Beauty-გიდი

7 ჯანსაღი პროდუქტი, საუკეთესო ფიგურისთვის

პროდუქტები, რომლებიც ზედმეტ კალორიებთან გამკლავებასა და ცხიმის წვაში გეხმარებათ, ნამდვილად არსებობენ. გთავაზობთ, ყველაზე ეფექტურ დიეტურ მენიუს:

როგორ შეიცვალა კიმ კარდაშიანის მაკიაჟი 12 წლის განმავლობაში
კიმ კარდაშიანის ათი წლის წინანდელი ფოტოების დათვალიერება სიცილს მოგგვრით: ამ ფოტოებში იხილავთ, როგორ შეძლო ხელოვნური თმისა და ზედმეტად მკვეთრი მაკიაჟის მოყვარულმა გოგონამ, საკუთარი თავის იდეალური ვერსიის შექმნა. ცნობილი ადამიანებიდან მხოლოდ ცოტამ თუ შეძლო ამდენად დიდი გავლენა მოეხდინა beauty-ინდუსტრიაზე, როგორც ეს „უნიჭო გოგონამ“ მოახერხა: მისი წყალობით სიტყვები, როგორიცაა „კონტურინგი“, „სტრობინგი“, „ბეიკინგი“ ყველა სტუდენტი გოგონასთვის გახდა ცნობილი.



კიმმა ფერად მაკიაჟზე უარი თქვა, აქცენტს აღარ აკეთებდა თვალებსა და ტუჩებზე, თუმცა მკვეთრი „მეიქაფის“ ერთგული დარჩა. მის სახეზე აღარ იყო ერთდროულად წითელი პომადა და ლურჯი ჩრდილები, მაგრამ დრამატული „სმოქი“, შავი ლაინერი და მიმაგრებული წამწამები კიდევ დიდხანს დარჩა. კარდაშიანის სილამაზის ექსპერიმენტებს შორის შეიძლება გამოვარჩიოთ ერთი, რომელსაც კიმი ყველაზე ხშირად იმეორებს - ნამზეური კანი ბრინჯაოს ელფერით, აქცენტი თვალებზე ძალიან დიდი წამწამებით და ატმისფერი პომადა ტუჩებზე. საოცარია, რომ 12 წლის შემდეგაც მისი ჩრდილები თითქმის უცვლელი დარჩა, შეიცვალა მხოლოდ ტექსტურა - იკლო სარკისებრმა ბრჭყვიალმა.



მიუხედავად იმისა, რომ კიმს დღემდე ბევრი მაკიაჟისა და დიდი რაოდენობით ხელოვნური წამწამების გამოყენება უყვარს, მისი მაკიაჟი აშკარად ბევრად ბუნებრივად გამოიყურება, ვიდრე მისი კარიერის დასაწყისში.

ვარსკვლავის სილამაზის ევოლუციის ყველა ეტაპის დათვალიერება შეგიძლიათ ჩვენს გალერეაში

ანა ვერძაძე

2007



2009



2011



2013



2015



2017



2018



TOP 5 ფუნჯი, რომელიც აუცილებლად უნდა იყოს თქვენი კოსმეტიკის ჩანთაში

იმისათვის, რომ უნაკლოდ გამოიყურებოდე, არ არის აუცილებელი გქონდეს მაკიაჟის ინსტუმენტების მთელი არსენალი, როგორც პროფესიონალ ვიზაჟსტს. საკმარისია, კოსმეტიკის ჩანთაში გეგდოს 5 ფუნჯი, რათა გაიკეთო დახვეწილი მაკიაჟი.

7 ხრიკი, რომლებსაც საქმიანი ქალები ყოველ დილით იყენებენ
1. შეამოწმეთ განრიგი

შეამოწმეთ თქვენი მომდევნო დღის განრიგი და გააანალიზეთ რა საქმეები და შეხვედრები გელით ხვალისთვის. წინასწარ მოამზადეთ შესაფერისი სამოსი. ასე დილით მომზადებისთვის ნაკლებ დროს დახარჯავთ.


2. შეამოწმეთ ამინდი

დილა ამინდის შემოწმებით დაიწყეთ, ეს დაგეხმარებათ გარდერობიდან ზედმეტი სამოსის გამორიცხვაში.


3. მოამზადეთ საუზმე და ლანჩი მომდევნო დღისთვის

დილით ადგობა გაცილებით სასიამოვნო გახდება, თუ გეცოდინებათ, რომ საუზმე უკვე მზადაა. ამით დროის ეკონომიას გააკეთებთ და განწყობასაც აიმაღლებთ.

4. ყველა მნიშვნელოვანი beauty-პროცედურები გაიკეთეთ წინასწარ

დილით არ გექნებათ ნიღბის გაკეთების ან ღრმა წმენდის დრო, რომ კანი წინასწარ გაისუფთავეთ. წაისვით სახის კანზე სკრაბი, შემდეგ კი გაიკეთეთ პილინგი სახლის პირობებში. იდეალური დასასრული იქნება მცირე მასაჟი ზეთისა და მასაჟის კრემის გამოყენებით.


5. მოამზადეთ თქვენი კოსმეტიკური ჩანთა

ყველა საქმიანმა ქალმა იცის, რომ დღის განმავლობაში მაკიაჟი ილახება, ამიტომ თან აუცილებლად უნდა იქონიოთ კოსმეტიკური ჩანთა საჭირო საშუალებებით. განსაკუთრებული ყურადღება დაუთმეთ სუნამოს, რომელიც ნებისმიერ ჩანთაში ჩაეტევა.

6. გაამზადეთ აქსესუარები

დაე ყველა თქვენი საყურე, ყელსაბამი, შარფი, ჩანთები თუ სათვალეები მკაცრად იყოს დალაგებული ფერებისა და სეზონების მიხედვით.


7. წინასწარ მოამზადეთ ჩანთა

დილის გასვლები ხშირად მთავრდება სახლიდან ნაჩქარევი გასვლით, რასაც იქამდე მიჰყავხართ, რომ მნიშვნელოვანი დოკუმენტები ან საჭირო ნივთები გრჩებათ. ჩანთის წინასწარ მომზადება ჩვევად აქციეთ, დილით კი მასში უბრალოდ რამდენიმე ახალი ხილი და ლანჩის ყუთი მოათავსეთ.

ანა ვერძაძე
რომელი „ჩოლკა“ უნდა შეარჩიოთ: 17 ვარიანტი
რთულია შემოდგომაზე სტილისტთან მორიგ ვიზიტზე უარის თქმა. შემდეგ ვიზიტზე მომზადებული მიდით - შთაგონება კი ჩვენს ჩამონათვალში ეძებეთ. მასში ნახავთ სხვადასხვა „ჩოლკას“, რომლებიც ნებისმიერი ტიპის სახის ფორმასა და თმას მოუხდება.
მცდარი მოსაზრებაა, რომ „ჩოლკა“ ხვეულ თმას არ უხდება - მაგალითი აიღეთ მოდელ ალანი არიანგტონისგან, რომელიც კარეს ატარებს მოკლე „ჩოლკით“. მისი დავარცხნა მარტივია: ხვეული თმისთვის გამოიყენეთ დამატენიანებელი სპრეი, რათა თმა იყოს დალაგებული და მბზინვარე.
უნივერსალური ვარიანტია გრძელი „ჩოლკა“, როგორც დაკოტა ჯონსონს ან ვანესა მუდის აქვს. ითამაშეთ სიგრძესთან თქვენი სითამამის მიხედვით. ყვრიმალებთან ჩამოყრილი „ჩოლკა“ ხელსაყრელია ყოველდღიურობისთვის, ხოლო თუ მზად ხართ ექსპერიმენტებისთვის, მოითხოვეთ „ჩოლკა“, რომელიც სულ ცოტათი ფარავს წარბებს.
ვანესა მუდი

ჯესიკა ბილი

ჯენა დევონი

ალექსა ჩანგი

ემილი რატაკოვსკი

რიანა

ლილი ჯეიმსი

ალესანდრა ამბროსიო

დაკოტა ჯონსონი

სელენა გომესი

ემა რობერტსი

ქეით მიდლტონი

ჯენური ჯონსი

მილა კუნისი

ალანა არინგტონი

ჟანა დამასი



ანა ვერძაძე
რა გავლენას ახდენს D ვიტამინი ჯანმრთელობაზე და რატომ არის მნიშვნელოვანი მისი მიღება ზამთარში
ზაფხულში D ვიტამინის დონის შენარჩუნება რთული არ არის - ის თავისთავად გამომუშავდება, როცა მზის სხივების ქვეშ იმყოფებით. მაგრამ, როგორ მოიქცნენ ისინი, ვინც მთელ წელს ტროპიკულ მხარეში არ ატარებენ და რას აძლევს D ვიტამინი ორგანიზმს ძლიერი ძვლებისა და კარგი განწყობის გარდა?
მსოფლიოში ადამიანების ნახევარზე მეტი D ვიტამინის დეფიციტით იტანჯება. ეს ეხება ისეთ ქვეყნებსაც, სადაც მზის ნაკლებობის პრობლემა არ არის - მაგ: ავსტრალია და ბრაზილია.

D ვიტამინის ყველაზე მნიშვნელოვანი ფუნქცია ძვლოვანი ქსოვილების გაძლიერებაა. სწორედ ამიტომ, ზრდასრულ ადამიანებში მისი დეფიციტი საშიშია და ოსტეოპოროზის გამოწვევა შეუძლია. თუმცა, „მზის ვიტამინის“ სხვა მნიშნელოვნებაც არის, რის შესახებაც ცოტა ხნის წინ ალაპარაკდნენ. „თანამედროვე მედიცინა ამბობს, რომ D ვიტამინი მნიშვნელოვანია მეორე ტიპის დიაბეტთან ბრძოლაში, სისხლის მომატებული წნევის, იმუნური სისტემის დარღვევის, ზედა სასუნთქი გზების ინფექციის, დეპრესიისა და ფეხმძიმობის დროს“ - განმარტავს ნუტრიციოლოგი ჯეკი მაკკასკერი.


რა არის D ვიტამინი?

ორგანიზმში მოხვედრისას D ვიტამინი აქტიურ ჰორმონად გადაიქცევა. ჩვენს სხეულს D ვიტამინისგან მიღებული 90 % -ის გამომუშავება შეუძლია, რაც აუცილებელია ნორმალური ფუნქციონირებისთვის. და მზე, რა თქმა უნდა, მთავარი წყაროა, რაც ორგანიზმს საჭირო რაოდენობით მომარაგებით უზრუნველყოფს. მას ასევე შეიცავს საკვები პროდუქტები - თევზის ცხიმი, კვერცხის გული, სოკო, რძე, ყველი, ფორთოხლის წვენი და ა.შ.

რით არის სასარგებლო?

ვიტამინის მთავარი ფუნქცი კალციუმის გათავისება და ჯანსაღი ძვლების უზრუნველყოფაა. თუმცა, ენდოკრინოლოგ მაიკლ ჰოლიკის კვლევის თანახმად D ვიტამინს გაცილებით მეტი ფუნქცია აკისრია - აღმდგენი თვისებების წყალობით ის ორგანიზმში დაზიანებული უჯრედების მოქმედებას აუმჯობესებს. მისი დახმარებით შესაძლებელია სიმსივნის, გულის დაავადებებისა და ინსულტის რისკის შემცირება, ასევე ამაღლებს იმუნიტეტს.

როგორ მიიღოთ D ვიტამინი?

საუკეთესო წყარო, რა თქმა უნდა, მზეა. მაგრამ ეს იმას არ ნიშნავს, რომ მზის დარტყმა მიიღოთ. ვისაც ღია ფერის კანი აქვს საკმარისია მზის ქვეშ დღეში 10 წუთი გაატაროს ისე, რომ სხეულის 10% არ იყოს ტანსაცმლით დაფარული.
ეკვადორთან, რაც უფრო ახლოს იმყოფებით, მით უფრო ნაკლები დრო გჭირდებათ D ვიტამინის საკმარისი დოზის მისაღებად. აშშ-ს ეროვნული სამედიცინო აკადემიის რეკომენდაციით ვიტამინის დღიური დოზა 600 IU-ს შეადგენს. 100 გ ორაგული შეიცავს 450 IU D ვიტამინს, ჭიქა ძროხის რძე კი დაახლოებით 120 IU-ს.

ვინ იტანჯება D ვიტამინის ნაკლებობით?

მუქი კანის მქონე ადამინები ხშირად განიცდიან D ვიტამინის ნაკლებობას. რისკის ზონაში იმყოფება ჩრდილოეთის ქვეყნებში მცხოვრები ხალხი, სადაც მზის რადაცია უფრო სუსტია. მაგრამ ბოლო წლებში საკვებში D ვიტამინის დანამატის წყალობით ადამიანებში მისი დეფიციტი საგრძნობლად შემცირდა.
სტეროიდული ბიოქიმიისა და მოლეკულური ბიოლოგიის ჟურნალის კვლევამ ასევე გამოავლინა არასაკმარისი D ვიტამინი ჭარბწონიან ადამიანებში. ექიმი დოუსონ-ჰიუზი ამატებს, რომ დეფიციტის გამოწვევა ეკოლოგიურ ფაქტორებსაც შეუძლია: მომატებული ღრუბლიანობა, ოზონის შრე და ჰაერის დაბინძურება.

ანა ვერძაძე
რატომ უნდა დაიბანოთ გაზიანი წყლით - გავიწმინდოთ კანი ზედმეტისგან
კორეულ კოსმეტიკასა და თავის მოვლის საშუალებებში გაზიანი წყალი უკვე მრავალი წელია გამოიყენება. ის ნაზად წმენდს კანს და მსუბუქ პილინგსაც მოგაგონებთ. ამ მოქმედებაზე პასუხისმგებელია წყლის შემადგენლობაში შემავალი სოდა - ის ათავისუფლებს კანს აქერცვლისგან და აუმჯობესებს მის ფერს.

მაიამიში საკუთარი კლინიკის მფლობელი რობერტა დელ კამპო განმარტავს, თუ როგორ მოქმედებს ეს. „ონკანის წყალი pH 7 – 7,5 მაჩვენებელია და იწვევს კანის სიმშრალეს. ჩვენს კანს კი ეს მაჩვენებელი 5,5 აქვს, როგორც გაზიან წყალს. შესაბამისად დაბანის შემდეგ ის ნებისმიერი ტონიკის მსგავსად კანს აღდგენაში ეხმარება. სოდა მოაშორებს ზედმეტს, მინერალები კი კანს გააჯანსაღებს“.

თუ მგრძნობიარე კანი გაქვთ, უმჯობესია გაზიან წყალს შეურიოთ ჩვეულებრივი 1:1 პროპორციით. ჩაასხით ნარევი თასში და უკვე გაწმენდილი კანი ჩაუშვით 10 წამით. ან უბრალოდ გაიწმინდეთ სახე გაზიანი წყლით დასველებული ბამბის დისკებით - ეს სრულიად საკმარისი იქნება.

ანა ვერძაძე
როგორ შევძინოთ თხელ თმას მოცულობა?

თხელი თმებისთვის მოცულობის მინიჭება-მითი არაა, რეალობაა. ჩვენ გთავაზობთ რჩვებს, რომლებიც დაგახმარებათ სასურველი ვარცხნილობის გაკეთებაში.

სხეულის პრობლემური კანი: სწორად მოვლის 5 წესი
რას უკავშირდება სხეულზე აკნეს გაჩენა?

ანთებითი პროცესების ყველაზე ხშირად იწყება იქ, სადაც ცხიმოვანი ჯირკვლები უფრო მეტია, უფრო ფართოდ და აქტიურად მუშაობენ. ამ დროს მიზანში ხვდება სახე, ასევე ზურგი და მკერდის ზედა ნაწილი.
ძირითადი მიზეზი გახლავთ სწორედ ცხიმოვანი ჯირკვლების ზედმეტად აქტიური მუშაობა. მისი პროვოცირება შეუძლია ჰორმონალურ დარღვევებს, გენეტიკურ მიდრეკილებას, არასწორ დიეტას, სტრესს, ზოგიერთ წამალს. ასევე გარე ფაქტორებს - სინთეთიკური ქსოვილისგან დამზადებული მჭიდრო სამოსი, ულტრაიისფერი სხივების ზემოქმედება (რუჯი), კანის არასწორი მოვლა, ჭარბოფლიანობა.

როგორ მოუაროთ კანს, რათა აირიდოთ ანთებითი პროცესები?

მიიღეთ შხაპი დღეში ორჯერ, გამოიყენეთ რბილი საბანი საშუალებები. კვირაში ერთ-ორჯერ დაიხეხეთ სხეული ტანის სკრაბით - ეს აუცილებელია მკვდარი უჯრედების ჩამოსაშორებლად. არავითარ შემთხვევაში არ გამოიყენოთ სკრაბი ანთებითი პროცესის დროს - ამით სიტუაციაას უფრო გაართულებთ.
თმის დაბანის შემდეგ დაიბანეთ ტანი, რათა არ დარჩეს სხეულზე შამპუნის ან კონდინციონერის კვალი, რაც იწვევს აკნეს. უპირატესობა მიანიჭეთ ნატურალური ქსოვილისგან დამზადებულ თავისუფალი სტილის სამოსს.

რა არ უნდა გააკეთოთ?

ნუ გამოიყენებთ საშხაპე ჯაგრისებს ან ღრუბელს და ნუ გადააჭარბებთ სკრაბის მოხმარებას - ამას კანის ტრავმირება და ანთებითი პროცესების გამრავლება შეუძლია. დაუშვებელია დამოუკიდებლად „დასუფთავება“ და ანთებაზე ძალდატანება. პოპულარული მითების მიუხედავად ნუ წახვალთ სოლარიუმში ან პლაჯზე გასარუჯად - ამით ანთება არ შემცირდება. ულტრაიისფერი სხივები აკნეს გამომწვევი ერთ-ერთი მაპროვოცირებელია.

რომელი საშუალებების გამოყენებაა აუცილებელი?

სხეულის პრობლემური კანის მოსავლელად გამოდგება სახის კანის მოვლის საშუალებებიც. შხაპის დროს გამოიყენეთ გამწმენდი გელი პრობლემური ან გაცხიმოვნებისკენ მიდრეკილი კანისთვის.

რომელი პროცედურები დაგეხმარებათ?

ანთების მკურნალობას კომპლექსური მოვლა სჭირდება. დაიცავით ჰიგიენის წესები, გამოიყენეთ ადგილობრივი კოსმეტიკური საშუალებები, სწორად შეარჩიეთ სამოსი. აუცილებლად გადახედეთ თქვენს დიეტასა და ცხოვრების წესს. ნუ დაგავიწყდებათ: აკნეს გაჩენა ხშირად ჰორმონალურ დარღვევებთანაა დაკავშირებული - ნუ მიმართავთ თვითმკურნალობას და მიმართეთ, როგორც ექიმ-დერმატოლოგს, ისე გინეკოლოგს.

ანა ვერძაძე
5 ქალური ნიუანსი, რომელიც მამაკაცებს ძალიან იზიდავს
თუ მამაკაცის მზერაში იგრძნობ, რომ მან შენ გონებაში შეგაფასა, ნუ დაადანაშაულებ, დაადანაშაულე ბუნება. სწორედ მან დააპროგრამა ძლიერი სქესის წარმომადგენლები, რომ გარშემომყოფი ქალები განსაზღვრული შაბლონების მიხედვით „გადაარჩიოს“. - რა იზიდავს მას?

მეცნიერება ამტკიცებს, რომ ეს ბუნებრივი „პროგრამა“ ძლიერი სქესის წარმომადგენლებს აიძულებს „დატესტოს“ ქალები არაცნობიერად, შეუძლიათ თუ არა მათ ჯანმრთელი ბავშვის გაჩენა. მამაკაცებს იზიდავთ ის ნიუანსები, რომლებიც ქალის ჯანმრთელობას და დედობისთვის მზაობას გამოხატავს.

1. სწორი პროპორციები
ქალის ჯანმრთელობის იდეალურ პარამეტრებად ითვლება: წელი - 60-დან 73 სმ-მდე, თეძო - 88-დან 104 სმ-მდე.


2. მაღალი ხმა
მკვლევარები ამტკიცებენ, რომ მაღალი ტონის მქონე ხმა მამაკაცებს ახალგაზრდობის ასოციაციას უქმნის და ისინი წარმოიდგენენ ნაზ გოგოს, ქალური ფიგურით.


3. ჯანმრთელი თმა
მსხვილი, ფუმფულა და მბზინვარე თმა უბრალოდ ესთეტიკა არ არის. ეს ასევე ჯანმრთელობის დამამტკიცებელი ნიშანია.


4. ღიმილი
არაცნობიერის დონეზე ჩვენში ისევ ცოცხლობს პირველყოფილი წინაპრების სიბრძნე, რომელიც ამბობს, რომ ადამიანი კარგი კბილებით მამონტის ხორცს დაღეჭავს, რაც იმას ნიშნავს, რომ ის შიმშილით არ მოკვდება. გარდა ამისა, ოპტიმისტური განწყობა და სიხარულის გამოხატვის უნარი საპირისპირო სქესს ძალიან იზიდავს.


5. მინიმუმი მაკიაჟი
გამოკვლევების თანახმად, მამაკაცები უპირატესობას ანიჭებენ ქალებს, რომლებიც 40%-ით ნაკლებ მაკიაჟს იყენებენ.

                                                                                                                                                                    © ჰელმუტ ნიუტონის ფოტოარქივი
3 ვარსკვლავური დიეტა რომლებსაც დიეტოლოგები კრძალავენ
გახდომის ყველა საშუალება კარგი არ არის!

ბრიტანულმა დიეტურმა ასოციაცია რამდნიმე კვლევა ჩაატარა და გამოაქვეყნდა იმ დიეტების სია, რომლებზეც უარი უნდა ვთქვათ, რათა თავიდან ავიცილოთ ჯანმრთელობასთან დაკავშირებული სერიოზული პრობლემები. სიაში რამდენიმე
კვების ისეთი სისტემა მოხვდა, რომელსაც ხშირად მიმართავენ ვარსკვლავები.

მაგალითად, ვეგანური დიეტა, რომელიც რაციონში არ შეიცავს ცხოველური წარმოშობის ცხიმებს. ამ დიეტის პროპაგანტისტებს შორის არიან გვინეტ პელტროუ და მეგან ფოქსი. შავ სიაშია ასევე ვიქტორია ბექჰემისა და ჟიზელ ბიუნდჰენის ალკალური დიეტა, რომელიც ტუტოვანი საკვების დიდი რაოდენობით მიღებას მოიცავს. და ასევე ე.წ. კეტოდიეტა, დაბალნახშილწყოლვანი, მაღალცხიმიანი და ცილის ზომიერი შემცველი კვების სისტემა. სწორედ ამ დიეტას მიმართავდა კიმ კარდაშიანი მშობიარობის შემდეგ დაგროვილი კილოგრამების მოსაცილებლად.

დიეტოლოგები მიიჩნევენ, რომ ამ დიეტებით მოკლე ხანში იკლებ წონას, მისი შენარჩუნება კი ძალიან რთულია.
ჯანსაღი კვება და დიეტა. რა პროდუქტები უნდა ამოვიღოთ მენიუდან?

სტატიაში წაიკითხავთ მავნე პროდუქტების შესახებ და ასევე იმას, თუ რა უნდა ვჭამოთ, თუ გვსურს ჯანსაღი ცხოვრების წესის დაცვა, გახდომა და ა.შ. 
მავნე პროდუქტები, რომლებიც არ უნდა მივირთვათ, თუ გვსურს გახდომა.