ტოპ 5 ქართველი ქალი წარმატებული კარიერით და მათი ჩაცმის სტილი

წარმოგიდგენთ ხუთ წარმატებულ ქართველ ქალს, რომელთაც კარიერაში დიდ წარმატებას მიაღწიეს.

1. ლიკა კვარაცხელია


საქმიანი, მომხიბლავი და ელეგანტური, ნებისმიერ პოზიციაზე მაღალპროფესიონალური მიდგომით გამოირჩევა, რაც მისი წარმატების საიდუმლოა.
მოდელის კარიერიდან წარმატებული ბიზნესის შექმნამდე ბევრი იშრომა და დღეს ერთ-ერთი საუკეთესო რესტორნების ქსელის მმართველია. პარალელურად არც მოდის სფეროს ივიწყებს და სამოდელო სააგენტო "ჯეომოდელსთან"თანამშრომლობს. (წაიკითხეთ ინტერვიუ)

2. თეონა ნემსიწვერიძე


დღეს უკვე ერთ-ერთი საუკეთესო ტურისტული კომპანიის მფლობელია. ახალგაზრდა, მომხიბვლელი და მიზანდასახული ქალბატონის პროფესიონალიზმს ანდობენ მაღალი რანგის სტუმრებისთვის ბიზნესტურების დაგეგმვასა და ტურისტული მარშრუტების შერჩევას. საინტერესო პროფესიისა და
მრავალწლიანი გამოცდილების შესაბამისად, ჩვენი სტუმრის, თეონა ნემსიწვერიძის საქმიანი ბიოგრაფია საინტერესო ამბებითა და შთაბეჭდილებებითაა სავსე. მოსაყოლიც ბევრი აქვს... (წაიკითხეთ ინტერვიუ)


3. ლიკა ლობჟანიძე


"არტფარმა" ერთ-ერთი პირველი კომპანიაა, რომელმაც ქართულ ფარმაცევტულ ბაზარზე, ქალბატონებს, სილამაზის ალტერნატიული, თუმცა ევროპაში აპრობირებული ნუტრიკოსმეტიკური საშუალება შესთავაზა. დღეს ქართველმა ქალბატონებმა იციან, რომ გარეგანი სილამაზისა და ახალგაზრდული იერის გასამყარებლად სასურველია, შინაგან სიჯანსაღეზეც იზრუნონ. ლიკა "არტფარმას" დამფუძნებელია და სიამოვნებით მოგვიყვება კომპანიის კონცეფციასა და მისი განვითარების გზაზე, - თუ როგორ იქცა მისი ჩანაფიქრი წარმატებულ ბიზნესად. (წაიკითხეთ ინტერვიუ)

4. სონია ნიკოლაძე


პროფესიით დიპლომატმა პიარსა და მარკეტინგში მიაღწია წარმატებას.
ბევრი სიახლე და საინტერესო პროექტი უკავშირდება მის სახელს. სონია გახლდათ მეგაბრენდების Bally, Trussardi და Casharelპიარისა და მარკეტინგის მენეჯერი. მონაწილეობდა მედიათეკის კონცეფციის ჩამოყალიბებაში, ასევე წარმატებით ითანამშრომლა სილამაზის სალონების ქსელთან "ნატალი". ამჯერად არტ-კაფეს HOME ივენთების მენეჯერია. მიაჩნია, რომ საუკეთესო სამსახური აქვს, რადგან მისთვის ნაცნობ გარემოში უწევს თბილისისთვის ახალი და საინტერესო კონცეფციის კაფეზე მუშაობა, რომელშიც გაერთიანებული იქნება სთეიჯი DJ-სთვის, საგამოფენო სივრცე და მაღაზია, სადაც ვინტაჟური ტანსაცმელი გაიყიდება. ეს იქნება საუკეთესო ადგილი კლუბური ცხოვრების მოყვარულთათვის - პრეკლუბის კონცეფციით. მიუხედავად საინტერესო და დატვირთული სამუშაო რეჟიმისა, სიამოვნებით დაუბრუნდებოდა ძირითად პროფესიას, რომელიც დიპლომატის კარიერას უკავშირდება. (წაიკითხეთ ინტერვიუ)

5. ანი ფურცელაძე


ანი ფურცელაძე ნიუ-იორკში ქართველი დიზაინერების კონცეპტუალური ბუტიკის - ”მალატის” იდეის ავტორი და თანადამფუძნებელია.
”მალატი” ჯერ 9 თვეა, რაც არსებობს, თუმცა მისი მომხმარებლები მოდის ცნობილი მოყვარულები არიან, ბრენდს კი უკვე სხვადასხვა ქალაქში გაფართოებას სთავაზობენ. (წაიკითხეთ ინტერვიუ)

like
0

კომენტარები

* 2017-11-07 08:51
ხუთივეს ვუსურვებ წარმატებებს და ვისურვებდი საქართველოში უფროდაუფრო ბევრი ადამიანი ყოფილიყოს მათთსავით წარმატებულები.

კომენტარის დამატება

სახელი*
აღწერა*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.