ყველაფერი ბეტი კატრუს - ივ სენ-ლორანის “ქალი ორეულის” შესახებ

ენტონი ვაკარელოს თაოსნობით წლის მთავარი პროექტი განხორცილდა Musée Yves Saint Laurent-ის მუზეუმში.



3 მარტს ივ სენ-ლორანის მუზეუმში, პარიზში, გაიხსნა 2020 წლის საკვანძო გამოფენა სახელწოდებით Betty Catroux, Yves Saint Laurent Feminin singulier, რომელიც წლის ბოლომდე გაგრძელდება. მისი მთავარი გმირი, მოდის მიმდევარი ბეტი კატრუა, რომელსაც მუზეუმში “სტილის კერპად” და დიზაინერის “ქალ ორეულად” წარადგენენ. მოწვეული კურატორი გამოფენაზე გახდა მოდის სახლის კრეატიული დირექტორი ენტონი ვაკარელო.



როგორ უნდა გაიმიჯნოს ბეტი კატრუს პერსონა, თუკი არა ტანისამოსში, რომელიც მამაკაცისა და ქალბატონებისთვის არის განსაზღვრული? ეს უკანასკნელი მოდის მიმდევარი

ქალის გულს ყოველთვის იპყრობდა: ბეტი გადარეული იყო დენიმებზე, უხეშ ქურთუკებზე, რომელიც აგრძნობინებდა, რომ არც გოგო იყო არც ბიჭი, თუმცა ის მიმზიდველად თავს სწორედ ბიჭურად ჩაცმაში გრძნობდა.



ბეტი ივ სენ-ლორანისთვის იყო მეგობარიც, გამორჩეულად საყვარელი მოდელიც, რომელსაც იდეალურად მიიჩნევდა საკუთარი კოლექციებისთვის: კატრუ ამსხვრევდა ყველა კულტურულ კოდს, რომელიც უკავშირდებოდა ქალურობისა და სექსუალურობის გაგებას.



ბეტის მსოფლიოს საუკეთესო ფოტოგრაფები აფიქსირებდნენ მუდამ: ჰეუტ ნიუტონი, ირვინ პენი, სტივენ მეიზელი და ჟანლუ სიეფი. მათი ფოტოარქივებიდან მოპოვებული სურათებით, დოკუმენტებით და საკუთარი ტანისამოსით- ლაბადებით, სმოკინგებით, შარვლის ორეულებით და არამარტო - ვაკარელო ყველა იმ დროინდელ სენ-ლორანის სტილზე მოგვითხრობს, რომელიც სამოციანებში გაჩნდა და იარსება უმაღლესი მოდის ხაზის დასრულებამდე, 2002-წლამდე.
“როცა ბეტის ხედავ, გრძნობ რომ ივ სენ-ლორანის კოლექციის აღქმის უნარს კარგავ იმდენად შთამბეჭდავია” - აღირა ვაკარელომ.

 



კატრუმ ერთ-ერთი ყველაზე გულუხვი შესაწირი გასწია თავის მხრიდან, მან “პიერ ბერჟე - ივ სენ-ლორანის” ფონდს მოდის სახლის კოლექციიდან 180 ნივთი უსახსოვრა. ამჟამად კი პარიზში არსებულ ივ სენ-ლორანის მუზეუმსა და მარაკეშში განთავსებულია მოდის სახლის ისტორიის 34 000 ნივთი. თუ რა აკავშირებს ბეტის ივ სენ-ლორანთან ამ ყველაფრის საკუთარი თვალით დანახვა შესაძლებელია პარიზში მიმდინარე წლის 11 ნოემბრის ჩათვლით.


ლიდია ამარიანი

like
0

კომენტარის დამატება
×
სახელი*
კომენტარი*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.

მსგავსი სიახლეები