“არტ ტენტი” - ახალი სივრცე ქართველი ხელოვანებისთვის

25 ივლისს 19:00-ზე მთაწმინდის პარკში ახალი ინოვაციური სივრცე “არტ ტენტი” გაიხსნება.

თბილისის ტურისტულ ლოკაციაზე განთავსებული “არტ ტენტი” 800 კვ.მ-ზე განთავსებული სივრცეა, რომელიც მთელი ზაფხულის განმავლობაში კულტურულ ჰაბად იქცევა და გალერეებს, არტისტებს, კოლექციონერებს, ხელოვნებით დაინტერესებულ სტუმრებს, ფილანტროპებს და საქართველოში ჩამოსულ მოგზაურებს გააერთიანებს.

“არტ ტენტის” პირველი ჯგუფური გამოფენა სახელწოდებით “ყოფიერების ანატომია” სხვადასხვა თაობის 30-ზე მეტი არტისტის გასულ და 21-ე საუკუნეში შექმნილ 200-ზე მეტ ნამუშევარს მოიცავს.

“გვინდა “არტ ტენტი” სხვადასხვა ადამიანების შეხვედრისა და კონტაქტების გაცვლის სივრცედ იქცეს, რომელიც ახალი გამოცდილება იქნება აქ მოსული
სტუმრებისთვის და საქართველოს ახალი კუთხით გააცნობს. “,-ამბობს გამოფენის კურატორი თეა ნილი.



დაზგური ფერწერა, გრაფიკა, ოფორტი, პრინტი, სკულპტურა, მულტიპლური ქანდაკების ობიექტები, ვიდეოინსტალაცია, მულტიმედია,- უნიკალური ნამუშევრები საქართველოში და მის ფარგლებსგარეთ მოღვაწე ისეთ ხელოვანებს აერთიანებს, როგორიცაა 1937 წელს რეპრესირებული ჰენრიკ ხრინევსკი, ასევე 19 წლის ნიუ იორკის “პრატის” ქართველი სტუდენტი სალომე დევაძე.

გამოფენა 25 ივლისს გაიხსნება და 31 აგვისტოს დასრულდება. 26 ივლისიდან მოსულ სტუმრებს გამოფენაზე დასწრება სიმბოლურ ფასად შეეძლებათ.

არტისტები: თემო ჯავახი, გია ხუციშვილი, თამუნა მელიქიშვილი, არჩილ თაბაგარი, მაია სუმბაძე, გელა პატიაშვილი, მარიამ ყანდიაშვილი, ლანა ცაგარეიშვილი, ლევან ყიფშიძე, მაია ლაშაური, დავით შუშანია, თომა, ილიკო ფოფხაძე, მაკო ლომაძე, ლევან ჭიჭინაძე, ნანა ლაღიძე, თეონა პაიჭაძე, მალხაზ შველიძე, სალომე დევაძე, უტა ბექაია, გიორგი ჩხეიძე, რუსუდან ხიზანიშვილი, ლევან მინდიაშვილი, ტატო ახალკაციშვილი, ლევან ჭელიძე, დავით ნათიძე, მარიამ ჩაგელიშვილი, ჰენრიკ ხრინევსკი, ვახტანგ კოკიაშვილი, სერგო ქუბულაძე.

გალერეები: LIFE N STYLE, VERE GALLERY, WINDOW PROJECT, ERTI GALLERY.
like
0

კომენტარის დამატება

სახელი*
აღწერა*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.