Beauty-გიდი

15 იდეა თვალის მაკიაჟისთვის

წარმოგიდგენთ 15 არაჩვეულებრივ ნიმუშს, თუ როგორ უნდა გაიკეთოთ თვალის მაკიაჟი.

რით ჩავანაცვლოთ ტონალური კრემი?
ის გოგონებიც კი, რომლებიც მინიმალურად იყენებენ მაკიაჟს, კოსმეტიკის ჩანთაში ყოველთვის ინახავენ ტონალურ კრემს, თუმცა ხშირად ის კანის გაღიზიანებას იწვევს. კანი ვერ სუნთქავს და თითქოს ცხელა მის შიგნით, ცხელ მინდში კი კრემი დნება, კანი პრიალებს. - რა ვქნათ?

უარი თქვით ტონალურ კრემზე, ჩაანაცვლეთ იგი CC კრემით!

CC დამატენიანებელი კრემია, რომელიც კანის პიგმენტის ფერს შეიცავს და სახეზე მინიმალურ ხარვეზებსაც კი ფარავს, ისე რომ შეუმჩნეველია ტონალურის ეფექტი სახეზე.

CC კრემი საშუალებას გაძლევთ იყოთ დაცულები მზის სხივებისგან და ამავდროულად ულტრათანამედროვე ტექნოლოგიის დახმარებით გესვათ საუკეთესო ხარისხის ტონალური.

დაიმახსოვრეთ: კანი, რომელსაც არ სჭირდება ტონალური კრემი - სუფთაა!
12 რჩევა ჰოლივუდის კოსმეტოლოგისგან
გქონდეს იდეალური კანი ნებისმიერ ასაკში რთული არ არის, მიიჩნევს ექიმი ჰაროლდ ლანსერი.
ჰაროლდ ლანსერი - სახელი, რომელსაც ჰოლივუდში წარდგენა არ სჭირდება. ვარსკვლავური კოსმეტოლოგი, ექიმი-დერმატოლოგი და პერსონალური კონსულტანტი ვიქტორია ბექჰემის, ბიონსეს, კიმ კარდაშიანისა და სხვა ვარსკვლავების. სწორედ მისი წყალობით გამოიყურებიან ჯენიფერ ლოპესი და სკარლეტ იოჰანსონი წლებთან ერთად კიდევ უფრო უკეთ, ვიდრე ახალგაზრდობაში.

გთავაზობთ რამდენიმე რჩევას ვარსკვლავური დერმატოლოგისგან, თუ როგორ უნდა გამოიყურებოდეთ ახალგაზრდულად ნებისმიერ ასაკში.

ყოველდღიური პილინგი

ყოველ ლექციას ექიმი ლანსერი იწყებს სიტყვებით, რომ იდეალური კანისკენ სწრაფვა ყოველდღიური პილინგით იწყება. მისი თქმის ღრმა წმენდის პროცედურები ახალგაზრდა და მოვლილი სახის კანის გარანტია. მიუხედავად იმისა, რომ მეთოდს ბევრი ეწინააღმდეგება, კოსმეტოლოგის პაციენტები შედეგით კმაყოფილები არიან.


60 წამის წესი

დერმატოლოგი გირჩევთ, რომ დამატენიანებელი კრემი დაბანიდან 1 წუთში უნდა წაისვათ - ასე კრემსა და კანს შორის მეტი სინოტივე რჩება. წინააღმდეგ შემთხვევაში წყალი კანის ზედაპირზე აორთქლებას იწყებს და დატენიანება ნაკლებად ეფექტური იქნება.


სახის შამპუნი

სახის კანის გაღიზიანებისგან ქერტლის საწიინააღმდეგო შამპუნი დაგიცავთ, მის შემადგენლობაში ხომ ყოველთვის შედის თუთია. ეს მგრძნობიარე კანის მფლობელებსაც ეხება.


დაივიწყეთ ღრუბელი

ჰაროლდ ლანსერი გირჩევთ საბოლოოდ დაივიწყოთ ბამბის ღრუბლები: ისინი მეტს იწოვენ, ვიდრე გასცემენ. ის გირჩევთ სახის ტონიკით უბრალოდ დაიბანოთ, ტონალური კრემი კი საკუთარი ხელით გადაინაწილეთ.


ნუ უარყოფთ პრაიმერებს

მაკიაჟის ქვეშ ბაზას ნეიტრალური ქიმიური შემადგენლობა აქვს, ამიტომ ცხიმიან კანს ის ფორების დაბინძურებისა და აკნეს წარმოქმნისგან დაიცავს, ნორმალურ კანს კი გამოშრობისგან.


SPF-ფაქტორი

ვარსკვლავური დერმატოლოგი გირჩევთ არ გადააჭარბოთ ულტრაიისფერი სხივებისგან დამცავი საშუალებების გამოყენება. თუ დამატენიანებელი კრემი ულტრა იისფერი სხივებისგან დამცავ შემადგენლობას შეიცავს, ნუ გამოიყენებთ ტონალურს SPF-ით, ის კანისთვის გადატვირთვა იქნება. ყოველდღიური გამოყენებისთვის იდეალურია BB და CC კრემები, რომლებიც ერთდროულად ატენიანებენ და ათანაბრებენ კანის ზედაპირს.


Beauty-დეტოქსი

კვირაში ერთხელ აუცილებელია განტვირთვის დღეები მოიწყოთ და დღე უმაკიაჟოდ გაატაროთ - მხოლოდ დამატენიანებელი და მკვებავი კრემები.


ეპილაცია მშრალ კანზე და „ანესთეზიის“ გარეშე

ეპილაციამდე კოსმეტოლოგი კრძალავს ალკოჰოლს. მისი აზრით, ერთი უწყინარი ჭიქა ღვინოც კი პროცედურის ეფექტურობას შეამცირებს და გაზრდის ტკივილის შეგრძნებას. ლანსერი გირჩევთ მშრალ კანზე გაიპარსოთ, მხოლოდ წინასწარ კანი სკრაბით დაიმუშავეთ, ეპილაციის შემდეგ კი წაისვით ზეთი ან კრემი. ამ ეშმაკური ხერხით აირიდებთ კანის გაღიზიანებას და თმის სწრაფად ზრდას.


თმა შხაპის მიღებამდე დაისველეთ

ვიდრე აუზში ან ზღვის წყალში შეხვალთ უმჯობესია თმა სასმელი წყლით დაისველოთ: ასე მარილი ან ქლორი მას ვერ დააზიანებს.


წყლის ტემპერატურა

მნიშვნელოვანია დალიოთ და დაიბანოთ ოთახის ტემპერატურის წყლით, ასე კანი არ დაკარგავს ბევრ ტენს და გამოიყურება გლუვად.


კბილების წმენდა საუზმემდე

ჰაროლდ ლანსერი აღნიშნავს, რომ მათი კანი ბევრად უკეთ გამოიყურება, ვინც ამ წესს იცავს, ვიდრე მათი, ვინც მას უარყოფს. ყველაფერი მარტივია: პირველი საკვების მიღებამდე კბილების წმენდით, თქვენ არ შეჭამთ ძალიან დიდი რაოდენობის ბაქტერიებს, რომლებიც პირის ღრუში მთელი ღამის განმავლობაში გროვდება.


აკონტროლეთ მიმიკა

ექიმის თქმით ნაოჭებს პირველ რიგში უკონტროლო მიმიკები აჩენს, ეს უარყოფითად აისახება კანის მდგომარეობაზე.

ანა ვერძაძე
საუკეთესო მაკიაჟის რჩევები ახალი წლისთვის

საშობაო make up კოლექცია და ვიზაჟისტების საუკეთესო იდეები დაგეხმარებათ შეიქმნათ ბრწყინვალე საახალწლო იმიჯი.

პასტელური ფერები 2019 წლის მთავარი ტრენდია
2018 წლის დასასრულს უკვე იკვეთება ის ფერები, რომლებიც ახალ წელს დომინანტური იქნება. ვებსაიტი პინტერესტი აქვეყნებს ყველაზე აქტუალური ფერების სიას, რომელშიც პასტელური ტონები დომინირებენ. ეს მაჩვენებელი სულაც არ არის გასაკვირი, რადგან ბოლო რამდენიმე კვირის განმავლობაში ბევრი ვარსკვლავი წარსდგა პუბლიკის წინაშე ღია ტონის თმითა და სამოსით.

შემოდგომის დასაწყისში კაილი ჯენერმა თმა ღია ვარდისფრად შეიღება, რაც ბევრისთვის შთაგონების წყარო გახდა. მას შემდეგ, რაც ჯენერმა ინსტაგრამზე ახალი იმიჯის ფოტოები გამოაქვეყნა, ინტერნეტში პასტელური ვარდისფერის მოძებვნის რაოდენობა საგრძნობლად გაიზარდა. კაილისთან ერთად ღია ტონების თმის მქონე სელებრითების სიას წელს ქეითი ფერიც შეემატა, რომელმაც წელს იმიჯი რამდენჯერმე შეიცვალა.

ქეითი 2018 წელს ფერფლისფერი თმით ასრულებს. რაც შეეხება ზეინ მალიკს, რომელიც ცნობილი ბოი-ბენდის One Direction-ის წევრი იყო, ახლა კი სოლო კარიერას წარმატებულად აგრძელებს, გასულ ზაფხულს თმის რამდენიმე სტილით გამოჩნდა.

ვარსკვლავმა თავდაპირველად თმა ღია იასამნისფრად შეიღება, შემდეგ კი ცისფერიც მოიხდინა. გასულ კვირას ლეიდი გაგა ლას ვეგასში პლატინისფერი თმით გამოჩნდა, რომელსაც ღია იასამნისფერი ტონები ახლავს თან.

უნდა აღინიშნოს, რომ წინა კვირას ინტერნეტ სივრცე ამერიკის პირველმა ლედიმ, მელანია ტრამპმაც აალაპარაკა. ვირჯინიის სამხედრო ბაზის სტუმრობისას მელანია ახალი თმის ფერით გამოჩნდა, რაც საკმაოდ გასაკვირი იყო, რადგან ბოლო რამდენიმე წლის განმავლობაში პირველ ლედის კარამელის ტონებში ჰქონდა თმა, ახლა კი იგი ღია ფერებში წარმოგვიდგა. დონალდ ტრამპის მეუღლემ ახალი იმიჯი-ქერა თმა მოიხდინა. ეს ბევრისთვის შთაგონების წყაროც გახდება და სავარაუდოდ 2019 წელს ბევრი ქალბატონი გადაწყვეტს მუქი თმის ფერთან გამომშვიდობებას.

თუ ცნობილი სახეების ინსტაგრამ გვერდებს გადავხედავთ, აუცილებლად შევამჩნევთ პასტელური ფერის თმის დომინირებას. როგორც „ინფლუენსერები“ გვპირდებიან, ეს ტრენდი 2019 წელს კიდევ უფრო გაიზრდება, სწორედ ამიტომ, დღევანდელ სტატიაში შემოგთავაზებთ თმის რამდენიმე სტილს, რომლებიც შთაგაგონებენ ახალ წელს ტრენდულად შეხვდეთ.

ბაკა ალავიძე
ირინა შეიკი კოსმეტიკური ბრენდის Marc Jacobs Beauty-ს სახე გახდა
კოსმეტიკურმა ბრენდმა Marc Jacobs Beauty განაცხადა, რომ მათი ახალი სახე 32 წლის სუპერმოდელი ირინა შეიკი გახდა. სოციალურ ქსელში უკვე გავრცელდა მოდელის პირველი ფოტოები.

„მოუთმენლად გამცნობთ, რომ ირინა შეიკი Marc JacobsBeauty-ს ახალი სახე გახდა. ის წარმოუდგენლად ლამაზია და 2019 წელს ბრენდის წარმდგენი იქნება“ - წერენ ბრენდის ოფიციალურ Instagram გვერდზე.

შეგახსენებთ, რომ შემოდგომაზე ბრენდის სახე ასევე გახდა ქეით მოსის 16 წლის ქალიშვილი, ლილა გრეისი.

ანა ვერძაძე
რა ემართება სხეულს, როდესაც ღამით ვიკვებებით?
XXI საუკუნეში ჭარბწონიანობის პრობლემას კაცობრიობა უფრო გაცნობიერებულად უდგება:
როგორი ვარცხნილობა გაიკეთოთ ახალ წელს? - ტოპ სადღესასწაულო ვარცხნილობები
გირჩევთ ახალ წელს რთული ვარცხნილობები დაივიწყოთ და უპირატესობა ბუნებრიობას მიანიჭოთ. ყველაზე ჩვეულებრივი კოსები, კუდები და ხვეულებიც კი სადღესასწაულოდ გამოიყურება, თუ მათ თმის აქსესუარებით გააფორმებთ. გთავაზობთ, ყველაზე მოდურ ვარიანტებს ნებისმიერი სიგრძის თმისთვის.







ანა ვერძაძე
შეარჩიეთ ფანქარი თვალის ფერის მიხედვით

ქალები ყველაზე ხშირად შავი ფერის თვალის ფანქარს იყენებენ. თუ გინდათ რომ მოდურად გამოიყურებოდეთ სხვადასხვაგვარი მაკიაჟი უნდა სცადოთ.

TOP 5 ვარცხნილობა ცუდი ამინდის დროს

ცუდი ამინდი ფაქტობრივად ჩიხში გვაქცევს. საქმე მხოლოდ ტანსაცმლის არჩევაში არაა, გასწორებული და დავარცხნილი ვარცხნილობა წვიმაში ფუჭდება.

მაკიაჟი მარიხუანის შემცველობით ერთ-ერთი ყველაზე მოთხოვნადი პროდუქტია
კოსმეტიკის ბიზნესში აუცილებელია იყო ინოვაციური. ხალხს იზიდავს სიახლე და მაკიაჟის მწარმოებლებისთვის საკმაოდ რთულია, შემოიტანონ ბაზარზე რაღაც ახალი, გამორჩეული და ამავდროულად ხარისხიანი. თუ გასულ თვეებს გადავხედავთ, მივხვდებით, რომ ყველაზე გაყიდვადი არის ის, რაც ამკვიდრებს ახალ ტენდეციას, მაგალითად რიანას Fenty Beauty, რომლის პროდუქტიც განკუთვნილია ყველა რასის ადამიანისთვის. ბრენდმა მოახერხა და მიიქცია საზოგადოების ყურადღება ტონალურის წყალობით, რომელსაც 50 განსხვავებული ტონი აქვს, ყველა ფერის კანისთვის.

მაგრამ ამ სტატიაში რიანას ბრენდზე არ ვისაუბრებთ. დღეს გაგაცნობთ კოსმეტიკის სახლს, რომელმაც 2018 წელს გაყიდვაში ჩაუშვა სხვადასხვა მეიქაფ პროდუქტი მარიხუანის შემცველობით.

ნიუ-იორკში დაფუძვნებული ბრენდი, სახელად მილქ სტუდიო მრავალი წელია საზოგადოებას ინოვაციურ პროდუქტებს სთავაზობს. კომპანია კოსმეტიკის მხრივ საკმაოდ პოპულალურია თანამედროვე ბაზარზე. 2016 წელს Vogue წერს, რომ მილქი ბიუთი კომპანიებს ახალ სტანდარტებს უწესებს, რაც ნამდვილად ძალიან ბევრს ნიშნავს. ბოლო წლებში ბრენდი გაყიდვაში უშვებს 100% ვეგანურ კოსმეტიკას, ანუ ისინი სრულიად მცენარეულ დანამატებს შეიცავენ. სწორედ ეს იყო ბრენდის პირველი დიდი ინოვაციური ნაბიჯი ინდუსტრიაში.

2018 წლის 20 აპრილს მილქ სტუდიო თავის მომხმარებლებს სთავაზობს ტუშს, რომლის შემადგენლობაშიც არც მეტი, არც ნაკლები, მარიხუანაა. პროდუქტმა მალევე მიიღო დიდი გამოხმაურება მედიისგან და საზოგადოების დიდ ნაწილს კითხვებიც გაუჩინა. „რა დანიშნულება აქვს ტუშში მარიხუანას?“, „მართლა ზემოქმედებს იგი ადამიანის გონებაზე?“ და მრავალ სხვა კითხვას შეხვდებით ინტერნეტში. რა თქმა უნდა, მარიხუანას არანაირი ზემოქმედების უნარი არ გააჩნია კოსმეტიკურ პროდუქტში. როგორც მილქ სტუდიოს დამაარსებელი ამბობს, ბრენდის მიზანია გააცნოს საზოგადოებას კანაფის სრულიად ახალი დანიშნულება. როგორც კოსმეტიკის სახლის საიტზე ვკითხულობთ, მარიხუანას ზეთი ეხმარება წამწამებს გაჯანსაღებასა და გაზრდაში, ასევე ზრდის ტუშის წამწამებზე შენარჩუნების დროს. როგორც მომხმარებლები ამბობენ, ინოვაციურ პროდუქტს მართლაც შთამბეჭდავი შედეგი აქვს.

როგორც უკვე ვახსენე, ინოვაციურობა წარმატების საწინდარია და მილქის იდეამაც გაამართლა. კანაფის შემცველობის ტუში გასული თვეების ერთ-ერთი ყველაზე გაყიდვადი პროდუქტია. სწორედ ამიტომ, ბრენდმა კიდევ რამდენიმე სიახლე დაანონსა. მიმდინარე თვეში გაყიდვაში ტუჩსაცხები ჩაეშვა, რომლებიც ტუშის მსგავსად, მარიხუანას ზეთს შეიცავენ. მილქ სტუდიო გვპირდება, რომ სრულიად მცენარეული კოსმეტიკური საშუალება თავს დაგვამახსოვრებს მისი ჰიდრაციულობითა და გამაჯანსაღებელი ეფექტით.

საინტერესოა, კიდევ რას შემოგვთავაზებს სიახლეების მოყვარული ბრენდი და რამდენად მიბაძავენ მას სხვა კოსმეტიკის სახლებიც მომავალ წელს. გახდება, თუ არა მარიხუანა ხშირად გამოყენებადი დანამატი კოსმეტიკის ბიზნესში? ამას 2019 წელს შევიტყობთ.

ბაკა ალავიძე

რჩევები თუ როგორ შევარჩიოთ მაკიაჟი

ადრე, თავის მოვლის მოყვარულებს მხოლოდ წითელი პომადა და გამჭირვალე ბალზამი ჰყოფნიდათ. ახლა კი, ჩვენ გვიწევს ავარჩიოთ ათასობით ფერიდან, ტექსტურიდან და ფორმიდან შესაფერისი. ჩვენ შემოგთავაზებთ ახალ, მოდურ საშუალებებს თქვენი ტუჩებისთვის, რომლებიც ამ სეზონზე გამოგადგებათ.