მსოფლიო მოდის სახლების რესტორნები

შეიძლება ბევრმა არ იცოდე, რომ ცნობილი დიზაინერები არა მხოლოდ სამოსს ქმნიან, არამედ საკუთარი რესტორნებიც აქვთ. ალბათ ყველაზე საინტერესოა, როგორი ინტერიერია  ARMANI-ს კაფეში, თუმცა რთული გამოსაცნობი არ იქნება, რა ფერებშია გადაწყვეტილი Tiffany & Co-ს BLUE BOX CAFÉ-ს ინტერიერი.

BLUE BOX CAFÉ


საუზმე Tiffany-თან კინემატოგრაფიული მეტაფორა აღარ არის, ეს რეალობად იქცა. ის ნიუ-იორკში, საიუველირო მაღაზიის Tiffany & Co  მეოთხე სართულზე მდებარეობს. რესტორანი კლასიკურ ამერიკულ სამზარეულოს გთავაზობთ, ადგილობრივი პროდუქტებისგან.

THOMAS CAFE


Burberry-მ ლონდონის ბუტიკში საკუთარ გასტრონომიულ დაწესებულებას სახელი ბრენდის დამაარსებლის, ტომას ბარბერის პატივსაცემად დაარქვა. კრისტოფერ
ბეილიმ რესტორანი შეაფასა, როგორც ადგილი, სადაც "შესაძლებელია დროის გატარება, მოდუნება და Burberry-ის სამყაროთი ტკბობა". სამზარეულო ინგლისურია.


EMPORIO ARMANI CAFFÉ


იტალიელი დიზაინერი და ბიზნესმენი, ჯორჯიო არმანი მხოლოდ ტანსაცმელს არ ქმნის. მას აქვს საკუთარი კაფეების ქსელი მთელს მსოფლიოში, სახლისთვის Armani Casa აწარმოებს ავეჯსა და აქსესუარებს, მის მენიუში კი იტალიური სამზარეულოს ცნობილი კერძებია.

THE POLO BAR


Ralph Lauren-ის პირველი რესტორანი ნიუ-იორკში, თუმცა ბრენდისთვის პირველი არა, მანამდე გაიხსნა ჩიკაგოში RL და პარიზში Ralph's. მენიუში ფართოდ არის წარმოდგენილი ამერიკული კლასიკა.


1921 GUCCI


ცნობილი იტალიური ბრენდის რსტორანი შანხაიში. ბუტიკიდან პირდაპირ, განსაკუთრებულ ლიფტს მეოთხე სართულზე აჰყავხართ, სადაც შეგიძლიათ იტალიურ და ევროპულ სამზარეულოზე ორიენტირებული კერძები შეუკვეთოთ. Gucci-მ კაფეები გახსნა ტოკიოსა და ფლორენციაშიც.


RISTORANTE TRUSSARDI ALLA SCALA


მდიდრული, მრავლსართულიანი ბუტიკი მილანში, სადაც ცნობილი საოპერო თეატრი ლა სკალა მაღალი დონის სამზარეულოს გთავაზობთ რობერტო კონტის შესრულებით. აქ პირველ სართულზე განთავსებულია ლაუნჯ ბარი, სადაც კოქტეილსა და იშვიათ საკეს დალევთ, მაღლა კი სრულფასოვანი რესტორანია - რაც არ უნდა შეუკვეთოთ, გაოცებისთვის მზად იყავით.

ანა ვერძაძე
like
0