მსოფლიოში აღიარებული ქართველი დიზაინერები

მსოფლიოს მოდის ინდუსტრია არაერთ ქართველ დიზაინერს იცნობს და აღიარებს, რადგან მათ, თავიანთი ნიჭითა და ინოვაციებით ბევრი ახალი ტენდენცია დაამკვიდრეს.



ერთ-ერთი ასეთი წარმატებული დიზაინერი David Koma, იგივე დავით კომახიძეა, რომლის სამოსიც ბიონსემ, ლედი გაგამ, რიანამ, კაილი მინოუგმა და სხვა მსოფლიოში ცნობილმა ვარსკვლავებმა მოირგეს. დევიდ კომას კოლექციების სერია 2011 წლიდან, გაზაფხული-ზაფხულის კლასიკური ბალერინას კოსტიუმებით დაიწყო. ეს კოლექცია ფერების ცვალებადობით ხასიათდებოდა. მას უდიდესი პოპულარობა და აღიარება მოჰყვა, მისი კოლექციები ჟურნალ Vogue-ს ფურცლებზეც იბეჭდებოდა.

ბრიტანეთში მოღვაწე ქართველი დიზაინერი მოდის სამყაროში განსაკუთრებით პოპულარული Central Saint

Martins Fashion College-ში საუკეთესო კოლექციის წარდგენის შემდეგ გახდა. ამის შემდეგ კოლექცია Harrods-ში გაიგზავნა, სადაც მხოლოდ ცნობილი და წარმატებული დიზაინერების ბრენდებია გამოფენილი.

მას შემდეგ, დევიდ კომას ჩვენებები ყოველთვის რეზონანსული და წარმატებულია.

ის საქართველოს Tbilisi Fashion Week-ის ფარგლებში სტუმრობს ხოლმე და პროექტში აქტიურად ერთვება.

ქართველი დიზაინერის, დემნა გვასალიას Balenciaga-ს კრეატიულ დირექტორად დანიშვნის შემდეგ, მისმა კრეატიულმა და ნოვატორულმა სტილმა საყოველთაო აღიარება მოიპოვა. დემნა გვასალიას Vetements-ი მსოფლიოში ერთ-ერთი წამყვანი ბრენდი გახდა.გამოცემა Elle-მ დემნა გვასალიას ქურთუკი (Ski Jacket) 2016-17 წლების ზამთრის ყველაზე ტრენდულ სამოსად დაასახელა.


დემნა გვასალიას ევროპაში კარგად იცნობენ. ის თბილისის სახელმწიფო უნივერსიტეტისა და ანტვერპენის სამეფო აკადემიის ხელოვნების ფაკულტეტის კურსდამთავრებულია. 2009-2012 წლებში გვასალია Maison Martin Margiela-ში ქალების კოლექციის დიზაინერის პოზიციას იკავებდა, 2012-2014 წლებში კი Luois Vuitton-ში გადავიდა. გაგრძელება

like
0

კომენტარის დამატება

სახელი*
აღწერა*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.