპორტული დარბაზის ასოციაცია. ფიზიკური სრულყოფისკენ სწრაფვამ, XIX საუკუნის ბოლოს ტრენაჟორების გამოგონებას, უამრავი სამედიცინო პროცედურის დანერგვას დაუდო სათავე. დღესდღეობით თანამედროვე მედიცინა სხეულის ყველა ნაწილის სრულყოფილ კორექციას უზრუნველყოფს. მიუხედავად ამდენი შესაძლებლობისა, სასიხარულოა, რომ ფიზიკური ვარჯიში კვლავაც ტენდენციურია.




ივანე ქეშიკაშვილი