რას აუკრძალავენ მეგან მარკლს პრინც ჰარისთან დაქორწინების შემდეგ

ეს დღეც დადგა: მეგან მარკლი და პრინცი ჰარი ახლა ოფიციალურად დაინიშნენ. მანამდე ცოტა ხნით ადრე მეგანმა სერიალის "ფორს-მაჟორი" გადაღებები დაასრულა და საცხოვრებლად ლონდონში გადავიდა.

ახლა მარკლი სამსახიობო კარიერას ვეღარ გააგრძელებს და სოციალური საქმეებით დაკავდება, როგორც ამას პრინც უილიამის მეუღლე, ქეით მიდლტონი აკეთებს.
სამეფო ოჯახთან ურთიერთობა არც ისეთი მარტივია, როგორც ბევრს წარმოუდგენია. ჰარისთვის ღირსეული მეუღლე რომ გახდეს, მეგანს სასახლის პროტოკოლისა და წესების შესწავლა მოუწევს.

გაგაცნობთ, რა აეკრძალება მეგან მარკლს პრინც ჰარისთან ქორწინების შემდეგ

1. არ შეიძლება "მონოპოლიის" თამაში
2008 წელს პრინცმა
ენდრიუმ სამეფო ოჯახში პოპულარული სამაგიდო თამაში აკრძალა, რადგან მონარქებისთვის "ზედმეტად მანკიერად" მიიჩნია. ვიმედოვნებთ, რომ "მონოპოლია" მეგან მარკლის ყველაზე საყვარელი თამაში არ არის.



2.
არ შეიძლება ხამანწკების ჭამა
ექიმები სამეფო ოჯახის წევრებს ურჩევენ არ მიირთვან ხამანწკები მოწამვლისა და ალერგიული რეაქციების მაღალი რისკის გამო. თუმცა ამ წესს სამეფო ოჯახის ყველა წევრი არ ითვალისწინებს. მაგ: პრინც ჩარლზი ხანდახან ამ დელიკატესს აგემოვნებს.

3. არ ღირს საკუთარი პოლიტიკური შეხედულებების ღიად გამოთქმა
მიუხედავად იმისა, რომ ბრიტანეთის მონარქიის წარმომადგენლებმა საზღვრებს გარეთ საკუთარი ინტერესები უნდა გააძლიერონ, მათ პოლიტიკური შეხედულებების გამოხატვა ეკრძალებათ.



4. არ შეიძლება სამეფო ოჯახის სხვა წევრების უბრალოდ სახელით მიმართვა
სამეფო ოჯახის წევრები ერთამანეთს მხოლოდ ტიტულის მიხედვით მიმართავენ - "სერ" ან "მემ".

5. არ შეიძლება ავტოგრაფების გაცემა
როგორც ყველა მსახიობი, მეგანი მიჩვეულია ყველა პრემიერასა და წვეულებაზე ავტოგტრაფების გაცემას. სამეფო ოჯახის წევრებს კი ამის უფლება არ აქვთ.

6. დაუშვებელია სამოსის ტარება, რომელიც სამეფო დრეს-კოდს არ შეეფერება
ქორწილის შემდეგ, მეგანს საყვარელ ღრმა დეკოლტეებსა და მინი ქვედა ბოლოებზე უარის თქმა მოუწევს.


7.
არ შეიძლება ნატურალური ბეწვის ქურთუკის ტარება
მეფე ედვარდ III-მ სამეფო ოჯახს ბეწვის სამოსის ტარება აუკრძალა. თუმცა ეს მხოლოდ ბეწვის ქურთუკებს ეხება, ხოლო ბეწვის ქუდები და მანჟეტები დასაშვებია.

8. არ შეიძლება მოგზაურობა შავი კაბის თან წაღების გარეშე
ეს წესი სამეფო ოჯახის ყველა წევრმა უნდა დაიცვას, იმ შემთხვევისთვის, თუ მათი რომელიმე ნათესავი გარდაიცვლება.

9. დაუშვებელია მყვირალა ფერის ფრჩხილის ლაკის გაკეთება
ლაკის ფერი ყოველთვის ნეიტრალური უნდა იყოს. ფრჩხილის სიგრძე საშუალო, ფორმა მოწესრიგებული.



10. დაუშვებელია შემდეგი 8 სიტყვის წარმოთქმა
სამეფო ოჯახის წევრები ყურადღებით აკონტროლებენ საუბარს: შავ სიაში 8 სიტყვა აქვთ, რომლებსაც არავითარ შემთხვევაში არ იყენებენ. მათ შორისაა სრულიად უწყინარი სიტყვებიც: "სუნამო"; "სასტუმრო"; "დივანი"; "მამა"; ასევე "შიდა ეზო"; "უკაცრავად" და "საპირფარეშო".

ანა ვერძაძე

ასევე დაგაინტერესებთ:

პრინცმა ჰარიმ და მეგან მარკლიმ ქორწილის ოფიციალური დღე და ადგილი დაასახელეს

სახის კანის მოვლის 7 რჩევა მეგან მარკლის საყვარელი კოსმეტოლოგისგან

პრინცი ჰარისა და მეგან მარკლის პირველი გამოსვლა საზოგადოებაში ნიშნობის ოფიციალურად გამოცხადების შემდეგ

მეგან მარკლი საქორწილო კაბას არჩევს


like
0

კომენტარის დამატება

სახელი*
აღწერა*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.