წყვილების პოზიციები ძილის დროს და მათი მნიშვნელობა

ძილის დროს ყველა წყვილი განსხვავებულად წევს. ზოგი ჩვეულებრივად, ზურგზე, ზოგს ემბრიონის პოზა მოსწონს, ზოგისთვის კი ჩახუტებული ძილია კომფორტული. თითოეულ პოზას შეუძლია თქვენს ურთიერთობაზე ილაპარაკოს...


ესე იგი, თუ თქვენ ხშირად იძინებთ, როგორც ...


1. განუყრელები



თქვენ ჩახუტებულები ხართ პირისპირ მთელი ღამის განმავლობაში.

რას ნიშნავს: თუ თქვენ ამ პოზაში ხშირად გძინავთ, ეს ნიშნავს, რომ დიდი ხანი არაა, რაც ერთად ხართ და ჯერ კიდევ თავბრუდამხვევ პერიოდს გადიხართ. ფსიქოლოგები ირწმუნებიან, რომ სიყვარული 3 წლის მანძილზე ძლებს, თუმცა, ზოგ წყვილს ამგვარად, უფრო დიდი ხნის განმავლობაშიც

ძინავს. თუ ეს თქვენი შემთხვევაა, ეს ნიშნავს, რომ თქვენ უბრალოდ ძალიან დამოკიდებულები ხართ ერთმანეთზე.



2. კოვზის პოზა


წარმოიდგინეთ, როგორ აწყვია კოვზები. თუ წყვილიდან ერთ-ერთი მეორე მხარეს გადატრიალდება, მაშინ მეორეც იგივეს აკეთებს.

რას ნიშნავს: თქვენ გინდათ, რაც შეიძლება ახლოს იყოთ ერთმანეთთან, ეს თქვენ სიმშვიდის, კომფორტის და დაცულობის შეგრძნებას გაძლევთ. სხვათა შორის, წყვილების უმრავლესობა ამ პოზას ურთიერთობის დასაწყისში ირჩევს, დაახლოებით პირველი 3-5 წლის განმავმლობაში.


3. „კონტაქტზე“


ეს პოზა მის წინამორბედს ძალიან ჰგავს, თქვენი ფეხები და ხელები ერთმანეთს ეხება, უბრალოდ თქვენს შორის პატარა თავისუფალი ადგილი მაინც რჩება.

რას ნიშნავს: ასეთი პოზიცია ნიშნავს, რომ ორივე ადამიანი თავის თავში და ურთიერთობაში დარწმუნებულია, ამიტომ, თქვენ აძლევთ თავს საშუალებას, გქონდეთ პირადი თავისუფალი სივრცე და ამასთან, არ გეშინიათ, რომ პარტნიორი ამის გამო გაგექცევათ.


4. თავი მხარზე


ორივე პარტნიორს ზურგზე სძინავს და ამასთან, ქალს თავი მამაკაცის მკერდზე უდევს.
რას ნიშნავს: ასეთი პოზა ნიშნავს, რომ თქვენი სულიერი სწონასწორობა თქვენს პარტნიორზეა დამოკიდებული და ამასთან, ამ ურთიერთობაში დარწმუნებული ხართ.



5. ჩამეხუტე


თქვენი საყვარელი მამაკაცი ზურგზე წევს და გეხუტებათ, თქვენ კი მის მკერდზე გიდევთ თავი.
რას ნიშნავს: წყვილები იშვიათად ირჩევენ ამ პოზას, განსაკუთრებით მაშინ, როდესაც ურთიერთობაში კრიზისია. შეიძლება თქვენ უბრალოდ მეტი ზრუნვა, ყურადღება და სითბო გჭირდებათ მისგან.


6. ფეხი ფეხზე


თქვენ არ განიცდით საჭიროებას, მთელი ღამის მანძილზე სხეულით კავშირი გქონდეთ ერთმანეთთან, თუმცა, ზოგჯერ გაუცნობიერებლად ეძებთ მას და ზოგჯერ ფეხებით ეხებით.
რას ნიშნავს: თქვენს არაცნობიერს უნდა დარწმუნდეს იმაში, რომ საყვარელი ადამიანი ისევ გვერდით წევს და ახლოსაა. ასეთი სურვილი განსაკუთრებით ჩხუბის შემდეგ ჩნდება.



7. ზურგით


საწოლში ყოველი თქვენგანი საკუთარ, კომფორტულ ადგილს იკავებს, ამასთან, თქვენ ოდნავი შეხება გსიამოვნებთ, მაგალითად, ზურგით.
რას ნიშნავს: სულიერი სიმშვიდისთვის ორივე თქვენთაგანს პერიოდულად განმარტოება სჭირდება, თუმცა, ამასთან, ერთმანეთის გარეშე ცხოვრება არ შეგიძლიათ.


8. ზღვარი


თქვენი საყვარელი ადამიანი შეტრიალებულია და საწოლის კიდეზე სძინავს? ფრთხილად: თქვენს საძინებელში შეიძლება მესამე ადამიანი გაჩნდეს.
რას ნიშნავს: როგორც ჩანს, დღის მანძილზე მწვავედ იკამათეთ და წყენა ჯერ კიდევ არ განელებულა. როგორ მოიქცეთ? ჩაიწიეთ ახლოს მასთან და ნაზად მოეხვიეთ - თქვენი სხეული ბევრად მეტს გამოხატავს, ვიდრე ეს სიტყვებს შეუძლიათ.



9. „ტაიმ-აუტი“


თქვენი პარტნიორი საკუთარ ნახევარზე წევს და ძილის დროს არც ერთხელ არ გეხებათ.
რას ნიშნავს: თუ ასეთი პოზიცია თქვენთვის ახალია, არ იჩქაროთ ნერვიულობის დაწყება. შეიძლება, მას უბრალოდ ძილის დროს ძალების აღდგენა, მორალურად და ფიზიკურად დასვენება სჭირდება. ყოველი ჩვენთანაგანი, დროთა განმავლობაში არის იმ მდგომარეობაში, როდესაც უბრალოდ უნდა, რომ თავი დაანებონ.



10. თავდაყირა


ძილის დროს, თქვენი პარტნიორი მოულოდნელ მოძრაობებს აკეთებს, ზოგჯერ საწოლიდანაც კი ვარდება.
ასეთი ქაოტური პოზიცია ხშირად იმის მანიშნებელია, რომ ადამიანს ურთიერთობიდან თავის დაღწევა უნდა და თუ დღის მანძილზე ის თავს იკავებს ლაპარაკისგან, ძილში მისი სხეული ლაპარაკობს. დაუთმეთ უფრო მეტი ყურადღება ერთმანეთს, დაილაპარაკეთ, რას ელოდებით ამ ურთიერთობისგან და როგორ ხედავთ მომავალს.

like
53

კომენტარები

maia
da tu ertad ar wvnan wlebis mandzilze...
2016-09-26 03:56

კომენტარის დამატება
×
სახელი*
კომენტარი*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.