სიყვარული და სექსი

დღის ფოტო: ფეხმძიმე ირინა შეიკი ბრედლი კუპერთან ერთად პლაჟზე

გასულ კვირას, პაპარაცებმა ირინა შეიკი და ბრედლი კუპერი კალიფორნიის ერთ-ერთ სანაპიროზე, რომანტიკული პიკნიკის დროს დააფიქსირეს.

ცოლებისა და საყვარლების რეიტინგი ზოდიაქოს ნიშნის მიხედვით
12 - მორიელი
ის წარმოუდგენლად კარგი, მიმზიდველი და ჭკვიანია.
რა ელით ზოდიაქოს ნიშნებს სიყვარულში 2018 წელს
ყვითელი ძაღლის წელიწადი საერთო ჯამში კარგ წელს გპირდებათ.
ფეხმძიმე ამალ ქლუნი  ძალიან მოდურად გამოიყურება

ფეხმძიმობის ამბის გავრცელების შემდეგ ამალ ქლუნი ფოტოკამერების ობიექტივში პირველად მოხვდა.

ვენსან კასელის გულწრფელი აღიარება: „ თინასთან შეხვედრამდე ჩემი ცხოვრება ცარიელი იყო...“
24 აგვისტოს 51 წლის მსახიობის, ვენსან კასელისა და 21 წლის მოდელის, თინა კუნაკის ქორწილი შედგა, რომელიც საფრანგეთის სამხრეთ-დასავლეთ ნაწილში მდებარე პატარა ქალაქ ბიდარტში გაიმართა. ქორწილამდე რამდენიმე დღით ადრე წყვილმა იტალიურ გამომცემლობას Vanity Fair ინტერვიუ მისცა, სადაც მათ სიყვარულზე ისაუბრეს - ყველაზე საინტერესო მომენტები ინტერვიუდან, რაც განქორწინებისა და მონიკა ბელუჩისთან ამჟამინდელ ურთიერთობასაც ეხება, მოცემულია სტატიაში.

„ვფიქრობდი: დაქორწინებული ვიყავი, ორი ქალიშვილი მყავს, ყველაფერი გავაკეთე, რაც უნდა გამეკეთბინა. ვცხოვრობდი თავისუფალი კაცის ცხოვრებით. ეს სახალისოა, მაგრამ რაღაც მომენტში მივხვდი, რომ ჩემი ცხოვრება ცარიელი იყო. ვინმესთან შეხვედრის იმედიც კი არ მქონდა, მაგრამ ეს მოხდა. ეს ქალი კი იმაზე ბევრად ახალგაზრდაა, ვიდრე წარმომედგინა“ - განაცხადა კასელმა Vanity Fair -თან ინტერვიუში და აღნიშნა, რომ „ჩვენ არ ვირჩევთ, ვინ შევიყვაროთ. ეს თავისთავად ხდება“.

ასელსა და კუნაკს შორის ასაკობრივი სხვაობა 30 წელია. თინას ასაკის გაგებისას, ვენსანი გაოცებული იყო.
„გაცნობიდან მეორე დღეს (წყვილმა ერთმანეთი 2015 წელს გაიცნო, როცა კუნაკი 18 წლის იყო) არა მარტო თინას ასაკი გავიგე, არამედ ისიც, რომ გასულ საღამოს მამამისი ძალიან ინერვიულა, რადგან მისი ქალიშვილი სახლში ჩვეულებრივზე გვიან დაბრუნდა. მაშინ მე მას შევთავაზე, რომ ყველანი ერთად ლანჩზე წავსულიყავით. და იმ წამსვე გავიფიქრე, რომ ეს სიგიჟე იყო - ჩვენ ხომ ერთმანეთი მხოლოდ გუშინ გავიცანით. თუმცა გულის კარნახს მივყევი და ეს მაინც გავაკეთე“ - ჰყვება მსახიობი.
მამის გარდა ლანჩზე მიწვეული იყო მოდელის ძმაც - შეხვედრის დროს მათ ბევრი ისაუბრეს ყველაფერზე და შესანიშნავი დრო გაატარეს, რის შემდეგაც მიუხედავად ასაკობრივი სხვაობისა, წყვილის რომანი ძალიან სწრაფად განვითარდა.
საკუთარ ინტერვიუში ვენსან კასელი თინა კუნაკს ახასიათებს, როგორც „ინტელექტუალსა და თავისუფალს“, გოგონა კი გამოტყდა, რომ მისი საყვარელი მამაკაცი - „ჯენლტმენი, ძალიან ნიჭიერი და სექსუალურია“.
მათ ურთიერთობაში მთავარ დაბრკოლებას კი თინა ხუმრობით ასახელებს ვენსანის მუსიკალურ გემოვნებას - მას უყვარს ბრაზილიური სიმღერა, რაც თინას საერთოდ არ მოსწონს. მაგრამ ორივეს უყვარს ცხოველები - რამდენიმე თვის წინ მსახიობმა საყვარელ ქალს კატა სფინქსი აჩუქა, რაზეც თინა 15 წლიდან ოცნებობდა.
„როცა რამდენიმე თვის წინ მან ცოლობა მთხოვა, გაურკვევლობაში ვიყავი. მანამდე ამაზე არასდროს გვისაუბრია. მაშინ ვერაფერი ვუპასუხე, რადგან არ ველოდი“ - განაცხადა თინა კუნაკმა ინტერვიუში.
„ქორწინება ეს პირობაა, რის მიცემაც ერთმანეთისთვის მანამ შეგვიძლია, ვიდრე ნამდვილი ოჯახი გავხდებით“ - აღნიშნავს კასელი და ხაზს უსვამს, რომ მზადაა მამა კიდევ ერთხელ გახდეს: „შვილები საუკეთესო რამაა ამ სამყაროში. ჩემი ქალიშვილების წყალობით ჭეშმარიტად შევიცანი მთელი სამყარო, ისინი დამეხმარნენ საკუთარი თავის შეცნობაშიც“.

შეგახსენებთ, რომ მონიკა ბელუჩისთან ქორწინებიდან კასელს ორი ქალიშვილი ჰყავს.
Vanity Fair-თან ინტერვიუში ვენსანმა მონიკა ბელუჩისთან ურთიერთობაზეც ისაუბრა, რომელსაც 2013 წელს დაშორდა: „მონიკას ცუდს არასდროს გავუკეთებ. მე ის მიყვარს და პატივსვცემ, თუ მას ოდესმე ჩემი დახმარება დასჭირდება, მასთან ქვეყნიერების მეორე კუთხიდან მივალ. ჩვენს შორის კონფლიქტი არ არის“.
მონიკა ბელუჩისა და ვენსან კასელის ქორწინება 14 წელს გაგრძელდა.

ანა ვერძაძე
რით დამთავრდება მამაკაცთან ურთიერთობა, რომელიც თქვენზე ბევრად უმცროსია
არსებობს 40-დან 50 წლამდე ქალების კატეგორია, რომლებსაც პირად ცხოვრებაში არ გაუმართლათ, რადგან ისინი ერთ ასეთ სტერეოტიპს მტკიცედ ეჭიდებოდნენ: მამაკაცი უფრო ძლიერი უნდა იყოს.
დიდებული ციტატები სიყვარულზე

საუკეთესო ციტატები დაუსრულებელ და ყველაზე სასიამოვნო თემაზე - სიყვარულზე. ეს გამონათქვამები არ არის ბანალური და ისევე განსხვავდება ერთმანეთისგან, როგორც ადამიანები, რომლებმაც ისინი წარმოთქვეს.

როგორ შევაყვაროთ ადამიანს თავი 4 წუთში. 35 კითხვა, რომლის შემდეგაც სიყვარული გარდაუვალია

არტურ არონი - არის ფსიქოლოგი, რომელმაც 20 წლის წინ საოცარი ექსპერიმენტი ჩაატარა.

ზღვარი მეგობრობასა და სიყვარულს შორის
მხოლოდ მეგობარია თუ?.... იქნებ უყვარს და ვერ ეუბნება?... - ასეთი ეჭვი ყველას უჩნდება, როცა გოგოსა და ბიჭის მეგობრობის შესახებ იგებენ. შესაძლებელია თუ არა ქალსა და მამაკაცს შორის მეგობრული ურთიერთობა? ამაზე ბევრჯერ მიკამათია. მე ვფიქრობ შესაძლებელია, მაგრამ იშვიათია. ჩემი პოზიცია საკუთარი გამოცდილებიდან გამომდინარე ასეთია: როცა ადამიანი ძალიან კარგია, ლამაზია, ჭკვიანი და გამგები, ის სხვისთვის არ გემეტება და ხდები ეგოისტი, სიყვარულიც გეპარება და ეს მეგობრობაც ცალ კარში თამაშს ემსგავსება. ხშირია შემთხვევა როცა "მეგობრებად რჩებიან", სიყვარული გაუზიარებელია და ამ გარდამავალი მდგომარეობის გადალახვა საკმაოდ რთული ხდება, რასაც შედეგად დანაკარგი მოჰყვება. ეს ჩემი პირადია აზრია, მაგრამ შენ ნამდვილად გაგიმართლა, თუ შენს მამაკაც-მეგობართან ურთიერთობა გულწრფელად მეგობრულია და ერთ ქვაბში არ იხარშება მეგობრობა, სიყვარული, თავის მოტყუება და მარტოდ დარჩენის შიში.

მამაკაც-მეგობარს ბევრი სარგებლობა მოაქვს, ბევრად კომფორტულია ურთიერთობებში ვიდრე მეგობარი გოგონა. ზუსტად ვერ გეტყვი რა განსხვავებაა, მაგრამ უმეტეს სიტუაციაში მამაკაცს მეტი უპირატესობა აქვს. მას შეუძლია დაგამშვიდოს, თვითშეფასება აგიმაღლოს, მოგიწყოს სიურპრიზები, მოგამარაგოს საყვარელი ტკბილეულობით, სახლში გაგაცილოს და მოგცეს ყველაზე პრაქტიკული რჩევა, როცა ყველაზე მეტად გჭირდება.
მეგობარი ის ადამიანია, რომელსაც ყველაზე კარგად იცნობ, არ ეპრანჭები და მასაც ისეთი უყვარხარ, როგორიც სინამდვილეში ხარ, შენი მინუს-პლიუსებიანად, მაგრამ როგორ უყვარხარ?...

დაკვირვებიხართ, ზოგჯერ როგორ დაჟინებით გიმტკიცებს მამაკაცი რომ "დასავით უყვარხარ ან მეგობრულად". ამას იმდენად ხშირად გიმეორებს, სულ რომ არ გქონდეს ეჭვი, უკვე გაგიჩნდება. თითქოს საკუთარ თავს უმტკიცებენ, რომ სხვანაირად არ უნდა შემოგხედოს და რომ ეს ღალატის ტოლფასია. ამას ერთვის მეგობრის დაკარგვის შიში და უთქმელობის კომპლექსი. ზოგადად ადამიანმა ჯობია გააკეთო რამე და ინანო, ვიდრე არ გააკეთო და ინანო. მე ვფიქრობ, მამაკაცმა დრო სწორად უნდა შეარჩიოს და ქალ-მეგობარს ეს საიდუმლო გაანდოს, რადგან გამონაკლისებიც არსებობს, როცა გრძნობა უპასუხოდ არ რჩება და მეგობრობა სიყვარულში გადაიზრდება. ყველაზე ცუდი სცენარი ისაა, როცა მამაკაცი თანხმდება მეგობრებად დარჩენას, თუმცა ყოველი სიტყვა, თუნდაც ხუმრობით ნათქვამი მასში იმედს აღძრავს, რომ მისკენ შებრუნდები და ყველაფერი შეიცვლება. ამ მტკივნეულ და ხანდახან არცთუ ისე ხანმოკლე პროცესს კი დრო სჭირდება. ძნელია ამ ურთიერთობის შენარჩუნება, მით უმეტეს, როცა ამ ადამიანის დაკარგვა არ გინდა და შენთვის მართლაც ძვირფასია. უამრავი დრო და ენერგია გჭირდება, რომ ეს მეგობრობა შეინარჩუნო.

მაგრამ ერთი რამ უნდა გვახსოვდეს, რომ ადამიანები ვართ და ადამიანური სისუსტეები და შეცდომები ჩვენთვის უცხო არ არის. ყველას გამოუცდია ეს მდგომარეობა, როცა აცნობიერებ, რომ ის მეგობარზე მეტი ხდება შენთვის. ჩვენ ადამიანები, ხომ ზოგადად, ქალებად და კაცებად ვიყოფით და ადრე თუ გვიან, ერთმანეთს სწორედ საკუთარი ქალური და მამაკაცური თვალით ვაფასებთ.


ატალია ბერიანიძის ბლოგი

საკურორტო რომანი: მითი და რეალობა

მზე, ზღვა, საცურაო კოსტიუმი ... და კიდევ საზაფხულო რომანი. საინტერესოა რას ელოდება ქალი შვებულებისგან? ქალების უმეტესობისთვის შვებულება სიყვარულის პოვნის თვითმიზანია და ავიწყდებათ, რომ მამაკაცთა უმრავლესობა შვებულებისგან სულ სხვა რამეს ელის, მათ უბრალოდ მხიარულად სურთ დროს გატარება. საზაფხულო რომანი იმდენ ხანს გრძელდება, რამდენსაც შენი და "მისი" შვებულება. საინტერესოა, არის ეს სიყვარული, რომელიც მხოლოდ 1 კვირა გრძელდება? თუმცა გამორიცხული არაფერია. მათ შორის ისიც, რომ საკურორტო რომანი დიდ სიყვარულად იქცეს. როგორ ვითარდება სცენარი კურორტზე? მოდი, გადავხედოთ 4 ყველაზე გავრცელებულ სცენარს:

სცენარი I
როდესაც სახლს ათასობით კილომეტრით შორდები, თითქოს იცვლი ცხოვრების ჩვეულ სტილს, უფრო გახსნილი და ლაღი ხდები, იღებ ახალ გამოწვევებს, ახალგაცნობილი მამაკაციც იზიარებს ამ სტილს და მზად არის მთელი დღეები შენთან ერთად გაატაროს, სხვადასხვა აქტივობებში მიიღოს მონაწილეობა, გასწავლოს, დაგეხმაროს, დაგიცვას....ველოსიპედით სეირნობა, ბუნებაში გასვლა, კლდეზე ცოცვა, პარაფლანით ფრენა, ფესტივალებზე დასწრება... ეს არასრული ჩამონათვალია და ჩნდება ილუზია, რომ ეს თავგადასავალი უფრო სერიოზულ ურთიერთობაში შეიძლება გადაიზარდოს... ვინ იცის? თუ არადა, ლამაზი მოგონებები გარანტირებულია, რომელიც შესაძლოა მთელი წელიც გეყოს.

სცენარი II
მზე და ზღვა ადამიანს ძალიან ცვლის, ქალაქში ისინი სხვანაირები არიან. შვებულების დროს ბევრი მამაკაცი თავს უფლებას აძლევს გახდეს იდეალური მამაკაცი... ამისთვის მას 1 კვირა აქვს და ისიც წარმატებულად ირგებს ამ როლს. წარმოუდგენელი ხელგაშლილობა, გაგების უნარი, ჯენტლმენური მოპყრობა... ქალი თავს ნამდვილ პრინცესად გრძნობს და ავიწყდება რომ, ამ შვებულებასაც აქვს დასასრული და არც იმის იმედი უნდა ჰქონდეს, რომ მამაკაცი უკანმოუხედავად დაედევნება.

სცენარი III

თითქოს მარტივად არ უნდა ენდო გარუჯულ მამაკაცს, რომელსაც მარჯვენა არათითზე კარგად ემჩნევა თეთრი ზოლი, ან მამაკაცს რომელსაც ყოველდღე ნაირ-ნაირ გოგოებთან ერთად ხედავ.... მაგრამ, ადვილად იჯერებ, როდესაც მამაკაცი გიმტკიცებს, რომ მისთვის შენ სულ სხვა ხარ და ეს სერიოზული ურთიერთობაა. ჯობია თავი შეიკავო ამ ურთიერთობისგან, რათა მამაკაცმა არ ისარგებლოს შენი გულუბრყვილობით და იმედგაცრუებული არ დარჩე. "განშორებაც" ნაკლებად მტკივნეული იქნება.

სცენარი IV
არიან ქალები, რომლებიც ფიქრობენ რომ შვებულება მოპოვებული თავისუფლებაა და ცდილობენ მაქსიმალური სიამოვნება მიიღონ. მათი სლოგანია "არავითარი სერიოზული ურთიერთობა" და მოლოდინიც არ უცრუვდებათ. მხოლოდ მხიარული დასვენება, ახალი შთაბეჭდილებები, სექსი და დროებითი პარტნიორი. ერთი რაზეც აუცილებლად უნდა იფიქროს ქალმა, უსაფრთხო სექსია, რომ ამ წვრილმანმა მისი შვებულება არ გააფუჭოს.

რჩევა, რომელიც უნდა გაითვალისწინო:

თუ ილუზიების გარეშე ცხოვრებას ისწავლი, ყოველი საკურორტო რომანი არა ტკივილიან, არამედ ერთ-ერთ ყველაზე სასიამოვო მოგონებად იქცევა. და კიდევ გახსოვდეს, არ არის აუცილებელი ყველა ურთიერთობა ნომერში სექსით დამთავრდეს, ზღვის სანაპიროზე სეირნობა და რომანტიკული ვახშამიც საკმარისია, რომ საკუთარ შესაძლებლობებში დაგარწმუნოს და არც სინდისის ქეჯნამ შეგაწუხოს.


ატალია ბერიანიძის ბლოგი

ფრანგული კინოსა და თეატრის მსახიობი, ჟერარ ფილიპი ყველას მგზნებარე საყვარელი ეგონა, თუმცა მხოლოდ უახლოესმა მეგობრებმა იცოდნენ, რომ ხანმოკლე სიცოცხლის მანძილზე ერთხელ შეუყვარდა ქალი, რომელსაც გული ძალიან ატკინა.
Love actually: ურთიერთობის 5 სტადია, რომელსაც მხოლოდ ძლიერი წყვილები გადალახავენ
სიყვარული შეუცნობელი რამაა. ყველა ურთიერთობა სხვადასხვაგვარად იწყება და ვითარდება, ფსიქოლოგებმა კი მაინც მოახერხეს ფორმულის შექმნა, რომლის მიხედვითაც შესაძლებელია შემოწმდეს რამდენად მტკიცეა თქვენი სიყვარული.