ნაომი ქემპბელს პარტნიორი მობეზრდა

გასული წლის დასასრულს გავრცელდა ჭორები, რომ სუპერმოდელ ნაომი ქემპბელსა და ცნობილ მომღერალ ლიამ პეინს შორის სასიყვარულო ურთიერთობა ვითარდებოდა.

ამ ჭორებს დაემატა ფლირტის კომენტარები ერთმანეთის ფოტოებზე, პუბლიკის წინაშე ერთად გამოჩენები და სიმართლე გითხრათ, საერთოდ აღარ იყო საჭირო ამ ურთიერთობის დადასტურება თავად ცნობილი სახეებისგან, ისედაც ყველაფერი ნათელი იყო.

რამდენიმე თვის განმავლობაში ვარსკვლავური წყვილის შესახებ ახალი ინფორმაცია არ გავრელებულა, შეწყდა ფოტოებზე კომენტარებიც და პაპარაცების ფოტოებიც, რამაც ეჭვი გაგვიჩინა, რომ 48 წლის ნაომისა და 25 წლის ლიამს შორის ურთიერთობა არც ისე კარგად მიმდინარეობდა, რაც
საბოლოოდ გუშინ დადასტურდა.

როგორც სანდო წყაროები ამბობენ, „ნაომიმ გადაწყვიტა პარტნიორთან ურთიერთობა გაწყვიტოს. მას ლიამი აღარ მოსწონს და მასთან ერთად ყოფნას აღარ აპირებს. ასე რომ ვთქვათ, მობეზრდა.“ როგორც აღმოჩნდა, ქემპბელი ურთიერთობას დიდად სერიოზულად არც არასდროს აღიქვამდა.

ასევე გავრცელდა ინფორმაცია, რომ ლიამს ნაომის 49-ე დაბადების დღის წვეულებაზე უნდა ემღერა, მოგვიანებით კი საფრანგეთში გაეგრძელებინათ რომანტიკული შვებულება, მაგრამ რა თქმა უნდა გეგმები ჩაიშალა.

ბაკა ალავიძე
like
0

კომენტარის დამატება

სახელი*
აღწერა*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.