ჯასტინ და ჰეილი ბიბერები ამერიკული VOGUE-ს გარეკანზე

ამერიკულმა VOGUE-მ გუშინ მარტის გამოცემის გარეკანი გამოაქვეყნა, რომელზეც ცნობილი მომღერალი, ჯასტინ ბიბერი და მისი მეუღლე, მოდელი ჰეილი ბიბერი არიან წარმოდგენილი.

ინტერვიუში წყვილმა წარსულზე, ახლანდელ ურთიერთობასა და მომავლის გეგმებზე ისაუბრეს.

ჯასტინმა და ჰეილიმ ერთმანეთი 2009 წელს გაიცნეს და მას შემდეგ მეგობრობენ. წლების განმავლობაში საკმაოდ ახლო ურთიერთობა ჩამოუყალიბდათ და სამი წლის წინ პირველად სცადეს ურთიერთობის შემდეგ ეტაპზე გადასვლა, რომელიც წარუმატებლად დასრულდა და მათი მეგობრობაც საკმაოდ დრამატულ ფაზაში გადავიდა. ამის შემდეგ ურთიერთობაც გაწყვიტეს მანამ, სანამ 2018 წლის ივნისში შემთხვევით არ გადაეყარნენ ერთმანეთს მაიამიში,
ერთ-ერთ ეკლესიაში. შეხვედრიდან ერთ თვეში კი ჯასტინმა ჰეილის ხელი სთხოვა.

ჯასტინი ინტერვიუში თავის პრობლემატურ წლებსაც შეეხო, როდესაც ნარკოტიკებზე გახდა დამოკიდებული. როგორც ამბობს, ძალიან ეუხერხულება იმის, რასაც ადრე აკეთებდა, მაგრამ აქვე აღნიშნავს, რომ საზოგადოება ზედმეტად აკრიტიკებდა მას: „ხალხი მაიმუნის ყოლის გამო მლანძღავდა. თქვენ რომ იმდენი ფული გქონდეთ, რამდენიც მე მაქვს, მაიმუნს არ იყიდდით? აუცილებლად იყიდდით“- ამბობს მომღერალი. რაც შეეხება ნარკოტიკებს, მისი თქმით იყო დღეები, როდესაც დაცვის წევრები შუა ღამით აკითხავდნენ სახლში და ამოწმებდნენ, ცოცხალი იყო თუ არა იგი.

რაც შეეხება წყვილის სამომავლო გეგმებს, როგორც ჰეილი ამბობს, შემდეგი 2 წლის განმავლობაში ბავშვის ყოლას არ აპირებენ. „ჩვენ ძალიან ახალგაზრდები ვართ და ამ ეტაპზე ეს გადაწყვეტილება ნაადრევი გვგონია“ ორივე შევიცვლებით და ჩვენ გაზრდა,განვითარება და ერთმანეთის მხარდაჭერაც გვჭირდება. დღის დასასრულს, ჯასტინი ჩემი საუკეთესო მეგობარია, იგი არასოდეს არ მომბეზრდება.“-ამბობს მოდელი. ასევე აღნიშნავენ, რომ ისინი ქორწილის გეგმებს ადგენენ.

ბაკა ალავიძე
like
0

კომენტარის დამატება
×
სახელი*
კომენტარი*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.