პარტნიორების სიმაღლეში დიდი სხვაობა, ბედნიერი ურთიერთობის საწინდარია - კვლევის შედეგები

გიფიქრიათ, თუ რატომ მოსწონს ქალების დიდ ნაწილს მამაკაცი, რომელიც მასზე ბევრად მაღალია?

რა თქმა უნდა, ამის მიზეზი შესაძლოა ის იყოს, რომ ასეთ შემთხვევაში მაღალქუსლიან ფეხსაცმელებს უფრო თამამად ჩაიცვამთ და იმაზე არ იდარდებთ, რომ პარტნიორზე მაღალი გამოჩნდებით, მაგრამ მხოლოდ ეს არ არის და ყველაფერს მეცნიერული ახსნა აქვს.



ამერიკელი ფსიქოლოგებისა და წყვილების ურთიერთობაზე დაკვირვების შედეგად მეცნიერებმა მიაგნეს პასუხს: თუ რომანტიკულ პარტნიორებში მამაკაცი ქალზე გაცილებით მაღალია, ეს ურთიერთობის ბედნიერების განმსაზღვრელია.



შეუძლია თუ არა მაღალ კაცს ქალის გაბედნიერება? - ამ კითხვით მკვლევარებმა 2019 წელს
ამერიკელებს მიმართეს და კვლევაში ჩართული ქალებიდან 7850-ის პასუხი იყო „დიახ“. როცა წყვილს შორის კაცი ქალზე უფრო მაღალია, ეს ურთიერთობის ბედნიერების წინაპირობაა. ფსიქოლოგიურად დადგინდა, რომ მაღალ კაცებს ქალები უფრო სანდოდ და საიმედო პარტნიორებად მიიჩნევენ, რომლებსაც მათი ყველა სიტუაციაში დაცვა შეუძლიათ. კვლევის დასკვნაში აღნიშნულია, რომ შესაძლოა ამის მიზეზი ისიც იყოს, რომ მაღალი კაცები უფრო თავდაჯერებულები არიან. ამავდროულად, ქალები მაღალ მამაკაცებს უფრო მომხიბვლელებად მიიჩნევენ, ხოლო მომხიბვლელი პარტნიორის გვერდით ყოფნა ქალს განსაკუთრებით აბედნიერებს.



ყოველივე არ ნიშნავს, რომ დაბალი მამაკაცის გვერდით ბედნიერი ვერ იქნებით და რომ დაბალი კაცები მომხიბვლელები არ არიან. ზემოთ მოცემული კვლევა ზუსტ მტკიცებულებად ვერ გამოდგება. მით უფრო, რომ 2010 წელს ჩატარებულმა კვლევამ საპირისპირო შედეგი აჩვენა. ამ კვლევის თანახმად, ქალებს დაბალი კაცები უფრო მომხიბვლელებად მიაჩნიათ, მაგრამ ამავდროულად უნდა ითქვას, რომ 2010 წლის კვლევამაც ერთი რამ დაადასტურა - ბედნიერები არიან ის წყვილები, რომელთა შორისაც სიმაღლეში სხვაობაა - მამაკაცი დაბალი, ხოლო ქალბატონი მასზე მაღალია. შედეგად კი, შეგვიძლია ვთქვათ, რომ წყვილის ბედნიერებაზე გავლენას ახდენს პარტნიორებს შორის სიმაღლეში სხვაობა. შესაძლოა, კაცი იყოს ქალზე მაღალი, ან პირიქით კაცი იყოს დაბალი და ქალი თავის პარტნიორზე უფრო მაღალი.



ლიდია ამარიანი
like
0

კომენტარის დამატება
×
სახელი*
კომენტარი*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.