არა ნაადრევ ქორწინებას!

უყურებ ფოტოსესიას და გიკვირს - ლამაზი მოდელები, გემოვნებიანი საქორწინო კაბები, ნიჭიერი ფოტოგრაფის კადრები...

მაშინ რატომ არის ფოტოები სავსე სარკაზმით, სევდითა და ცინიზმით? იმიტომ, რომ...


სტატისტიკის მიხედვით, საქართველოში მცხოვრები ქალების 14% ნაადრევად დაქორწინდა -18 წლის შესრულებამდე. რა თქმა უნდა, ეს მონაცემები ვერ იქნება სრული, რადგან ნაადრევი ქორწინება ხშირად ოფიციალურად არ რეგისტრირდება.


ადრეული ქორწინების საზიანო პრაქტიკა საქართველოში ბოლო წლებში საგრძნობლად გახშირდა. ეს არის ოფიციალური ან არაოფიციალური კავშირი ორი ადამიანისა, რომელთაგან თუ ორივე არა, ერთ-ერთი მაინც 18 წლის ასაკს მიუღწეველია. ეს მიჩნეულია ადამიანის

უფლებების დარღვევად, რადგან არასრულწლოვანს არ შეუძლია გააზრებულად განაცხადოს თანხმობა ქორწინებაზე.


ადრეული ქორწინება ის ფენომენია, რომელიც გენდერულ ჭრილში უნდა განიხილებოდეს -იგი არაერთგვაროვან გავლენას ახდენს ბიჭებსა და გოგონებზე. ზოგადად, ადრეულ ქორწინებაში მყოფი ბიჭების რაოდენობა, გოგონებთან შედარებით, გაცილებით ნაკლებია. გოგონებისთვის ეს მძიმე შედეგების მომტანია, ხშირ შემთხვევაში მათ სოციალურ და უფლებრივ გარიყვას იწვევს და ხელს უშლის განათლების დასრულებაში. მოზარდობის ასაკში ორსულობა და მშობიარობა კი დედისა და ნაყოფის ჯანმრთელობას რისკქვეშ აყენებს. ადრეული ქორწინების გამომწვევი მიზეზები კომპლექსურია და შესაბამისად, ვითარების გასაუმჯობესებლად მრავალმხრივი მუშაობაა საჭირო როგორც პოლიტიკის და კანონმდებლობის დონეზე, ასევე მოზარდებთან მათი დამოკიდებულების შესაცვლელად.


2017 წლიდან, კანონმდებლობაში შეტანილი ცვლილების თანახმად, 18 წლამდე ქორწინება გამონაკლისის დაშვების გარეშე აკრძალულია.


ფოტოსესია სწორედ ამ თემას მიეძღვნა. კამპანიის -"არა ნაადრევ ქორწინებას" -ინიციატორები და იდეის ავტორები არიან სამოდელო სააგენტო Lოოკმოდელს-ი და ფოტოგრაფი მარი ნაკანი, ხოლო ფოტოსესიის საქორწინო კაბებით უზრუნველყოფა მაღაზია Mari Gold-მა ითავა.


სწორედ ამიტომაა ფოტოები სავსე სარკაზმით, სევდითა და ცინიზმით. მარი ნაკანის ხედვით, სასურველია, თინეიჯერმა პატარძლებმა რეალურად აღიქვან, რა ელით ნაადრევად დაქორწინების შემდეგ და იქნებ... გადაიფიქრონ!


არა ნაადრევ ქორწინებას!

იხილეთ ფოტოები

  • წინა
like
0

კომენტარის დამატება

სახელი*
აღწერა*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.