სექსუალური ქალიდან - სასოწარკვეთილ დიასახლისამდე, ანჯელინა ჯოლის ცხოვრება

კალიფორნიაში, 1975 წლის 4 ივნისს, ცნობილი მსახიობის, ჯონ ვოითისა და მარჩელინ ბერტრანდის ოჯახში ქერათმიანი გოგონა დაიბადა, რომელსაც ანჯელინა დაარქვეს.
გოგონა ბავშვობიდან გამოირჩეოდა განსხვავებული გარეგნობითა და ქარიზმით. მისი მშობლები მალე დაშორდნენ ერთმანეთს და ამის შემდეგ, მასა და მის ძმას - ჯონს, დედა ზრდიდა. რომელმაც სამსახიობო კარიერაზე უარი შვილების გამო თქვა.


ჯოლის ბავშვობა იოლი ნამდვილად არ ყოფილა. მატერიალური უზრუნველყოფის მიუხედავად, მას ხშირად ჰქონდა დეპრესიული პერიოდები, რაც თანაკლასელებთან ცუდი ურთიერთობით იყო განპირობებული. მას არა ერთხელ მიუყენებია ზიანი საკუთარი თავისთვის და როგორც ამბობდა, დანების

კოლექციასაც კი ინახავდა.

ენჯის დებიუტი მამასთან ერთად, ფილმ „ველოდები წასვლას“-ში 1982 წელს შედგა. პირველი მთავარი როლი კი მომავალმა ვარსკვლავმა ფილმ „ჰაკერებში“ ითამაშა, 1995 წელს. ანჯელინამ მთავარი პრიზი - ოსკარი, როგორც მეორე ხარისხოვანი როლის შემსრულებელი ფილმისთვის - „გოგონას შეაწყვეტინეს“ - 1999 წელს მიიღო.


ენჯის სხვა არა ერთ წარმატებულ პროექტზე უმუშავია და დროთა განმავლობაში, უფრო და უფრო დიდ მწვერვალებს იპყრობდა. ის ბევრჯერ იყო დასახელებული პლანეტის ყველაზე სექსუალურ ქალად.
მსახიობის პირადი ცხოვრება ყოველთვის იყო ყურადღების ცენტრში, რის მიზეზსაც ენჯი აშაკარად აძლევდა ჟურნალისტებს.


ჯოლი დიდი ხნის მანძილზე იყო ნაჩხუბარი მამასთან, თუმცა შერიგების შემდეგაც ბოლომდე ვერ მოახერხა ურთიერთობის გამოსწორება, რაც იმით დამთავრდა, რომ 2002 წელს, ენჯიმ გვარი ვოითი ჩამოიშორა და ოფიციალურად ჯოლი გახდა. ამასთან დაკავშირებით ჯონ ვოითმა განცხადებაც კი გააკეთა, რომ მის ქალიშვილს ფსიქოლოგიური პრობლემები ჰქონდა, რაზეც ანჯელინამ პრესას განუცხადა, რომ ის არ ელაპარაკებოდა მამამისს და არ თვლიდა, რომ ოჯახი აუცილებლად სისხლით ნათესაობას ნიშნავდა.


ჯოლის კარიერული წინსვლა მას შემდეგ დაიწყო, რაც მან ბიოგრაფიულ ფილმში „ჯორჯ უოლესი“ -ში შესრულებული როლისთვის ოქროს გლობული მიიღო და ემიზეც იქნა ნომინირებული.
ენჯის პირველი მეუღლე ჯონი ლი მილერი იყო, ხოლო მეორედ მსახიობ ბილი ბობ თორტნოსთან სცადა ბედი, თუმცა ორივე მცდელობა განქორწინებით დასრულდა.


წლების განმავლობაში, ჯოლის გარეგნობა, ისევე როგორც ხასიათი, ევოლუციას განიცდიდა. ის პერიოდულად ახალ სვირინგებს იმატებდა და დღეს, სხეულის დიდი ნაწილი მოხატული აქვს. თუმცა, მალე „პანკი გოგონასგან“ ენჯი ნაზ და დახვეწილ ქალად გადაიქცა, რომელმაც ბოლოს მაინც თქვა უარი ნარკოტიკებსა და ბოჰემურ ცხოვრებაზე და ოჯახზე დაიწყო ფიქრი.


ჯოლის შვილები არ უნდოდა, მაგრამ უცხო ქვეყნებში ერთ-ერთი საქველმოქმედო ვიზიტის შემდეგ აზრი შეიცვალა და პირველი შვილი - მედოქსიც იშვილა.
2005 წელს მსახიობმა მონაწილეობა ფილმ - „მისტერ და მისის სმიტებში“-ში მიიღო, სადაც მას პარტნიორობას ბრედ პიტი უწევდა. პიტი იმ დროს ჯენიფერ ენისტონზე იყო დაქროწინებული, თუმცა მისი და ჯოლის ურთიერთობა ისე სწრრაფად განვითარდა, რომ ძალიან მალე, მტკივნეული განშორების მიუხედავად, ბრედი ოჯახიდან წამოვიდა და ჯოლისთან ერთად დაიწყო ცხოვრება.

 


დღეს წყვილი სამ აყვანილ (მედქოსი, პექსი და ზაჰარა ) და სამ ბიოლოგიურ შვილს (შილო, კოქსი და ვივიენი) ზრდის. წლების განმავლობაში თანაცხოვრების მიუხედავად, ჰოლივუდის ერთ-ერთმა ყველაზე ლამაზმა წყვილმა დაქორწინების გადაწყვეტილება 9 წლის შემდეგ მიიღო და ქორწილიც 2014 წელს შედგა.


მსახიობმა ცხოვრების მანძილზე ყველაზე დიდი ტრავმა დედის გარდაცვალების გამო მიიღო, რომელიც კიბომ იმსხვერპლა. როგორც ცნობილია, ამავე დაავადებით დაიღუპნენ მისი დეიდა და ბებია. შეშინებულმა მსახიობმა საკვერცხეები და მკერდი მოიკვეთა, რათა თავიდან აეცილებინა მსგავსი პრობლემები.


ჯოლი იმედოვნებდა, რომ მისი შვილები არასოდეს იტყოდნენ, დედა კიბოთი მოკვდაო და ეს ფიქრი აძლებინებდა გადაეტანა რთული პერიოდი. როგორც შორიდან ჩანდა, პიტი მეუღლეს გვერდში ედგა და ამაყობდა კიდეც მისი გამბედაობით, თუმცა დედის სიკვდილისგან მიღებულმა ტრამვამ, ოპერაციებმა, გადატვირთულმა გრაფიკმა (ჯოლი დღემდე აგრძელებს მოგზაურობას და გაჭირვებული ადამიანების დახმარებას. მსახიობი გაეროს კეთილი ელჩია) ძალიან ცუდად იმოქმედა მსახიობზე.


ამ ყველაფერს კი გაუთავებელი კამათი მეუღლესთან და ჭორები მისი ღალატის შესახებაც ემატება.
ენჯი დიდი ხანია ვეღარ იწონებს თავს მიმზიდველი ფორმებითა და ლამაზი გარეგნობით, რისი მიზეზიც მისი არანორმალურად დაბალი წონაა. ენჯი დღეს 35 კილოზე ნაკლებს იწონის და ბოლოს გავრცელებული ინფორმაციით საავადმყოფოშიც კი იყო გადაყვანილი, თუმცა, ამ ფაქტზე ოფიციალური ინფორმაცია ჯერ არ გაკეთებულა.


ბრედის მოდნომება და ბრძოლა იმისთვის, რომ ცოლს პირვანდელი სახე დაებურნებინა, უშედეგო აღმოჩნდა, რაც მიზეზი გახდა მათი მოსალოდნელი განქორწინების. დღეს ჟურნალისტები იმასაც კი ვარაუდობენ, რომ მისი ყველაზე საშინელი კოშმარი ახდა და ამდენი მცდელობის მიუხედავად, ენჯი კიბოს ვერ გადაურჩა. თუმცა, ეს ჯერ-ჯერობით დაუზუსტებელი ინფორმაციაა და ვიმედოვნოთ, რომ მხოლოდ ჭორია.


თუმცა, ფაქტია, რომ ქალი, რომელიც ყოველთვის გამორჩეოდა განსაკუთრებული გარეგნობით, სიკეთითა და მომხიბვლელობით; 6 შვილის დედა, რომელიც სხვის შვილებზეც ძალიან ბევრს ზრუნავს და დღემდე არ ერიდება საშიშ რეგიონებში გაჭირვებული ადამიანების მონახულებას - დღეს ნერვიული აშლილობის პირასაა და მის ჯანმრთელობას სერიოზული საფრთხე ემუქრება.


დაეხმარო მილიონობთ ადამიანს, იყო წარმატებული მსახიობი, მისაბაძი დედა და მეუღლე, ძალიან რთულია და ჯოლი თავისი ძლიერი ხასიათის დახმარებით ამ ყველაფერს დღემდე ახერხებდა, ის მიღწეული წარმატების მიუხედავად არასოდეს სარგებლობდა ბოროტად თავისი გავლენით და ბევრს იმედს უჩენდა უკეთესი მომავლისა და ცხოვრების.


ეს ის ქალია, რომელიც არ იმსახურებს ამ მდგომარეობას და მისი ყველა თაყვანისმცელი იმედოვნებს, რომ ძალიან მალე ანჯელინა ისევ ისეთი სიცოცხლით სავსე და მიმზიდველი გამოჩნდება საზოგადოების წინაშე, თავის ოჯახთან ერთად, სრული შემადგენლობით.

მარიამ ბერიძე

like
12

კომენტარები

ელა
ანჯელინა ულამაზესია, ქალები ათასნაირ პლასტიკურ ოპერაციას იკეთებენ, რომ მას დაემსგავსონ, ის ეთადერთი და განუმეორებელია...
2016-09-02 17:55
...
მიკვირს რატომ იგლიჯავთ ვენებს ვიღაც გარყვნილი ადამიანების გამო!?როცა ადამიანთა უმრავლესობა საკუთარ ოჯახის წევრს არ სცემს პატივს!მეზობელს და ახლობელს კი ზურგს უკან ბოზს ეძახიან.მაშინ ანჯელინა რაღა გამოდის?თუ რადგან თქვენს მეზობლად არ ცხოვრობს?ზოგადად კუმირის ყოლა და ვიღაცის გაფანატება ადამიანის ფსიქოლოგიურ პრობლემაზე მიუთითებს..აი პროფესიონალიზმის შეფასება კი მესმის და ამ მხრივ მოწონება
2016-09-01 15:21
Avtors
გერლფრენდი რომ ჰყავდა და ბისექსუალია ეგ რატომ არ დაწერე?!
2016-09-01 15:08
ნია
ჩემთვისმაინც ნომერ პირველ ქალად რჩება. ულამაზესია
2016-09-01 12:06
milana
Gulit da sulit usurveb gamojanmrtelebas
2016-07-02 00:44

კომენტარის დამატება
×
სახელი*
კომენტარი*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.