განსაცვიფრებელი აპარტამენტები, სადაც იღებს სტუმრებს აზერბაიჯანის პრეზიდენტი

საპრეზიდენტო აპარტამენტები სასტუმრო "ჯუმეირაში" იმპერატორის სასახლეს უფრო წააგავს, ვიდრე სასტუმროს ნომერს - ძველებური ავეჯი, უძვირფასესი ლარნაკები, მოოქროვილი ნივთები და საუცხოო როიალი, რომელზეც ელტონ ჯონიც კი უკრავდა.



ხუთვარსკვლავიანი სასტუმრო "ჯუმეირა" ბაქოში ის ადგილია, რომელიც აზერბაიჯანში ყოფნის შემთხვევაში აუცილებლად უნდა მოინახულოთ. სასტუმროს ცენტრიდან 35 კმ-ით არის დაშორებული. ძალიან მოხერხებული დისლოკაცია აქვს ზღვის სანაპიროზე და 300-მეტრიანი საკუთარი პლიაჟიც აქვს თავის აკვაპარკით. საუცხოო ზღვის პროდუქტები, სპორტული კომპლექსი, ყველაზე გრძელი ჭაღი მსოფლიოში.

ნომერში მოხვდერა მხოლოდ სპეციალური მაგნიტური ბარათით არის შესაძლებელი. დერეფნიდანვე მიხვდებით, რასთან გაქვთ საქმე.

ძველებური ავეჯი, დიდი სარკეები, მასიური ლარნაკები და ოქრო. დეკორატორებმა აქცენტები ეროვნულ დეტალებზე გააკეთეს. აღმოსავლეთში წარმატება ხომ ოქროსთან ასოცირდება.


ვერ გეტყვით, რას გრძნობენ პრეზიდენტ ალიევის სტუმრები ამ საპრეზიდენტო აპარტამენტებში, ჩვეულებრივ ტურისტს კი თავი მუზეუმში ეგონება.


აქ ყველაფერი ძალიან ბრწყინავს, ყვირის. ნივთისთვის ხელის შეხებაც კი დაგენანება. ჩამოჯდომაც კი გეშინია, რამე რომ არ შეილახოს, დაიკუჭოს. ირგვლივ იდეალური წესრიგია. ასეთ გარემოს მოდუნება ცოტა რთულია. ზამბარასავით დაჭიმული ხარ, თუ, რა თქმა უნდა, რომელიმე ქვეყნის პრეზიდენტი ან ნავტობკორპირაციის მეპატრონე არ ხარ.



საპრეზიდენტო აპარტამენტებში სამი ოთახია: საძინებელი, მოსალაპარაკებელი ოთახი უზარმაზარი მრგვალი მაგიდით და მისაღები ოთახი. საერთო ფართი 170 კვ.მ-ს შეადგენს.

წაიკითხეთ გაგრძელება

like
0

კომენტარები

the z 2016-07-06 06:24
Sashinelebaaa

კომენტარის დამატება

სახელი*
აღწერა*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.